Novas e actividades (1279)

Cada 7 de febreiro Galicia celebra o Día dos Medios en Galego. Unha data que lembra a saída da primeira publicación xornalística realizada integramente na nosa lingua. Aló por 1876, Valentín Lamas Carvajal editaba en Ourense "O Tío Marcos d’A Portela".

AMEGA, Asociación de medios en galego organiza o xoves 9 de febreiro, a partir das 20:30h, e en colaboración coa Secretaría Xeral de Política Lingüística e o Concello de Santiago, un minifestival de música galega contemporánea na Sala Capitol de Santiago de Compostela cos concertos de Grande Amore e Ortiga.

O evento será de balde ata completar aforo, pero cómpre sacar as entradas a partir das 12:00h deste martes 2 de febreiro en www.ataquilla.com e www.salacapitol.com 

Previamente, celebrarán o Día dos Medios en Galego o propio 7 de febreiro, cunha rolda de prensa de presentación no Pazo de San Roque, na sede da Secretaría Xeral de Política Lingüística, ás 11:00h, coa presencia de Valentín García (SXPL), Mercedes Rosón, concelleira de Acción Cultural de Santiago, e o artista Ortiga.

https://mediosengalego.gal/move-a-lingua-dia-dos-medios-en-galego-2023/

 

European Space Camp é un campamento de verán anual dunha semana de duración para mocidade de todo o mundo interesados/as no espazo e a ciencia.

European Space Camp é unha organización independente sen fins de lucro que organiza un campamento de verán dunha semana para mozas e mozos de todo o mundo de entre 17 e 20 anos, onde os participantes aprenden sobre o espazo e a física dos foguetes, ademais de participar nunha campaña práctica de foguetes. A organización está formada por participantes anteriores, que traballan integramente de forma voluntaria como parte do Team Space Camp.

Requisitos:
Idade 17-20 anos. Nacidos entre o 1 de xaneiro de 2003 e o 31 de decembro de 2006 (sen excepcións!).
Interesado/a na ciencia.
Fluído en inglés. Todo o campamento se leva a cabo en inglés.

O campamento desenvolverase durnate unha semana do verán de 2023 no Centro Espacial Andøya no norte de Noruega.

O prazo para solicitar a participación estará aberto ata o 13 de febreiro de 2023.

Solicitar unha praza en Campamento Espacial Europeo é equivalente a solicitar unha bolsa de participación. Dependendo da bolsa, é posible que o transporte ao campamento non estea cuberto, pero todos os demais custos si o están. Podes atopar máis información sobre as diferentes bolsas na pestana "Bolsa": https://spacecamp.no/apply/

Máis información en:
https://spacecamp.no/ 
contact@spacecamp.no 

Seis historias arredor da música de tradición oral en Galicia

O Consello da Cultura Galega presenta un novo proxecto web, Axudádeme a cantar, unha serie documental que mostra e reivindica o canto acompañado con percusión de man. Son seis capítulos que “percorren a historia e o presente deste tipo de literatura oral, sostida por mulleres que non aprenderon en ningunha escola e que son as grandes esquecidas da cultura tradicional”

Axudádeme a cantar é un documental de seis capítulos que pretende poñer en valor o canto acompañado con percusión de man, unha forma de literatura oral tradicionalmente feminina que gozaba dunha extensión e diversidade importante no territorio galego. Neste documental de seis capítulos, contan coa colaboración de tocadoras tradicionais, participantes en procesos de recollida e divulgación, e artistas modernas que beben das fontes desta tradición, que falan das súas experiencias e comparten o seu arte.

Eu e máis ti, compañeira
Eu e máis ti, comarada
Eu e máis ti, compañeira
Facemos a foliada

(Castrelo, Vimianzo) Recollida por Xabier Diaz

http://consellodacultura.gal/especiais/axudademe-a-cantar/

O Ministerio de Educación convoca 2.400 bolsas para a estanza e participación nun programa intensivo de inmersión lingüística en inglés en España dunha semana de duración cada unha delas, en réxime de internado e pensión completa, durante o mes de xullo de 2023.

Requisitos:
a) Nacer entre o 1 de xaneiro de 2003 e o 31 de decembro de 2006
b) Estar matriculado no curso 2022-2023 en calquera curso dalgún dos seguintes estudos:
- Bacharelato
- Ensinos profesionais de música e danza
- Grao medio de Formación Profesional
- Grao medio de artes plásticas e deseño
- Grao medio de ensinos deportivos e
- Ensinos de idiomas de nivel intermedio ou avanzado
c) Obter no curso 2022-2023 a condición de bolseiro do Ministerio de Educación e Formación Profesional.
d) Ter aprobadas todas as materias do curso inmediato anterior, a data de finalización do curso, cunha nota final mínima de 7 puntos na materia de inglés.

Contía da axuda.
A obtención da axuda comportará a cobertura de todos os gastos de participación no curso, con excepción de 100 € e os gastos de desprazamento ao centro, que serán por conta do participante.

A solicitude deberase cumprimentar mediante o formulario accesible por internet a través da sede electrónica do Ministerio de Educación na dirección www.educacionyfp.gob.es no apartado correspondente a Trámites e servizos.

O prazo para a presentación de solicitudes está aberto ata o 3 de abril de 2023.
Máis información no BOE do 31 de xaneiro de 2023 e en https://www.educacionyfp.gob.es/servicios-al-ciudadano/catalogo/estudiantes/becas-ayudas/extraescolares.html

A Consellería de Política Social e Xuventude convoca subvencións dirixidas a entidades de acción voluntaria de carácter privado para o fomento e a realización de actividades de voluntariado durante o ano 2023 nas seguintes áreas:

a) Área de sensibilización: o obxectivo dos proxectos desta área será o de difundir entre toda a sociedade galega a importancia e o valor da participación solidaria de carácter voluntario. Trátase de fomentar o voluntariado a través de actividades de sensibilización como:
- Desenvolvemento de xornadas, seminarios, charlas e actividades dirixidas a dar a coñecer a realidade das entidades de acción voluntaria, así como á promoción e captación de voluntariado.
- Realización de campañas que fomenten a sensibilización da sociedade galega cara ao voluntariado e ás súas organizacións.
- Estudos encamiñados a coñecer a realidade do voluntariado galego nos seus diferentes niveis de actuación: autonómico, provincial, local ou comarcal.
b) Área de formación que persegue unha modernización e adaptación permanente das entidades de acción voluntaria á realidade social a través destas liñas fundamentais:
- Formación de persoas responsables de voluntariado e das persoas voluntarias.
- Fomento e incorporación de novas tecnoloxías dentro das entidades como, por exemplo, o deseño e mantemento de páxinas web.
c) Área de coordinación: as accións fomentarán o traballo en rede e a coordinación entre as diferentes entidades incorporando, de xeito transversal, as actuacións desenvolvidas nos diferentes eidos do voluntariado.

Beneficiarias/os
Entidades de acción voluntaria de carácter privado de Galicia que realicen proxectos de voluntariado durante o ano 2023, desde o 1 de xaneiro ata o 31 de outubro.

Requisitos:
a) Que as entidades de acción voluntaria de carácter privado estean legalmente constituídas e inscritas no Rexistro de Acción Voluntaria de Galicia.
b) Ter sede permanente ou domicilio social en Galicia e desenvolver os programas subvencionables na Comunidade Autónoma galega a través de voluntarios ou voluntarias.
c) Ter debidamente contratados todos os seguros de responsabilidade civil e de accidentes de todas as persoas voluntarias que participen no proxecto presentado, durante todo o tempo de execución deste.

As solicitudes presentaranse en http://sede.xunta.es co procedemento BS508B
O prazo para a presentación das solicitudes estará aberto ata o 27 de febreiro de 2023.
Máis información no DOG do 26 de xaneiro de 2023 e en www.voluntariadogalego.org 

A Axencia para a Modernización Tecnolóxica de Galicia continúa a poñer o foco no fomento do talento dixital da nosa comunidade, nesta ocasión con ata quince actividades previstas ata o mes de marzo ao amparo do Plan DigiTalent. Unha vez máis, contará coa implicación do sector TIC galego, que mantén o seu compromiso de colaborar coa Axencia na xeración e a atracción do talento vinculado ás novas tendencias dixitais.

Actividades para os máis cativos

Programa Tecnólog@ por un día, no que mozos e mozas de 12 a 16 anos poderán visitar os centros de traballo das empresas colaboradoras.

Charlas DigiTalent DXC por DXC *echnology, coas que achega aos centros educativos de Secundaria e Bacharelato a Intelixencia artificial, a Ciencia de Datos e outras temáticas vinculadas.

DXC Iberia Codes, un concurso de programación no que os mozos e mozas de 5º de primaria a 4º de secundaria poderán competir por parellas creando un videoxogo con Tecnoloxía Scratch.

Os centros escolares de Galicia teñen a oportunidade de visitar as instalacións do Data Center de *ltia. Ata o 31 de xaneiro os centros interesados poden inscribirse na IV GenTech, unha iniciativa coa que achegar ao alumnado de Bacharelato a importancia das profesións tecnolóxicas e as oportunidades laborais do sector TIC.

Impulso dos novos perfís dixitais

Outro dos bloques prioritarios de actuación do Plan é a adaptación dos estudantes e profesionais ás demandas do mercado laboral, co obxectivo de maximizar as oportunidades de desenvolvemento profesional dos galegos e galegas no eido das novas tecnoloxías.

En liña con este eixe estratéxico, Altia, DXC Technology e NTT DATA suman esforzos coa Amtega para impulsar a formación especializada e achegar a realidade do mundo da empresa á comunidade universitaria e á Formación Profesional nos próximos meses, con iniciativas como Altia FP Dual, AltiaStaging, Altia TechDay, Altia Premia, o Programa UNIQA, o Observatorio DXC ou a celebración do premio DXC ao mellor Traballo Fin de Mestrado en Big Data da Universidade de Santiago de Compostela.

Ademáis, NTT Data pon en marcha a iniciativa TFGs solidarios, enmarcada na Cátedra en Diversidade e Tecnoloxía que a compañía mantén coa Universidade da Coruña e, en en colaboración con HackABoos o Bootcamp Data Science, levan a cabo cursos enmarcados no ámbito dixital.

O catálogo de actividades de DigiTalent combina iniciativas que dan resposta ás necesidades específicas de cada perfil:

 

Páxina web Digitalent | Catálogo de actividades primeiro trimestre 2023

A directora xeral de Xuventude, Participación e Voluntariado, Cristina Pichel, destacou a aposta do Goberno galego polo lecer educativo e o tempo libre durante todo o ano, a través da campaña de verán ou de programas como Primavera Xove e Outono Xove. Fíxoo no I Congreso Nacional de Lecer e Tempo Libre organizado pola Asociación Nacional de Empresas de Actividades e Campamentos (AneaCamp).

Nunha mesa redonda na que participaron responsables de Mocidade doutros Executivos autonómicos, Cristina Pichel sinalou que a última campaña de verán da Xunta foi a maior da historia, cun investimento de case 4,5 millóns de euros. A través desta campaña puxéronse ao dispor de mozas de entre 9 e 30 anos máis de 10.800 prazas entre campamentos, minicampamentos, campos de voluntariado e intercambios con outras comunidades. Ademais, esta programación estival da Xunta promoveu a empregabilidade de case 1400 directores e monitores de lecer e tempo libre.

Así mesmo, Cristina Pichel referiuse a outras iniciativas postas en marcha polo Goberno galego para que a oferta de lecer e tempo libre dirixida á mocidade sexa unha realidade durante todo o ano, e non estea limitada á época estival. Neste sentido, apuntou o éxito de programas como Primavera Xove e Outono Xove. Por último, a directora xeral tamén lembrou que as escolas de tempo libre forman en Galicia a máis de 1.100 persoas cada ano cos cursos de monitor e director de actividades de educación no tempo libre, así como de director de campos de voluntariado.

A Xunta de Galicia vén de estrear perfil institucional en TikTok co obxectivo de crear e divulgar información de interese para a mocidade galega.

Deste xeito, e aproveitando a bagaxe do amplo seguimento nas páxinas oficiais de Twitter e Facebook (cuxas contas suman máis de 320 mil seguidores), o Executivo autonómico aposta por seguir reforzando a súa comunicación dixital.

Entre os principais obxectivos do proxecto está o de renovar o xeito de facer chegar información relevante á mocidade e á poboación en xeral, comunicándoa de maneira dinámica e informal. Ao mesmo tempo, búscase favorecer o alcance e visibilidade de medidas de interese para un sector da poboación que está a empregar habitualmente este medio para permanecer informado.

https://www.tiktok.com/@xuntadegalicia

A feira de tecnoloxía colaborativa Maker Faire Galicia, abriu o prazo de presentación de propostas para makers de todo o mundo. Fíxoo co obxectivo de atopar e convocar “os proxectos máis innovadores”, en palabras da entidade organizadora, Design Thinkers and Makers SL.

A novena edición da Maker Faire Galicia celebrarase do 1 ao 4 de xuño no Museo Gaiás da Cidade da Cultura e en liña a través da plataforma makerfairegalicia.com

As inscricións estarán abertas até o próximo 18 de abril, data a partir da cal a organización comezará a contactar cos proxectos seleccionados.

A feira, que se celebra anualmente, reúne tanto proxectos aplicábeis á industria como solucións innovadoras desenvolvidas en centros educativos ou proxectos de innovación social entre outros. Na súa última edición contou con máis de 60 expositores, 200 makers e máis de 10000 visitantes de todo o mundo.

As inscricións poden facerse a través da web da Maker Faire Galicia: https://galicia.makerfaire.com/more/

O Foro Europeo da Mocidade lanza a "Capital Europea da Mocidade" (CEJ) 2026. Este título asígnase a unha cidade europea por un período dun ano durante o cal se pretende empoderar aos mozos e mozas, impulsar a participación xuvenil e reforzar a identidade europea.

Cada ano, unha nova cidade europea ten a oportunidade de mostrar as súas ideas innovadoras, proxectos e actividades que pretenden alzar as voces dos mozos e achegar unha nova perspectiva xuvenil a todos os aspectos da vida da cidade.

A iniciativa Capital Europea da Mocidade pretende apoiar tanto á mocidade como á cidade para abrir estas posibilidades e marcar o camiño para seguir por outros municipios europeos.

A Capital Europea da Mocidade ten un impacto positivo en moitos ámbitos:

Abre novas oportunidades
Achega cambios positivos
Fomenta a participación activa
Promove o voluntariado
Fomenta a identidade europea
Fomenta a diversidade e a inclusión
Reforza as organizacións xuvenís
Impulsa o investimento na mocidade
Amplifica a súa propia voz en Europa
Convértese en punto de encontro internacional
Conecta aos mozos
Unha cidade pode converterse en Capital Europea da Mocidade se se distingue de forma positiva e conta cun ambicioso programa de capacitación dos mozos.

Pídese aos municipios solicitantes que expoñan a súa visión para converterse en Capital Europea da Mocidade 2026 e como pode capacitar aos mozos, impulsar a participación xuvenil e achegar cambios á súa cidade.

Os seguintes elementos crave son esenciais para calquera candidatura ao título de EYC:

Participación xuvenil
Toma de decisións conxunta;
Dimensión europea.

Criterios de selección
O premio está aberto a calquera autoridade local (definida como un municipio ou grupo de municipios situados nunha zona xeográfica común) dos Estados membros do Consello de Europa que sexan partes no Convenio Cultural Europeo adoptado en 1954 en París.

Convídase os municipios solicitantes, xunto coas estruturas xuvenís participantes, a presentar un programa polifacético que poña de relevo o seu enfoque na participación xuvenil e os seus plans para crear unha mellor contorna para os mozos nas súas cidades.

Premios
A cidade galardoada anunciarase durante a cerimonia de entrega de premios en Lublin (Polonia), Capital Europea da Mocidade 2023, que terá lugar en novembro de 2023.

Prazos
- 6 de febreiro de 2023 (23:59 CET), para a presentación das notas conceptuais. A solicitude inclúe unha taxa de 300 euros, que deberá abonarse antes da data límite no Foro Europeo da Mocidade.
- 5 de xuño de 2023 (23:59 CET), para a presentación dos formularios de solicitude detallados. A solicitude inclúe unha taxa de 700 euros, que deberá abonarse antes da data límite no Foro Europeo da Mocidade.
- 25 de setembro de 2023 (23:59 CET), para os formularios de solicitude definitivos. A terceira rolda de solicitudes non inclúe taxa.

https://www.youthforum.org/news/applications-for-the-european-youth-capital-2026-are-open