Espazos Xoves (28)
CURSO DE CONDUCIÓN EFICIENTE NO ESPAZO XOVE DE VIVEIRO
O Espazo Xove de Viveiro organiza un Curso de Condución Eficiente, que ten entre os seus obxetivos o aforro de combustible, redución da contaminación e disminución dos accidentes, está dirixido a mozos/as de 18 a 35 anos con carnet de conducir.
O programa do curso constará das seguintes partes:
- Introducción o curso
- 1º ronda condución en circuito urbano e interurbano de 16 km
- Formación na aula
- 2º ronda condución en circuito urbano e interurbano de 16 km aplicando as técnicas explicadas na formación teórica
- Anotación de resultados e comparativa de consumos
- Entrega de diplomas
- Enquisa anónima e final de sesión
Ademáis os contidos a tratar no curso serán o consumo de enerxía e emisión ó medio ambiente, mantemento do vehículo, a actitude do conductor ( Mentalidade e anticipación), resposta ante diferentes situación de tráfico e claves da condución eficiente.
O día 21 de Setembro, de 15:00 a 21:00 horas, desenvolverase o curso de xeito gratuito, e terá unha duración de 6 horas presenciais. As prazas serán un máximo de 18 persoas.
Información e inscrición no espazo xove Avenida Cervantes s/n. Teléfono 982 87 09 54
Fin do taller muralista no Espazo Xove de Carballo
O Espazo Xove de Carballo acolleu a entrega de diplomas aos participantes no obradoiro muralista impartido por Mon Lendoiro. Ao mesmo tempo, inaugurouse o mural resultante. Alí estaba o propio artista, así como Xan Carlos Ansia, director do Espazo Xove de Carballo.
LIDERAte en Noia
O 18 de maio desenvolveuse no Espazo Xove de Noia a formación LIDERAte á que asistiron 50 xóvenes, dos tres ciclos formativos dos IES Campo de San Alberto e IES Virxe do Mar.
LIDERAte: desenvolvemento persoal para o emprego e o emprendemento
En Carballo desenvolveuse a formación “EMPRURAL: mozos e mozas con proxecto” , que intenta facilitar aos mozos e mozas a súa orientación profesional e futura inserción sociolaboral en comarcas locais, ofrecéndolle apoio e acompañamento profesionalizado no proceso de elaboración e materialización dos seus proxectos en tres eidos: profesional (emprego/empresa), persoal (motivación, habilidades sociais) e social (cooperación, voluntariado, reciprocidade).
Lectura de poemas de Rosalía de Castro en Carballo
O sábado día 24 de febreiro desenvolveuse no Espazo Xove de Carballo unha lectura de poemas de Rosalía de Castro co gaio do aniversario do seu nacemento, dentro do programa Ti es Rosalía!
Curso de Monitor/a de tempo libre en Betanzos
A Escola de tempo libre Querqus organiza un curso de Monitor/a de actividades de tempo libre en Betanzos
O curso celebrarase no Espazo Xove de Betanzos. Rúa Valdoncel 7
Datas:dende o 11 de febreiro ata o 27 de maio de 2017
Horario:sábados e algún domingo, de 9 a 14 horas e de 15:30 a 20:30 horas
Prezo:260 euros (con desconto 250 euros). Pódese fraccionar o pago e hai descontos por carné xove, membros de AA.XX, membros da fundación Fragas do Mandeo e desempregados
Máis información enetlquerqus@gmail.comteléfono 981 774 089 (polas tardes)
EXPOSICION DE FOTOGRAFIA: VIAXANDO
ESPAZO XOVE DE TUI
EXPOSICION DE FOTOGRAFIA: VIAXANDO
. Mostra das fotografías presentadas ao X Certame Viaxando organizado polas OMIXs de Salceda de Caselas, O Porriño, Baiona, Gondomar, A Guarda, O Rosal, Tomiño e o Espazo Xove de Tui
- Estará no Espazo Xove de Tui ata o 28 de decembro
- Foto gañadora: "La frontera entre el cielo y la tierra" de Cristina Araujo Acevedo
O Espazo Xove de Betanzos, dependente da Dirección Xeral de Xuventude e Voluntariado da Xunta de Galicia, súmase á iniciativa do Proxecto “Tapones para una nueva vida”, nas súas dependencias da Rúa Valdoncel, Nº 7, recollendo todos aqueles tapóns de plástico que habitualmente tiramos ao lixo.. Estes tapóns de plástico poden ser de cualquer tipo: bebidas, deterxentes, condimentos…..
Os principais obxetivos da campaña son:
- Axudar a nenos sen recursos a acceder a un tratamento médico e/ou aparatos ortopédicos non regulados no sistema sanitario, co fin de mellorar a sua calidade de vida.
- Concienciar a toda a sociedade mediante a sua participación da facilidade que conleva o reciclaxe sinxelo. Realizando un simple xesto de gardar tapóns de plástico en lugar de levalos indiscriminadamente ao lixo.
Todas as persoas interesadas en colaborar poden depositar os tapóns no Espazo Xove de Betanzos en horario de tarde.
O Espazo Xove de Betanzos pon unha mesa informativa o Día Mundial da Loita contra a Sida
Con motivo da celebración do Día Mundial da Loita Contra a Sida, o Espazo Xove de Betanzos instalou, como en anos anteriores, unha mesa informativa. Colaborou nesta iniciativa a Asociación Xuvenil "Brigantium".
A mesa púxose diante da entrada do Espazo Xove, onde se repartiron á poboación moza lazos vermellos conmemorativos deste día, folletos, trípticos informativos sobre o tema e preservativos facilitados pola Dirección Xeral de Innovación e Xestión da Saúde Pública da Xunta de Galicia.