Premios e concursos (40)

Premios de educación secundaria obrigatoria ao esforzo e á superación persoal

A Consellería de Cultura, Educación e Ordenación Universitaria ORDE do 13 de xullo de 2018 pola que se convocan os premios de educación secundaria obrigatoria ao esforzo e á superación persoal correspondentes ao curso 2017/18.

Máis información: DOG Núm. 143 Venres, 27 de xullo de 2018

VI Premios ao Voluntariado Universitario

Periodo de inscripción: Do 01/06/2018 ao 31/10/2018

A Fundación Mutua Madrileña lanzou a VI edición de os Premios ao Voluntariado Universitario, unha iniciativa que recoñece a labor solidaria da mocidade universitaria que colabora en proxectos de voluntariado a través dalgunha ONG. Esta iniciativa conta co recoñecemento do selo Talento Novo Injuve.

 

Na web www.premiosvoluntariado.com pódense consultar tanto os requisitos que como os documentos a presentar. A grandes liñas, hai que cumplimentar a Ficha técnica do proxecto, presentar un resumo explicativo da iniciativa de voluntariado, un  vídeo explicativo da actividade e varias fotos que ilustren o proxecto. Así mesmo, hai que presentar algún documento que evidencie que, polo menos tres dos voluntarios que colaboran na iniciativa, son estudantes universitarios na actualidade ou terminaron os seus estudos nun prazo non superior a dous anos. Ademais, hai que ter en conta que todos os proxectos deben contar co respaldo dunha ONG, posto que a contía do premio destinarase á organización sen ánimo de lucro para sufragar o proxecto presentado.

Os proxectos deben presentarse exclusivamente de forma on- line e nun único envío ao e-mail premios@fundacionmutua.es  ou a través de WeTransfer, especificando o nome do proxecto. As candidaturas deben ser presentadas e enviadas polos alumnos e non polas ONG ou as universidades colaboradoras. O prazo para a presentación de candidaturas estará aberto desde o 1 de xuño ao 31 de outubro ás 14:00 horas.

Convoca: Fundación Mutua Madrileña

Dotación: En total serán 6 os premios que repartirá a Fundación Mutua Madrileña. O proxecto gañador recibirá 10.000 euros, mentres que os outros 5 proxectos finalistas obterán 5.000 euros cada un.

Máis Información: consultas a través do e-mail premios@fundacionmutua.es ou no teléfono 91 171 82 15.

 

Ouff Escola 2018

Mai 21, 2018

A Concellaría de Cultura e o Festival de Cine Internacional de Ourense (OUFF),en colaboración coa Secretaría Xeral de Política Lingüística, convoca o IX Certame de Cinema OUFF Escola, dentro da 23.ª edición do Festival de Cine Internacional de Ourense, que se celebrará en 2018.

Poderá participar o alumnado matriculado en centros públicos e privados de ensino non universitario de Galicia durante o curso 2017-2018, así como aqueles de fóra de Galicia que teñan no seu currículo materias de e en lingua galega. A participación realizarase sempre baixo a titoría dun profesor ou profesora responsábel do proxecto.

As obras deberán cumprir os seguintes requisitos:
- Todos os traballos estarán en lingua galega.
- Deberán ser orixinais ou adaptacións, non comercializados, e non presentados con anterioridade a este certame.
- Modalidades: ficción, documental, animación.
- Duración: até 20 minutos, créditos incluídos.
- A temática será libre.
- Quedarán excluídos aqueles traballos que inciten ao racismo, xenofobia, homofobia e calquera tipo de violencia, así como os que atenten contra a dignidade da persoa.
- As obras presentaranse en formato dixital.
- Cada traballo non deberá conter máis dunha obra e deberá estar en perfecto estado para a súa proxección.
- Cada obra irá identificada co título, a duración e o centro de ensino de procedencia.
- De apareceren menores de idade, deberán contar coa autorización paterna e/ou materna.
- Calquera apropiación indebida de dereitos de autor –imaxe e son- ou incumprimento das bases desta convocatoria é responsabilidade directa do profesor/a ou titor/a.
- Todo o proceso de creación da película (interpretación, dirección, guión) deberá ser realizado polo alumnado ou membros da comunidade escolar.

A inscrición formalizarase enviando o cuestionario que aparece na sección de OUFF Escola da páxina web do Festival (www.ouff.org) antes do 2 de xullo 2018, totalmente cuberto e asinado polo profesor ou profesora responsábel do audiovisual.
Estas inscricións enviaranse ao seguinte enderezo:
Concello de Ourense
(OUFF Escola)
Praza Maior, 1
32005 Ourense
Para a recepción dos traballos facilitaráse un link privado da película e a súa clave de visionado a través de vimeo ou semellante que se enviará ao correo eléctrónico: ani.cacabelos@ourense.es

OUFF Escola concederá os seguintes premios:
Categoría A
1º Premio: 600 euros para o centro
2º Premio: 400 euros para o centro.
Premio Blanco Amor ao Mellor Guión: 300 euros.
Categoría B
1º Premio: 600 euros para o centro.
2º Premio: 400 euros para o centro.
Premio Blanco Amor ao Mellor Guión: 300 euros.

http://www.lingua.gal/c/document_library/get_file?folderId=1647067&name=DLFE-14003.pdf

O Espazo Xove de Tui e as Oficinas municipais de informacion xuvenil de Gondomar, A Guarda, Tomiño, Salceda de Caselas, Baiona, O Rosal e o Porriño convocan o XII Certame fotográfico Viaxando.

Este certame está dirixido á mocidade de entre 12 e 35 anos. Cada participante pode presentar unha única fotografía. As fotografías poderán ser en cor ou branco e negro, presentaranse en papel fotográfico cun tamaño de 20X30, sempre pegadas sobre unha cartolina negra DIN A3.
A fotografía deberá ser orixinal, inédita e non ter sido premiada nin recoñecida ou seleccionada noutros certames. Asemade, deberán estar libres de dereitos que poidan posuír terceiros.
As fotografías nas que aparezan menores de idade concursarán baixo a responsabilidade do autor/a.

A fotografía entregarase nun sobre pechado coa indicación “VIAXANDO” e o pseudónimo do autor/a no exterior do mesmo.
Cada foto levará no dorso o pseudónimo do autor/a e o título de dita fotografía.
Noutro sobre pechado irá por fóra o pseudónimo e no interior os seguintes datos: nome, apelidos, enderezo, teléfono, fotocopia DNI ou tarxeta de residencia. O sobre pequeno irá dentro do grande

As fotografías entregaranse nas instalacións do Espazo Xove de Tui a nas OMIX da Guarda, O Rosal, Tomiño, Baiona, Gondomar, Salceda de Caselas e O Porriño, nos seus horarios de atención ó público.

O prazo estará aberto ata o 26 de setembro do 2018

Concederase un único premio consistente nun curso personalizado de fotografía, a realizar nalgún dos concellos organizadores nos tres meses seguintes do fallo público.
Coas fotografías presentadas a concurso realizarase unha exposición itinerante que percorrerá o Espazo Xove de Tui e as OMIX que forman parte deste traballo en rede, inaugurándose oficialmente no Concello de Gondomar.

Máis información nas OMIX de:
O Porriño: 986 337 624
A Guarda: 986 614 546
Baiona: 986 356 282
Gondomar: 986 369 746
Tomiño: 986 622 001
Salceda de Caselas: 986 349 003
O Rosal: 986 625 000
Espazo Xove de Tui:  986 600 568

O Injuve e a Secretaría Xeral de Universidades prepararon unha Maleta didáctica 30 Aniversario: un produto dixital dirixido a todos/as os profesores/as de ESO e Bacharelato que desexen penetrarse, cos seus alumnos, no fascinante mundo do descubrimento e a investigación.
http://www.injuve.es/talentojoven/noticia/maleta-didactica-30-aniversario-jovenes-investigadores

O xurado do concurso Lingua de namorar 2017 reuniuse o xoves 16 de marzo para elixir, de entre as 50 mensaxes máis votadas en cada unha das categorías, as mensaxes gañadoras desta edición, que son as seguintes:  

Mensaxes gañadoras da categoría A

1º premio: Eternidade, de Sara Caride Blanco (Cambados, Pontevedra)
"E da nosa efémera existencia, quedará, quizais, o doce sangue que aloumiñe os latidos doutros corpos."

2º premio: Escribindo poesía, de Inés Amado Rodríguez (Cuntis, Pontevedra)
"Decidiches escribir poesía comigo, empregando metáforas atopadas nos meu ollos, redactando versos sacados dos meus beizos, engadindo refráns arrincados das nosas vivencias... Desexaches que formase parte desta historia, sendo así o capítulo culminante da túa vida. Decidiches escribir poesía comigo, e nela me enclaustrei para non perderte xamais..."

3º premio: Foliada de mel, de Ana Barros Fernández (Marín, Pontevedra)
"Gustaríame bailar contigo un baile tan longo que o chan se cansase dos nosos pés."

Mensaxes gañadoras da categoría B

1º premio: Ti, produto de risco, de Diego Arranz Fernández (Ourense)
"Víase de lonxe que eras un produto de risco, pero nin a recesión me puido conter para mercar participacións da túa vida. Queimei a calculadora axustando as contas e botei man de todas as apps que achei para xestionar a miña economía. O meu asesor fiscal é optimista, pero ben sei que sigo en crise. Aínda te quero por riba das miñas posibilidades."

2º premio: De Rosalía a Benedetti, de Estefanía González López (Santa Comba, A Coruña)
"Ti lías a Rosalía, eu lía a Benedetti. Ti bebías Pepsi, eu bebía Estrela. Ti es un anxo e eu son o demo. Mais se algo sei de ti e de min é que a pesar de sermos tan diferentes complementámonos como a lúa e o sol, o coñac e o anís doce, e como a luz e as gotas do orballo para facer miles de arcos da vella."

3º premio: Contando, de Rubén Barreira Blanco (Verín, Ourense)
"Ámote, e gustaríame contar contigo. Un, dous, tres… ata o infinito."

O xurado do certame decidiu conceder unha mención de honra, pola súa frescura e denotación pola identidade e lingua propias, á mensaxe número 1 da categoría A, En galego, de Anabel López Blanco (Melide, A Coruña):

"Falo galego porque me sae da lingua".

O obxectivo principal de Lingua de namorar, organizado pola Dirección Xeral de Xuventude, Participación e Voluntariado e pola Secretaría Xeral de Política Lingüística, é dinamizar o uso da lingua galega entre a mocidade nas súas relacións persoais e nas novas tecnoloxías, nomeadamente en internet e na mensaxería instantánea.

GAÑADORA DO CONCURSO DE DESEÑO DO CARTEL DO CERTAME XUVENTUDE CREA 2013

 

-         Andrea Valado Díaz, co lema/pseudónimo: AVADI