Novas e actividades (951)

A Consellería de Política Social da Xunta de Galicia, por medio da Dirección Xeral de Xuventude, Participación e Voluntariado, dispón de doce Espazos Xove distribuidos nas catro provincias:  Ourense, Betanzos, Carballo, Curtis, Pondedeume, Noia, Lalín, Tui, Vilagarcia, Chantada, Vilalba e Viveiro.

Nestes Espazos ademáis de informar a mocidade dos programas, actividades e servizos que dispón a Xunta de Galicia, realiza actividades propias e cede instalacións a asociacións xuvenís e entidades xuvenís para a realización de actividades puntuais, preferentemente destinadas a mozos/as de entre 14 a 30 anos.

Como consecuencia da situación de crise sanitaria motivada pola Covid-19 elaboráronse os seguintes documentos de interese tanto para as asociacións e entidades xuvenís en xeral, como para a mocidade en particular, e que se poden ver aquí:

- Protocolo para os Espazos Xove. DESCARGAR AQUÍ

- Declaración responsable para entidades con sala cedida no Espazo Xove. Aceptación de condicións de participación, obriga de información e consentimento informado para realizar a actividade. DESCARGAR AQUÍ

- Declaración responsable para participantes en actividades organizadas polo Espazo Xove. Aceptación de condicións de participación, obriga de información e consentimento informado, para participar na actividade. DESCARGAR AQUÍ

A Axencia Galega de Emerxencias (AXEG) pon a disposición de estudantes e mestres unha web desde a que poden descargar unidades didácticas e participar en xogos para familiarizarse co uso e cos servizos do número 112.

Preténdese “aumentar as capacidades dos cativos e das familias para saber reaccionar ante unha situación de verdadeira urxencia e adoptar as medidas de protección pertinentes”.

A web vén acompañada dos integrantes da familia galega máis popular do ámbito audiovisual e da banda deseñada: Os Bolechas.

https://osbolechas.gal/112/

Marcapáginas é un encontro literario online dirixido a mozos e mozas con e sen discapacidade intelectual ou do desenvolvemento que queiran mergullarse nunha aventura a través dos relatos, contos e poemas.

A organización Plena inclusión organiza este evento para á mocidade, que poderán ser relatores e participar en talleres a través dunha  app e en dous eventos online, os días 5 e 7 de outubro.

As actividades teñen comezo en setembro, a través da  app de  Marcapáginas, nela, poderás ler, recomendar e compartir os teus textos, ademais de participar en creacións colectivas e contactar con outros mozos apaixonados pola lectura e escritura. Participar é moi sinxelo. Descarga a  app do encontro, conta os teus intereses e empeza a compartir os teus libros favoritos, crea carteis e divírteche.

Para participar no Encontro de Marcapáginas, o luns 5 de outubro ou o mércores 7 de outubro, podes apuntarte aos talleres ou mesmo dar unha pequena charla, sendo relatora e recomendar un libro ou ler un conto ou un poema que escribises ti. Tamén podes apuntarte ao club de lectura.

https://www.plenainclusion.org/informate/actualidad/noticias/2020/empiezan-las-actividades-de-marcapaginas-el-encuentro-literario

A XGN R Encounter é unha reunión multitudinaria de afeccionados e profesionais da informática que buscan intercambiar coñecementos e realizar durante varios días todo tipo de actividades relacionadas coa informática.

A XGN R Encounter deste ano celebrarase na Partynet de sempre, esta vez en formato online.

Datas:  10 e 11 de outubro de 2020

Haberá 1.080 prazas virtuais.

A entrada á party dá dereito a un posto na túa casa.

Prezo:  0 €

Data de preinscrición:  A partir do 22 de setembro. A preinscrición NON asegura a praza.

Data de reserva:  Xoves, 24 de setembro ás 10:00 da mañá.

Máis información en https://xgnr20.xgnrencounter.gal/

Equipo Europa

Set 18, 2020

Equipo Europa xurdiu a partir da Campaña #EstaVezVoto, impulsada polo Parlamento Europeo, co obxectivo de promover a participación electoral nas Eleccións europeas.

Ao comezo da campaña, eran só sete mozos madrileños, mais, en pouco tempo, multiplicáronse os seguidores en redes sociais e moitos mozos apuntáronse a ser Informadores Europeos en toda España. Déronse conta, daquela, de que debían continuar.

Deste xeito, un grupo de voluntarios da campaña, impulsados polo seu interese na UE, decidiron constituírse formalmente como equipo para promover non só as Eleccións Europeas do 2019, senón tamén a UE en sí mesma.

Equipo Europa conta con 12 delegacións rexionais, 600 socios dentro e fóra de España e 2800 seguidores en redes sociais.

A súa misión como asociación pasa por achegar a UE á xuventude e promover a participación política da mocidade.

Así, baixo o marco de valores como o europeísmo, o apartidismo e a participación, promove eventos, campañas e programas, que perseguen activamente a inclusión de todos/as socios/as que queiran manterse activos.

Dende cursos de verán ata iniciativas para concienciar sobre o medio ambiente, pasando por eurodebates e almorzos con todo tipo de relatores/as.


Se tes entre 14 e 30 anos, e queres descubrir cómo a túa voz conta en Europa, preme nos enlace para descubrir cómo formar parte desta asociación:

https://equipoeuropa.org/

https://equipoeuropa.org/unete/

As inscricións a novos socios/as estarán abertas ata o día 30 de setembro. Bule!!

#ErasmusDays 2020

Set 16, 2020

Entre o 15 e o 17 de outubro de 2020 terán lugar os #ErasmusDays, tres días de celebración do programa Erasmus+ e dos valores europeos nos que se basea.

Esta campaña, que chega á súa cuarta edición, ten como obxectivo dar visibilidade ao programa e difundir os seus resultados a través das experiencias dos distintos actores que participan nel. Para iso convídase tanto a organizacións beneficiarias como a participantes individuais, traballadores no ámbito da mocidade ou calquera outra persoa ou entidade relacionada con Erasmus+ a realizar todo tipo de actividades nos que compartan os seus proxectos ou as súas vivencias.

Na presente edición de 2020, recoméndase realizar actividades en liña ou eventos virtuais. Exposicións, concertos, concursos, seminarios, conferencias, mesas redondas, podcasts, desafíos en redes, son algúns dos formatos posibles.

As actividades rexistradas e validadas pola Axencia Nacional Española (ANE) aparecerán no mapa da campaña. O prazo de inscrición finaliza o 14 de outubro.

Na edición de 2019 levaron a cabo 3.995 actividades, en 53 países, que contribuíron a difundir entre a cidadanía, os profesionais, os medios e os responsables políticos a importancia dos valores europeos, os beneficios da mobilidade e os resultados dos proxectos Erasmus+. O reto para 2020 é superar este número.

Para dar visibilidade á túa participación a través de redes sociais, usa o hashtag #ErasmusDays

http://erasmusplus.injuve.es/modules/news/news_0395.html?_locale=en

Si estades preparando un proxecto de Erasmus+, aquí tedes os enlaces aos formularios e ás novas guías para os solicitantes e beneficiarios.

O próximo prazo para a presentación de solicitudes remata o vindeiro 1 de outubro de 2020 ás 12:00 AM.
 
http://erasmusplus.injuve.es/opencms/export/download/formularios/Acceso_a_formularios_e_instrucciones_2020.pdf
 
http://erasmusplus.injuve.es/opencms/export/download/formularios/Acceso_a_guias_para_solicitantes_y_beneficiarios.pdf

Os Encontros Internacionais de Mocidade de  Cabueñes son un foro de encontro e debate para mozos, asociacións, persoal técnico e responsables de políticas de mocidade, que se celebran en Xixón desde 1983.

"Emerxencia climática, saúde e sustentabilidade: mozos nun mundo en cambio" é o tema xeral sobre o que se desenvolverán este ano diversas actividades tanto  on-line como presenciais, nas que se abordarán temas como mocidade e emerxencia climática, sustentabilidade social, saúde mental, arte e sustentabilidade, novas e mobilidade urbana sostible, incidencia política, voluntariado, sexualidade...

A 38 edición dos Encontros Internacionais de Mocidade de Cabueñes presenta novidades como unha ampla oferta de actividades paralelas tanto en liña como presenciais, así como aforos limitados e medidas de seguridade e distancia social para manter as medidas de prevención necesarias fronte ao COVID-19.

A inauguración será o venres 2 de outubro cunha conferencia inaugural que se retransmitirá en  streaming. Desde o 3 ao 9 de outubro desenvolveranse diversas actividades, tanto en formato  on-line como presencial. Do 10 ao 12 de outubro terán lugar diferentes seminarios presenciais, na Escola de Comercio de Xixón, que requirirán inscrición previa ata o día 20 de setembro, así como o pago da correspondente cota.Nesta edición dos Encontros Internacionais de Mocidade de  Cabueñes haberá diversas actividades  online que serán gratuítas, non requiren inscrición previa e poderanse seguir a través da canle de Youtube dos Encontros.

Requisitos
Novos entre 18 e 35 anos, representantes de asociacións xuvenís, Consellos de mocidade ou mozos non asociados/ as con interese sobre os temas tratados.
Persoas con 36 anos ou máis que polo seu traballo ou profesión mostren interese polos temas de “mocidade”: técnicos/as de mocidade, concelleiras/ as de mocidade, animadores/ as socioculturais, educadores/ as, activistas sociais, etc.

https://www.gijon.es/es/eventos/Encuentros-Internacionales-de-Juventud-de-Cabue%C3%B1es

Aínda estás a tempo para organizar o teu punto de limpeza en 1 m2 polas praias e os mares! O 20 de setembro será o último día para crear a túa batida de limpeza. Axúdanos a caracterizar os residuos das nosas praias e mares e a liberalos de  basuraleza.

A esta iniciativa poderanse unir organizacións, Ong, asociacións e grupos constituídos que queiran participar entre o 26 de setembro e o 4 de outubro

https://proyectolibera.org/proximos-eventos/

Novidades interesnates no Boletín Eurodesk de setembro: http://www.eurodesk.es/noticias/boletin-eurodesk