A lingua é un espello do que somos, do que queremos ser, do que nos ocupa e preocupa en cada momento a cadaquén, a todos e todas como sociedade. O lugar onde as palabras existen con máis intensidade é a actualidade, ese día a día compartido no que, como tan claro nos queda nestes tempos pandémicos, o público e o privado conflúen. Por iso escoller unha Palabra do Ano significa tomar ao mesmo tempo conciencia do valor da lingua e do que designan as palabras que eliximos e creamos...

Como participar?

Primeira fase. Recoller as vosas suxestións ata o domingo 10 de decembro ás 23:59 horas.

Segunda fase. O martes 12 de decembro anunciarase cales son as palabras finalistas. Poderedes votar pola vosa favorita ata as 23:59 horas do luns 25 de decembro.

Terceira fase. O mércores 27 de decembro desvelarase que voz elixistes como Palabra do Ano 2023.

Cal é a túa favorita?

https://portaldaspalabras.gal/palabradoano/ 

A tecnoloxía, internet, as redes sociais e a masificación dos computadores supoñen un avance enorme e un cambio na nosa maneira de vivir.

A pesar de todos os beneficios e melloras na nosa calidade de vida, estes avances traen consigo un aspecto negativo: a pegada de carbono dixital.

A pegada de carbono dixital é a cantidade de emisións de gases de efecto invernadoiro que se producen cada vez que utilizamos internet, redes sociais ou as tecnoloxías da información e a comunicación.

Por exemplo:

Segundo un estudo levado a cabo polo investigador francés Basile Fighiera, enviar un correo electrónico curto desde un ordenador e cun documento adxunto de 1 MB emite 3,3g CO2

Se imos ao ámbito do lecer, segundo un informe da propia Netflix, visualizar unha hora de contido na súa plataforma emite 55 gramos de CO2.

En canto ao xogo en streaming, hai que sinalar que ten unha pegada de carbono maior cás descargas ou o formato físico, salvo que se trate de partidas de curta duración, como recolle PlayStation nun informe anual sobre o seu traballo para reducir as súas emisións de carbono.

A maior pegada recae na transmisión de datos. E é que, cada vez que mandamos unha mensaxe de Whatsapp ou compartimos unha foto nas nosas redes sociais estamos a contaminar, principalmente pola necesidade de enerxía que se necesita para todos estes procesos, pero tamén pola necesidade de grandes espazos de almacenamento de datos ‘na nube’, e pola renovación constante dos aparellos electrónicos e electrónicos ou os propios servidores.

É dicir; moitos dos nosos hábitos diarios nos que a tecnoloxía está presente, desde enviar un documento adxunto nun correo electrónico ata unha simple procura na internet ou visitar as redes sociais, implican un impacto ambiental!

As nosas accións son fundamentais para a sostibilidade ambiental e a optimización dos recursos.

Tómao en serio!

Este voluntariado, que se desenvolverá entre xaneiro e decembro de 2024, levarase a cabo nunha organización de acollida que é unha asociación de desenvolvemento local con sede en Montemor-o-Novo, unha pequena cidade rural de Portugal. A misión da organización céntrase na promoción do desenvolvemento social e económico das rexións rurais, en particular do municipio de Montemor-o-Novo en conxunto con outros territorios, buscando solucións a problemas locais e globais, involucrando e achegando a cidadáns e institucións, na procura de solucións que promovan a sustentabilidade e melloren a calidade de vida da poboación. Desde 2015, a súa actividade máis destacada desenvólvese en torno ao Centro de Conservación dos Ecosistemas Mediterráneos, onde se promoven actividades de investigación, conservación e educación ao redor da Flora Mediterránea e os seus ecosistemas. Un viveiro de plantas, onde se producen ao redor de 100 especies autóctonas, é a principal infraestrutura desta actividade estrutural e involucra traballos operativos diarios. A persoa voluntaria terá entre 30 e 35 horas semanais de traballo e 2 días ao mes como vacacións.

O aloxamento será nun cuarto individual e a persoa voluntaria disporá de diñeiro de peto e para alimentación, seguro e Certificado Youthpass. Todos os gastos pagos (transporte, aloxamento, gastos casa, comida, diñeiro peto, curso idiomas, seguro, formacións, apoio, titor, etc...)

Formación
A persoa voluntaria asistirá a clases de portugués unha vez por semana e contará con dúas formacións organizadas pola Axencia Nacional da Mocidade Portuguesa. Aos voluntarios tamén selles capacitará para adquirir habilidades e competencias de traballos operativos do viveiro (recolección de sementes, sementeira, tranplante de plantas, traballos de mantemento do viveiro, etc.), conservación de ecosistemas mediterráneos (actividades de plantación e eliminación de especies invasoras) e actividades de educación ambiental.

Requisitos
As persoas voluntarias deben ter entre 18 e 30 anos e cidadanía española ou residencia legal en España con NIE válido para a duración do proxecto. Tamén deben estar interesadas en participar en actividades interculturais e de diálogo, actividades sustentables, particularmente no campo da conservación da natureza e en actividades de educación ambiental; desenvolverán estas habilidades e competencias en grupo (traballo en equipo), estando dispostos a adquirir e desenvolver habilidades lingüísticas, especialmente inglés e portugués e con dispoñibilidade para mudarse a Montemor-o-Novo, unha pequena cidade rural durante o período de voluntariado.

Máis información
https://www.yeseuropa.org/