Novas e actividades (845)

Subvencións para entidades de acción voluntaria e entidades locais enmarcadas no Programa Voluntariado Sénior

 

A Consellería de Política Social publica a Orde  do 3 de xuño de 2019 pola que se regulan as bases das subvencións para entidades de acción voluntaria e entidades locais enmarcadas no Programa Voluntariado Sénior e se procede á súa convocatoria para o ano 2019

 

Máis información: DOG Núm. 112,  Venres, 14 de xuño de 2019

 

https://www.xunta.gal/dog/Publicados/2019/20190614/AnuncioG0425-050619-0003_gl.pdf

A solicitude deberá realizarse mediante o asistente informático vía web para todos os réximes e graos, agás para o segundo curso do réxime ordinario. Logo de realizada a aplicación informática xera un impreso de solicitude. O formulario está en http://www.edu.xunta.es/fp/admision-2019-servizos-en-lina

prazosfp

Máis información:   http://www.edu.xunta.es/fp/node/13647

Que vas a atopar nos libros de texto do próximo curso?
No DOG do 11 de xuño de 2019 podes encontrar como se desenvolverán as ensinanzas da educación secundaria obrigatoria e do bacharelato na Comunidade Autónoma de Galicia.
Podes ver que materias cursarás, cales son as troncais e cales son as específicas que podes escoller.

DOG do 11 de xuño de 2019

Blog interesante de orientación educativa: https://monicadizorienta.blogspot.com.es/

 Dende hoxe pasa a formar parte da oferta de establecementos onde se ofrecen descontos a mocidade posuidora do carné xove, o Centro Británico de Santiago de Compostela, Milladoiro e Bertamiráns: 

foto prensa

 
CENTRO BRITÁNICO SANTIAGO DE COMPOSTELA
RÚA RAMÓN CABANILLAS 10-12 BAJO
15701 SANTIAGO DE COMPOSTELA
A CORUÑA
 
CENTRO BRITÁNICO MILLADOIRO
RÚA ANXERIZ 3
15895 MILLADOIRO, AMES
A CORUÑA
 
CENTRO BRITÁNICO BERTAMIRÁNS
RÚA RUEIRO 6
15220 BERTAMIRÁNS, AMES
A CORUÑA
 
Os descontos que aplicarán son: 
  • 10% de desconto nos cursos de inglés intensivos para a preparación de exames.
 
 
Así, pois, mozos e mozas xa podedes desfrutar nestes establecementos das vantaxes e descontos que vos ofrece o Carné Xove!

A Consellería de Educación convoca probas de acceso ás ensinanzas deportivas para o curso 2019/20.

Requisitos para o acceso ás ensinanzas deportivas de grao medio:
a) Dispor do título de graduado en educación secundaria, e superar unha proba específica.
b) O alumnado que non dispoña do título de graduado en educación secundaria, deberá ter 17 anos e superar a proba de madureza.

Requisitos para o acceso ás ensinanzas deportivas de grao superior:
Terá acceso ao grao superior das ensinanzas deportivas o alumnado que cumpra os seguintes requisitos:
a) Dispor do título de técnico deportivo na modalidade ou especialidade deportiva correspondente e ter, cando menos, algún dos seguintes títulos: Bacharel, Técnico superior, Título universitario, Certificado de ter superadas todas as materias do bacharelato.
b) O alumnado que non posúa o título de bacharel deberá ter 19 anos e superar unha proba de madureza.

A inscrición para realizar as probas farase preferentemente na secretaría dos centros públicos onde se imparten ensinanzas deportivas.
O prazo de inscrición estará aberto ata o día 10 de xullo de 2019.
As solicitudes poden tramitarse en https://sede.xunta.es cos procedemento ED318A

Datas das probas:
A proba de madureza terá lugar no IES As Fontiñas, Santiago de Compostela:
a) Grao medio: 9 de setembro, das 9.00 ás 13.00 horas
b) Grao superior: 9 de setembro, das 9.00 ás 13.00 horas.

A proba de acceso específica para as titulacións de técnicos deportivos realizarase:
a) Na modalidade de Fútbol Sala terá lugar no IES As Lagoas en Ourense, o día 10 de setembro, ás 10.00 horas.
b) Na modalidade de Fútbol terá lugar no IES Universidade Laboral en Culleredo, o día 11 de setembro, ás 10.00 horas, e no IES Sánchez Cantón en Pontevedra (instalación A Xunqueira), o día 12 de setembro, ás 11.00 horas. As persoas aspirantes só poderán realizar as probas no centro en que formalizaron a inscrición.
c) Na modalidade de Balonmán terá lugar no IES Sánchez Cantón en Pontevedra (instalación A Xunqueira), o día 12 de setembro, ás 10.00 horas.
d) Na modalidade de Baloncesto terá lugar no IES Fermín Bouza Brey en Vilagarcía de Arousa, o día 13 de setembro, ás 10.00 horas.
e) Na modalidade de Atletismo terá lugar no IES Nosa Señora dos Ollos Grandes en Lugo, o día 16 de setembro, ás 10.00 horas.
f) Na modalidade de Vela, o día 13 de setembro, ás 11.30 horas, nas instalacións do Centro Galego de Vela en Vilagarcía de Arousa

Que deporte podes estudar?:  http://www.edu.xunta.gal/portal/node/1550

Máis información no DOG 7 de xuño de 2019 e en http://www.edu.xunta.gal/portal/taxonomy/term/212

 

imaxeCX

Dende hoxe pasa a formar parte da oferta de establecementos
onde se ofrecen descontos a mocidade posuidora do carné xove,
1 novo establecemento:
 
ÓPTICA ANTEOLLOS
RÚA MIGUEL ANGEL BLANCO, 3
32800 CELANOVA, OURENSE
 
 
Os descontos que aplicará son: 
  • 20% en gafas graduadas e gafas de sol (excepto promocións existentes)
 
Así, pois, mozos e mozas xa podedes desfrutar neste establecemento das vantaxes e descontos que vos ofrece o Carné Xove!

A Deputación Provincial de Ourense publica as bases para a concesión de subvencións para proxectos empresariais e de autoemprego en concellos rurais de menor poboación, no marco de proxecto emprendOu, financiado polo programa operativo de emprego xuvenil do fondo social europeo (Axudas EMP-POEJ).

Requisitos dos beneficiarios e dos proxectos empresariais:
1. Persoas físicas que, a partir do 8 de xaneiro de 2019, desenvolvan actividades empresariais ou profesionais por conta propia nalgún dos municipios recollidos na convocatoria sempre que cumpran ademais os seguintes requisitos, referidos á data de inicio da actividade subvencionable ou á data específica que se indica en cada caso:
a) Ser maior de 16 anos e menor de 30 anos de idade.
b) Atoparse inscrito no ficheiro do Sistema Nacional de Garantía Xuvenil
c) Ter nacionalidade española ou ser cidadáns da Unión Europea ou dos Estados parte do Acordo Económico Europeo ou
de Suíza, ou ser estranxeiros titulares dunha autorización para residir en territorio español que habilite para traballar.
d) Estar dado de alta como residente no padrón dalgún dos municipios ourensáns elixibles, na data de alta na actividade e durante todo o período subvencionable. O centro de traballo da actividade terá que situarse nese mesmo municipio.

As solicitudes poderán presentarse en calquera momento dende a publicación da convocatoria e ata o 30 de novembro de 2019.
Bases: BOP de Ourense do 29 de maio de 2019

No DOG do 29 de maio de 2019 publícase a adxudicación do uso de instalacións xuvenís dependentes da Dirección Xeral de Xuventude en réxime de oferta concertada durante a campaña de verán 2019.

DOG do 29 de maio de 2019

No DOG do 27 de maio de 2019 publícanse os parámetros de ponderación de materias troncais de modalidade e materias de opción da proba de avaliación de bacharelato para o acceso ás ensinanzas universitarias oficiais de grao do Sistema universitario de Galicia para o curso 2019/20.

DOG do 27 de maio de 2019

http://ciug.gal/PDF/ponderaciones0403.pdf

A Consellería de Educación publica as normas para o acceso e a admisión do alumnado ás ensinanzas profesionais de Artes Plásticas e Deseño para o curso 2019-2020.

1. Acceso ás ensinanzas profesionais de Artes Plásticas e Deseño de grao medio.

Requisitos:
a) Dispor do título de graduado en ESO e superar unha proba específica.
b) Os aspirantes que non dispoñan do título de ESO, deberán ter cumpridos os 17 anos e superar a proba de madureza ademais da correspondente proba específica.
c) A proba de madureza poderase substituír por:
– Pola proba de acceso a ciclos formativos de grao medio ou de grao superior de formación profesional.
– Pola proba de madureza de acceso aos ciclos formativos de grao medio ou de grao superior de ensinanzas deportivas.
– Pola proba de acceso á universidade para maiores de 25 anos.
– Pola proba de acceso substitutiva do requisito de titulación para as ensinanzas artísticas superiores, ou para as ensinanzas profesionais de Artes Plásticas e Deseño de grao superior.

2. Acceso ás ensinanzas profesionais de artes plásticas e deseño de grao superior.

Requisitos:
a) Dispor do título de bacharelato e superar unha proba específica.
b) As persoas aspirantes que non estean en posesión do título de bacharelato deberán ter feitos os 19 anos, ou os 18 anos no caso de que acrediten estar en posesión dun título de técnico en artes plásticas e deseño da mesma familia profesional artística ca aquel a que pretenden acceder, e superar a proba de madureza ademais da correspondente proba específica.
c) A proba de madureza poderase substituír pola superación dalgunha das seguintes probas:
– Pola parte común da proba de acceso a ciclos formativos de grao superior de formación profesional.
– Pola proba de madureza de acceso aos ciclos formativos de grao superior de ensinanzas deportivas.
– Pola proba de acceso á universidade para maiores de 25 anos.
– Pola proba de acceso substitutiva do requisito de titulación para as ensinanzas artísticas superiores.

Acceso directo:
1. Estará exento de realizar a proba específica de acceso ao grao medio das ensinanzas profesionais de Artes Plásticas e Deseño:
a) Quen estea en posesión dun título de técnico ou técnico superior de Artes Plásticas e Deseño dunha familia profesional relacionada co ciclo formativo o que se pretende acceder ou título declarado equivalente.

2. Estará exento de realizar a proba específica de acceso ao grao superior de ensinanzas profesionais de Artes Plásticas e Deseño quen estea en posesión dun título de técnico superior de Artes Plásticas e Deseño dunha familia profesional relacionada co ciclo a que se pretende acceder ou título declarado equivalente.

3. Estará exento de realizar a proba específica de acceso aos graos medio e superior das ensinanzas de Artes Plásticas e Deseño quen estea en posesión dalgunha das seguintes titulacións:
a) Título de bacharelato, modalidade de Artes, ou de bacharelato experimental.
b) Título superior de Artes Plásticas ou título superior de Deseño, nas súas diferentes especialidades, ou títulos declarados equivalentes.
c) Título superior de Conservación e Restauración de Bens Culturais, nas súas diferentes especialidades.
d) Licenciatura ou grao en Belas Artes.
e) Arquitectura ou grao en Arquitectura.
f) Enxeñaría técnica en Deseño Industrial ou grao en calquera especialidade de Deseño Industrial.

4. Así mesmo, estará exento de realizar a proba específica de acceso ao grao medio e superior de Artes Plásticas e Deseño quen acredite ter experiencia laboral, de polo menos un ano, relacionada directamente coas competencias profesionais do ciclo ao cal se queira acceder, para o cal presentará a seguinte documentación: Certificación da empresa onde adquiriu a experiencia laboral en que conste a natureza e duración concreta da actividade realizada.

Prazo:
A inscrición farase na secretaría da Escola de Arte e Superior de Deseño pública elixida en primeiro lugar na cal se impartan as correspondentes ensinanzas profesionais de Artes Plásticas e Deseño.
Ata o 25 de xuño para os ciclos de grao superior
Ata o 6 de setembro para os ciclos de grao medio

Desenvolvemento das probas:
a) Probas de acceso ao grao medio:
Proba de madureza: 10 de setembro.
Proba específica: 17 de setembro.
b) Ciclos de grao superior:
Proba de madureza: 3 de xullo.
Proba específica para todas as familias profesionais: día 15 de xullo.

Que podo estudar dentro de Artes Plásticas e Deseño?:  http://www.edu.xunta.gal/portal/sites/web/files/oferta_educativa_aappd05042019.pdf

Máis información no DOG 23 de maio de 2019
Modelos de probas e máis información: http://www.edu.xunta.gal/portal/taxonomy/term/110/all