Novas e actividades (1288)

A Xunta de Galicia celebrou este domingo 7 de novembro de 2022 nas instalacións do Playa Club da cidade da Coruña a fase final da especialidade de música do certame Xuventude Crea 2022, que reuniu a oito artistas e grupos de diferentes partes de Galicia. A través deste programa, o executivo autonómico pon en valor o talento e capacidade da mocidade galega en distintos ámbitos artísticos.

O primeiro premio foi para o grupo ‘Faíscas’, formado por Lara Álvarez Álvarez, de Redondela, e o vigués Brais Fernández Pombo. Os temas que interpretaron en directo e cos que resultaron gañadores foron A flor e Vals de Traspielas.

En segundo lugar quedou a coruñesa Iria Vilas Iglesias, cos temas Hvergelmir e Gjoll. En terceira posición, o grupo ‘Cantometrics’ composto por Marina Fernández Vigo (Vigo); Luís Sánchez Bolón (A Coruña); Sandra Pérez Míguez (Tui); Nébeda Piñeiro Barros (Bueu) e Iago Camaño Lagoa (Cagas do Morrazo). Os títulos dos temas que tocaron foron: Maios e Manuel do Campo.

Os gañadores recibirán unha gratificación repartida de 3000 euros; 1500 os segundos clasificados e 1000 os que quedaron en terceira posición.


Máis de 4000 premiados
Máis de 4000 mozas e mozos de entre 16 e 30 anos foron premiados nas trece edicións que se levan celebradas do Xuventude Crea, que acumula preto de 3000 proxectos creativos e obras presentadas.

Na edición deste ano 2022 participan un total de 350 artistas con 280 obras que, de novo, contarán con apoio por parte da Xunta de Galicia para dar a coñecer as súas creacións. Todas aquelas premiadas ao longo dos últimos anos exhíbense nun museo dixital recen estreado: www.museoxuventudecrea.gal

As disciplinas que se premian nesta edición son: teatro, música, novela curta, poesía, videocreación, banda deseñada, arte urbana, moda, deseño de xoias, cociña, danza moderna, creación de videoxogos, fotografía e artes plásticas (esta última comprende as modalidades de pintura e escultura). Cómpre destacar, como novidade neste 2022, o cambio de nome de graffiti a arte urbana para dar cabida ás diferentes expresións neste ámbito, así como a inclusión da modalidade de música clásica dentro de música.

A Xunta celebrou os pasados 29, 30 e 31 de outubro no Salón Teatro de Santiago de Compostela a fase final da modalidade de teatro do programa Xuventude Crea 2022. O Goberno galego galardoou as mellores pezas teatrais nesta cita que contou coa participación de seis obras.

Tanto o primeiro premio como o segundo foron compartidos. Os gañadores foron Vórtice Escénico, representado pola viguesa Ana Fernández Sánchez, coa obra Asfixia; e a Asociación Palimoco Teatro, de Lugo, con E se todo se reducise ao amor. Mentres Asfixia reivindica o inconformismo e o ser diferente sen importar o que pensen os demais, a peza E se todo se reducise ao amor é unha interpretación centrada nas obras do autor Federico García Lorca.

No segundo posto quedaron o coruñés Javier Castiñeira, por Brazaletes, e o grupo de Jacobo Mo, de Ponteareas, coa peza Só apláudese ao final. Por unha banda, a obra de teatro Brazaletes centra o seu argumento no mundo do fútbol e a política, e pola outra, Só apláudese ao final mestura a danza, a acrobacia e o teatro físico para tratar a autoconsciencia.

Os gañadores recibirán unha gratificación repartida de 3000 euros e 1500 os segundos clasificados. Así mesmo, na fase final desta especialidade do Xuventude Crea tamén participaron a viguesa Ara García con Carta a Nigures e Pachotada Teatro, da Coruña, con Agullas: a Princesa Mocosa.

 

Máis de 4000 premiados
Desde que fai trece anos tivo lugar a primeira convocatoria do Xuventude Crea, xa son máis de 4000 os mozos e mozas de entre 16 e 30 anos premiados e preto de 3000 os proxectos creativos e obras presentadas a este certame. Na edición deste ano 2022 participan un total de 350 artistas con 280 obras que, de novo, contarán con apoio por parte da Xunta de Galicia para dar a coñecer as súas creacións. Compre destacar, ademais, que todas aquelas premiadas ao longo dos últimos anos exhíbense nun museo dixital recen estreado: www.museoxuventudecrea.gal

As disciplinas que se premian nesta edición son: teatro, música, novela curta, poesía, videocreación, banda deseñada, arte urbana, moda, deseño de xoias, cociña, danza moderna, creación de videoxogos, fotografía e artes plásticas (esta última comprende as modalidades de pintura e escultura). Cómpre destacar, como novidade neste 2022, o cambio de nome de graffiti a arte urbana para dar cabida ás diferentes expresións neste ámbito, así como a inclusión da modalidade de música clásica dentro de música.

O programa "Ciencia e Tecnoloxía en feminino" ten como obxectivo o fomento das vocacións científicas e tecnolóxicas, co fin de aumentar no futuro a elección entre o público xuvenil feminino de estudos e profesións nestes campos.

Descarga a guía STEM

Como parte do proxecto Ciencia e Tecnoloxía en feminino decidiron crear unha pequena guía ilustrada para que poidas ver algúns exemplos das saídas profesionais ás que podes optar se decides realizar estudos relacionados coa ciencia e a tecnoloxía.

Aínda que lembra que o máis importante non é o que existe se non o que podes chegar a descubrir por ti mesma!

https://issuu.com/apte_techno/docs/que_quero_ser_de_maior_gallego 

A directora xeral de Xuventude, Participación e Voluntariado, Cristina Pichel, acompañada da vicerreitora da USC, Pilar Murias, participaron o 28 de outubro na inauguración da exposición das obras finalistas das categorías de Artes Plásticas e Fotografía de Xuventude Crea 2022, que tivo lugar na Igrexa da Universidade de Santiago de Compostela. Alí, déronse a coñecer os nomes dos gañadores en cada unha destas especialidades.

En Fotografía, o primeiro premio foi para Yael de Lorenzo Lamas, de Ourense, autora de ‘Mocidade’; o segundo recaeu no vigués Miguel López Rodríguez pola súa obra ‘Pathei Mathos’ e a instantánea ‘O parto’ de Olaya Rodríguez Pérez, natural de Verín, quedou en terceiro lugar. Ademais, concedéronse dúas mencións de honra a Raquel Diz Rosendo, de Tui, por ‘Con este virus que ni muere ni nos mata’ e ao santiagués Martín Blanco Mouro, pola súa creación ‘Salitre’.

Na especialidade de Artes Plásticas, que inclúe escultura e pintura, todos os galardóns foron para obras do primeiro destes apartados. Iago Fernández Díaz, da Estrada, fíxose co primeiro galardón co obra escultórica titulada ‘Comerse o mundo’; Diego Vidal Miguez, de Boqueixón, obtivo o segundo lugar coa creación ‘Alienación’ e compartiron o terceiro premio Nerea Cordeiro Cerviño, de Bueu, con ‘Inhabitable’; e a ourensá María del Mar Ramón Soriano, con ‘S.T (Una curva, unha ola, un cos)’. O xurado outorgou unha mención de honra á creación ‘Arrastre”, de Sara Camaño Pena, natural de Cangas.

Certame consolidado

A directora xeral sinalou que este programa cumpre trece anos ofrecendo á xuventude vías para manifestar as súas inquedanzas en 14 disciplinas artísticas. Neste tempo, Xuventude Crea leva premiados a máis de 4000 mozos e mozas de entre 16 e 30 anos e a preto de 3000 obras e proxectos creativos. Na edición deste ano 2022 participaron un total de 350 artistas con 280 obras que, de novo, contarán con apoio por parte da Xunta de Galicia para dar a coñecer as súas creacións. Compre destacar, ademais, que todas aquelas premiadas ao longo dos últimos anos exhíbense nun museo dixital recen estreado: www.museoxuventudecrea.gal

Coma cada ano, este programa serve de escaparate para mostrar as propostas da mocidade galega. De feito, ademais desta exposición temporal das obras finalistas na Igrexa da Universidade, realízase unha exposición itinerante do Xuventude Crea con obras que a mocidade galega regalou a este programa desde o ano 2010. Desde o pasado ano, esta exposición itinerante leva percorridas máis de dez localidades galegas.

Premios en metálico

Este programa leva aparellado tamén un premio económico. No caso do primeiro premio son 3000 euros en metálico, 1500 para o segundo premio e 1000 o terceiro premio. Ademais, contémplase un premio especial de 1000 euros para a modalidade de música clásica dentro da especialidade de música. Ademais, tamén se conceden axudas para as fases finais de determinadas categorías que van desde os 75€ ata os 600€.

As disciplinas que se premian nesta edición son: teatro, música, novela curta, poesía, videocreación, banda deseñada, arte urbana, moda, deseño de xoias, cociña, danza moderna, creación de videoxogos, fotografía e artes plásticas (esta última comprende as modalidades de pintura e escultura). Cómpre destacar, como novidade neste 2022, o cambio de nome de graffiti a arte urbana para dar cabida ás diferentes expresións neste ámbito, así como a inclusión da modalidade de música clásica dentro de música.

A Xunta celebrou no mercado de abastos de Santiago a final da especialidade de Cociña do certame Xuventude Crea 2022, na que o primeiro premio recaeu no equipo formado por Andrea Maseda Prado e Miguel Morán, naturais do municipio lucense de Cospeito. Estes gañadores amosaron a súa destreza aos fogóns elaborando o prato ‘Perlas de pistacho e chocolate branco, natillas de castaña e flocos de millo’.


O segundo posto foi para Isabel Vivero Acción, da Coruña, que titulou ao seu prato ‘Carolina’. E en terceiro lugar quedou o equipo composto por Cristina Domínguez Queijo e Jorge Novo Rodríguez, tamén da Coruña, con ‘Róbalo Mar e Terra’. Ademais de recoñecer o bo facer na cociña das novas fornadas de chefs, a través deste concurso tamén se poñen en valor os produtos propios de Galicia, xa que a base dos pratos confeccionados foi a utilización de materia prima da nosa Comunidade.


Os gañadores recibirán unha gratificación de 3000 euros; 1500 a segunda clasificada e 1000 os dous finalistas que quedaron en terceira posición.


Máis de 4000 premiados
Desde que fai trece anos tivo lugar a primeira convocatoria do Xuventude Crea, xa son máis de 4000 os mozos e mozas de entre 16 e 30 anos premiados e preto de 3000 os proxectos creativos e obras presentadas a este certame. Na edición deste ano 2022 participan un total de 350 artistas con 280 obras que, de novo, contarán con apoio por parte da Xunta de Galicia para dar a coñecer as súas creacións. Compre destacar, ademais, que todas aquelas premiadas ao longo dos últimos anos exhíbense nun museo dixital recen estreado: www.museoxuventudecrea.gal

 

As disciplinas que se premian nesta edición son: teatro, música, novela curta, poesía, videocreación, banda deseñada, arte urbana, moda, deseño de xoias, cociña, danza moderna, creación de videoxogos, fotografía e artes plásticas (esta última comprende as modalidades de pintura e escultura). Cómpre destacar, como novidade neste 2022, o cambio de nome de graffiti a arte urbana para dar cabida ás diferentes expresións neste ámbito, así como a inclusión da modalidade de música clásica dentro de música.

injuvexornalismo3O Instituto da Mocidade, INJUVE, resolve o seu premio de Xornalismo e Comunicación 2022 co que quere recoñexer o traballo de xornalistas ou comunicadores menores de 35 anos que contribuísen ao fomento, defensa e difusión de valores cívicos, sociais e de igualdade nas modalidades de Xornalismo Impreso, Fotoperiodismo, Xornalismo Audiovisual (Radio e Televisión) e Xornalismo Dixital.

 

Xornalismo impreso. “As cicatrices do traballo doméstico”. Gonzalo García Sánchez.
Publicado o 10 de abril de 2022 en CV Semanal, a reportaxe pretende visibilizar a un dos colectivos máis esenciais do noso país, pero máis castigados ao mesmo tempo, o das empregadas do fogar e coidados.

Fotoperiodismo. “Incendios forestais e cambio climático”. Adra Pallón (Adrián Vázquez Rodríguez).
Este traballo de documentación dos labores de extinción dun dos incendios forestais de maior relevancia do pasado ano, na localidade lucense de Ribas de Sil, foi realizado como cobertura para a axencia EFE e distribuído en diferentes medios nacionais e locais, publicándose a serie completa no medio dixital Viva Lugo o 14 de setembro de 2021.

Xornalismo audiovisual. “Eu si che creo”. Núria Vilá Coma.
Documental de produción propia e publicado en Vimeo en marzo de 2022, aborda a situación de vulnerabilidade das mulleres vítimas de agresión sexual debido ás situacións traumáticas ás que se enfrontan á hora de denunciar ou buscar apoio despois de sufrir dita agresión.

Xornalismo dixital. “A viaxe dos Pérez: da Cañada Real á súa primeira casa vertical”. David Expósito Martín e Miguel Ezquiaga Fernández.
Esta reportaxe, publicado o 11 de abril de 2022 na edición dixital do País, relata a experiencia de dous reporteiros que durante seis meses conviviron cunha familia da Cañada Real Galiana de Madrid, o maior asentamento irregular de Europa.

A Asociación Vento Norte Sur, Punto de Información Xuvenil xunto co Consello local da mocidade de Murcia organizan "Deserto Novo, Fin de ano en Marrocos".

Datas: do 26 de decembro ao 2 de xaneiro e tamén en Semana Santa de 2023.

A convocatoria está aberta para mozos e mozas de toda España de entre 16 y 36 años.
Consultar descontos co carné xove.

Punto de información Xuvenil Viento Norte Sur
www.vientonortesur.org 
Teléfono: 630 683 008

O Portal da Lingua da Secretaría Xeral de Política Lingüística ofrece novos contidos dixitais feitos dende a nosa terra para afondarmos no coñecemento do medio natural que nos rodea.

Trátase da serie Planeta Ledo, un ciclo de dez programas en formato podcast sobre diferentes aspectos da natureza gravados polo alumnado do CEIP de Ventín (Ames), cuxas clases colaboraron na confección de todos os capítulos (cada aula un programa).

Os arquivos sonoros resultantes foron guiados por dúas presentadoras: Xiana Fernández-Albor e máis Mariana Expósit.

O obxectivo da serie consistiu en poñer en valor o respecto polo medio natural e ofrecer á rapazada (nenas e nenos de idades comprendidas entre os sete e os doce anos) formatos atractivos e interesantes de lecer e aprendizaxe científica.

A serie foi realizada ao abeiro do Fondo de Proxectos Culturais en Lingua Galega Xacobeo 2021-2022, da Secretaría Xeral de Política Lingüística.

https://www.lingua.gal/recursos/todos/_/promovelo/contido_807/planeta-ledo-xiana-fernandez-albor-batallan

Wombo Combo, de Galeatro, é unha reflexión sobre como os escenarios dixitais van gañando terreo nas nosas vidas en detrimento do presencial.

A función, que puido verse no festival FIOT de Carballo a comezos de outubro e logo na Casa da Cultura de Boiro, é unha peza para público infantil, xuvenil e familiar que nos conta a historia de Sara, unha rapaza que é vítima de acoso escolar, e da súa relación coa realidade virtual e das novas tecnoloxías. Sara, máis polo miúdo, non ten amigas nin amigos nin é brillante nos estudos. Para evadirse da crúa realidade xoga en liña con ducias de persoas e é imbatíbel nas loitas. Chegado un punto, descobre que pasa máis tempo na vida virtual ca na real.

A nova proposta escénica de Galeatro está a coller impulso en Verkami, onde a compañía procura contribucións para sufragar os gastos derivados da creación do espectáculo.

Para contratacións da obra:  https://www.facebook.com/galeatro 

O Concello de Santiago pon en marcha unha nova edición de Vas Picar? Mocidade libre de apostas que este ano organiza unha serie de obradoiros dirixidos ao alumnado de ESO e de FPB co fin de sensibilizar á mocidade sobre os perigos da ludopatía e os riscos dun uso sen control de determinados servizos dispoñíbeis na Rede, por exemplo os videoxogos online. Porase o foco na información en redes sociais.

Os obradoiros están destinados ao alumnado de 3º e 4º de ESO, xa que se considera o momento idóneo para abordar esta problemática, se ben tamén haberá un formato dirixido a alumnado de FPB. Este ano, ademais, ampliarase a duración dos obradoiros, que tamén incluirán novos conceptos vencellados ás loot boxes nos videoxogos; a figura dos pronosticadores profesionais ("tipsters") e os mitos que se xeran ao redor delas; o proceso de toma de decisións ante unha situación problemática para o adolescente ou o fenómeno das criptomonedas e os paralelismos existentes coa apostas deportivas online.

Tamén se prevé a realización de 2 cursos de 4 h dirixidos ao profesorado, para formalos ao respecto desta problemática da adicción ao xogo, e poder achegar ferramentas e materiais didácticos para desenvolver unha labor educativa e de prevención dende as aulas.

https://eunonpico.gal/