En portada (1116)

Xuventur 2018

Set 13, 2018

 Programa de educación non formal para a mocidade en aloxamentos turísticos de Galicia situados no medio rural

 

Que é “ XuvenTur”?

A Axencia Turismo de Galicia e a Consellería de Política Social a través da Dirección Xeral de Xuventude, Participación e Voluntariado poñen en marcha unha nova edición do programa “XuvenTur”·
Trátase dun programa de actividades de educación non formal para desenvolver en aloxamentos turísticos de Galicia situados no medio rural , en estancias de fin de semana, que sirva tanto para a adquisición de competencias e habilidades por parte da mocidade como para fomentar o coñecemento da riqueza natural, o coidado do ambiente, o goce da paisaxe e o contacto coa natureza entre a mocidade.

Ofrécense distintas alternativas de participación no mes de outubro.


Quen pode participar?

XuvenTur” está dirixido á xente nova que teña entre 18 e 30 anos no momento da solicitude e queira gozar dun programa de actividades de educación non formal nos espazos naturais de Galicia.


Obxectivos do programa:

  • Mellorar as competencias e habilidades da xuventude a través da educación non formal.
  • Facilitar que as mozas e mozos galegos participantes coñezan a xeografía e patrimonio natural, cultural e etnográfico de Galicia, promovendo o seu respecto.
  • Proporcionar á xente nova a oportunidade de vivir a experiencia do turismo rural de Galicia.
  • Promover a educación ambiental e o ocio saudable.


O programa, que é gratuíto, inclúe:

  • Aloxamento en establecementos rurais (noites de venres e sábado). A asignación de cuartos será de libre disposición, o que supón que haberá que compartir os que sexan de dúas prazas no momento da asignación dos mesmos
  • Manutención completa dende a cea do venres ata o almorzo do domingo
  • Programa de actividades, equipo técnico responsable, así como o material preciso para o seu desenvolvemento (no suposto de mal tempo levaranse a cabo actividades alternativas)     

O desprazamento ata os aloxamentos vai por conta das persoas que participan, tanto o día de incorporación como o día do remate da actividade.

Condicións de participación

  • Cada persoa solicitante só poderá elixir un programa e unha quenda.
  • As persoas mozas participantes terán que respectar os horarios establecidos.
  • Durante a estancia nos aloxamentos, respectaranse as normas de organización interna en cada un deles.
  • As persoas organizadoras reservaranse o dereito a cambiar algunha parte do programa ou servizo, incluso de cancelalo en caso de que sexa necesario por seguridade das persoas participantes.
  • A realización e o desenvolvemento das actividades estará condicionada polas condicións meteorolóxicas xerais.
  • A Dirección Xeral de Xuventude, Participación e Voluntariado poderá cancelar calquera dos programas, en caso de que non exista un número mínimo de participantes.
  • Se calquera das persoas participantes incumpre as normas xerais que alteren o desenvolvemento normal da viaxe, poderán ser expulsadas da súa participación na actividade correspondente.
  • Será necesario levar a tarxeta sanitaria e o DNI durante os días de realización do programa.
  • A incorporación realizarase o venres pola tarde antes das 21:00 h, e a saída será ao remate da actividade que será sempre os domingos antes do xantar (consultar o programa de cada actividade para saber o horario específico)
  • A participación no programa supón a aceptación das condicións deste. Noutro caso poderá excluírse do programa á persoa participante que incumpra as devanditas condicións.


Material necesario

Útiles de aseo, roupa axeitada (usada e cómoda), prendas de abrigo e chuvia, calzado deportivo (forte e cómodo) e mochila.

É importante que a roupa e o calzado sexan axeitados para as actividades do programa elixido. En cada programa figuran as indicacións a este respecto.


Prazas
O número de prazas dispoñibles en cada unha das opcións e fins de semana é de 18.


Inscricións e reservas

  • A reserva de praza efectuarase unicamente a través do formulario de inscrición que podes descargar no seguinte enlace.
  • As prazas asinaranse por estrita orde de chegada.
  • A confirmación da praza farase por correo electrónico. Unha vez confirmada a praza haberá un prazo de 48 horas para remitir por correo electrónico a fotocopia escaneada do DNI. Esta documentación debe enviarse ao enderezo de correo electrónico xuventude.programas@xunta.gal indicando no asunto o programa ao que está inscrito.

Aviso: a falta de datos, que estes sexan erróneos, enviar mal a documentación ou non enviala ocasionará a baixa automática do programa e as prazas quedarán dispoñibles para as persoas en reserva.


Prazo de inscrición

O prazo de inscrición comezará o día  14 de setembro ás 9:00 horas.

 

Adxudicación das prazas
As prazas adxudicaranse por rigorosa orde de chegada dos formularios de inscrición ata esgotar todas as dispoñibles por programa.

No formulario de confirmación de solicitude, só se poderá elixir unha quenda.

Os/as participantes admitidos/as que por calquera causa non poidan finalmente asistir ás actividades, deberán comunicalo á Dirección Xeral Xuventude, Participación e Voluntariado a través dun correo electrónico (xuventude.programas@xunta.gal) cunha antelación mínima de 5 días naturais a data de inicio do programa, co fin de poder asinar as prazas vacantes aos solicitantes da lista de espera.
De non facelo así quedarán excluídos de participación en sucesivas edicións deste programa e nos demais que poña en marcha a Dirección Xeral Xuventude, Participación e Voluntariado.


PROGRAMAS

Programa 1: ECOTURISMO: Desenvolvemento de actividades de ecoturismo na Mariña Lucense (Ribadeo, Lugo).

- Actividades:  ruta de sendeirismo nocturna, visita guiada polo interior das Covas do Rei Cintolo, visita á praia das Catedrais e ao porto de Rinli, visita cultural a Mondoñedo e Ribadeo (ruta dos indianos) e observación de aves (birding) na ZEPA  (zona de protección para Aves) na ría de Ribadeo.
- Datas: do 5 ao 7 de outubro, do 12 ao 14 de outubro, do 19 ao 21 de outubro e do 26 ao 28 de outubro (venres a domingo).

- Horario: entrada 18:30 h do venres e saída 13:00 h do domingo.
- Prazas: 18 en cada quenda.
- Material indispensable: mochila pequena e cómoda para as excursións, de asas, calzado cómodo para camiñar, (bota de sendeirismo resistente a auga e con calcetín alto), roupa cómoda e de abrigo (pantalón mellor longo), roupa de reposto, gorra ou viseira para o sol, chuvasqueiro , cantimplora ou botella, útiles de aseo persoal, prismáticos (opcional), toalla e saco de durmir.
Ademais, para visita á cova: roupa de reposto cómoda e calzado con piso de goma pechado e que non esvare.
- Aloxamento: Hotel Voar, Rotonda Voar 27700 Ribadeo, Lugo 
- Tel. 982 128 685 /  982 130 678  / 982 130 685

 

Programa 2: XOGANDO A EMPRENDER: Achegamento ás bases do modelo Lean Startup para o emprendemento. Fragas do Eume ( Rías Altas, A Capela, A Coruña).

- Actividades: dinámica de creación e traballo en equipo (proba de obstáculos), dinámicas de xogos (Lego Serious Play e visual thinking), dinámica de liderado e sendeirismo en equipo.
- Datas: do 5 ao 7 de outubro, do 12 ao 14 de outubro, do 19 ao 21 de outubro e do 26 ao 28 de outubro (venres a domingo).
- Horario: entrada 20:00 h do venres e saída 13:30 h do domingo.
- Prazas: 18 en cada quenda.
- Material indispensable: roupa cómoda e calzado apropiado para a actividade de sendeirismo, mochila, bañador e chanquletas.
- Aloxamento: Hotel Fraga do Eume, Lugar A Estoxa 4, 15613 A Capela
- Tel. 981 492 406


    
Programa 3: “AUTOCOÑECEMENTO 360º”: Actividades de acercamento á Intelixencia Emocional en Valdoviño (Ferrolterra-Eume, A Coruña).

- Actividades: ruta a cabalo, actividades para profundar no autocoñecemento e nas bases conceptuais da intelixencia emocional, dinámica da reacción de cada participantes ante o estrés a través dun xogo de escapismo, mindfulness e ioga e iniciación ao surf.
- Datas: do 5 ao 7 de outubro, do 12 ao 14 de outubro, do 19 ao 21 de outubro e do 26 ao 28 de outubro (venres a domingo).
- Horario: entrada 20:00 h do venres e saída 13:30 h do domingo.
- Prazas: 18 en cada quenda
- Material indispensable: mochila, roupa e calzado axeitado para actividade de equitación, bañador e roupa deportiva.
- Aloxamento: Hotel A Roda, Lugar Playa del Río, Meirás (San Vicente), Valdoviño, 15552 Valdoviño
- Tel. 981 486 263 / 981 486 263  / 607 671 046

 

Programa 4: ESTADÍAS CREATIVAS: Actividades de inmersión no medio rural e  natural a través da creatividade en Seoane do Courel, Lugo.

- Actividades: turismo creativo en equipo, obradoiros con intervencións multidisciplinares (creación audiovisual, performance, artes escénicas, danza, creación literaria…) e  xogo de rol
- Datas: do 5 ao 7 de outubro, do 12 ao 14 de outubro, do 19 ao 21 de outubro e do 26 ao 28 de outubro (venres a domingo).

- Horario: entrada 20:00 h do venres e saída 13:00 h do domingo.
- Prazas: 18 en cada quenda.
- Material indispensable: gorra ou pano para o sol, crema solar, roupa e calzado cómodos, chuvasqueiro, unha prenda de abrigo e útiles de aseo personal. Ademais para uso na activiade: cámara de fotos (se a tén), roupa que permita flexibilidade completa, ordenador portátil (se o tén, non é imprescindible).
- Aloxamento: Casa Ferreiro, San Xoan, Seoane do Courel 24, 27324 Folgoso do Courel.
- Tel.: 982 43 30 65

 

Programa 5: ECOTURISMO: Desenvolvemento de actividades de ecoturismo pola Costa da Morte (Carnota, A Coruña).

-Actividades: carreira de orientación pola Reserva Mariña de Interese Pesqueiro dos Miñarzos (Lira) e hórreo de Carnota, observación astronómica e recoñecemento de estrelas (solpor na praia de Carnota), ruta de sendeirismo, observación de aves e visitas guiadas.
- Datas: do 5 ao 7 de outubro, do 12 ao 14 de outubro, do 19 ao 21 de outubro e do 26 ao 28 de outubro (venres a domingo).
- Horario: entrada 18:30 h do venres e saída 13:00 h do domingo.
- Prazas: 18 en cada quenda.
- Material indispensable: mochila pequena e cómoda para as excursións, de asas, calzado cómodo para camiñar, (bota de sendeirismo resistente a auga e con calcetín alto), roupa cómoda e de abrigo (pantalón mellor longo), roupa de reposto, gorra ou viseira para o sol, chuvasqueiro, cantimplora ou botella, útiles de aseo persoal, prismáticos (opcional), toalla e saco de durmir.  
- Aloxamento: Pensión o Prouso, Praza San Gregorio 5, 15293 Carnota, A Coruña
- Tel.: 981 857 083


Programa 6: CORPO E MENTE: Desenvolvemento de actividades de crecemento persoal e desfrute no medio rural na aldea de Covelo (Baixo Miño,  Pontevedra)

- Actividades: técnicas de relaxación e consciencia do corpo, iniciación ao ioga e acroioga, obradoiro de masaxe e automasaxe, manexo e recoñecemento de plantas medicinais, obradoiros de plantas medicinais para cosmética, hixiene do fogar e botiquín.
- Datas: do 5 ao 7 de outubro, do 12 ao 14 de outubro, do 19 ao 21 de outubro e do 26 ao 28 de outubro (venres a domingo).
- Horario: entrada de 18:00 h a 20:00 h do venres e saída 13:00 h do domingo.
- Prazas: 18 en cada quenda.
- Material indispensable: mochila pequena e cómoda para as saídas, esterilla de ioga, roupa cómoda para o ioga e acroioga, envases reutilizados para as elaboracións con plantas e clazado cómodo para as saídas.
- Aloxamento:   Lugar dos Devas, Cernadela 4, 36873  (Covelo, Pontevedra)
- Tel.: 986 697 747

 

Programa 7: DESCOBRE O XURÉS: Desenvolvemento de actividades de inmersión e coñecemento do Parque Natural do Xurés. Limia (Lobios, Ourense)

- Actividades: visita a aldea de montaña Salgueiro, roteiro polo Parque natural Baixa Limia Serra do Xurés, recoñecemento in situ de especies de flora e fauna do Parque natural do Xurés, visita e baño as termas mineromedicinais de Lobios, travesía en kaiak ao campamento romano do Aquis Querquennis e visita  e baño as termas mineromedicinais do  Aquis Querquennis.
- Datas: do 5 ao 7 de outubro, do 12 ao 14 de outubro, do 19 ao 21 de outubro e do 26 ao 28 de outubro (venres a domingo).
- Horario: entrada de 18:00 h a 20:00 h h do venres e saída 13:00  h do domingo.
- Prazas: 18 en cada quenda.
- Material indispensable: moch¡la pequena e cómoda para as excursións, chancletas para o baño, toalla de baño, bañador, roupa cómoda para o roteiro, botas de montaña ou calzado cómodo para camiñar, roupa de abrigo, chuvasqueiro e calzado mollable para o kaiak.
- Aloxamento: Hotel Lusitano, Estrada de Portugal, 47, 32870 Lobios, Ourense
- Tel.: 988 448 028

 

Programa 8: ESTADÍAS DE EMPRENDEMENTO NATURAL: Actividades de emprendemento no rural e novas tecnoloxías no contorno dos Ancares (Cervantes, Lugo)

- Actividades: conformación de prototipos ambientais con base turística, creación de prototipos Plastics-free, Plogging (concienciación local na caracterización do lixo nun espazo ambiental de referencia a través da práctica deste deporte), creación de roteiros audiovisuais, orientación nun espazo natural de referencia (técnicas e dinámicas  multimedia) e xogo de rol.
- Datas: do 5 ao 7 de outubro, do 12 ao 14 de outubro e do 26 ao 28 de outubro (venres a domingo).
- Horario: entrada 20:00 h do venres e saída 13:00 h do domingo.
- Prazas: 18 en cada quenda.
- Material indispensable: gorra ou pano para o sol, crema solar, roupa e calzado cómodos, chuvasqueiro, unha prenda de abrigo e útiles de aseo personal. Ademais para uso na activiade: cámara de fotos (se a tén), roupa que permita flexibilidade completa, ordenador portátil (se o tén, non é imprescindible).
- Aloxamento: Hotel Piornedo, Donís (San Fiz), Piornedo, 27664 Cervantes, Lugo
- Tel.: 982 161 587

 


Máis información

A Xunta forma a persoal técnico para mellorar as habilidades de comunicación da mocidade nos ámbitos laboral e social

 

◾A directora xeral de Xuventude, Cecilia Vázquez, asistiu hoxe á presentación deste curso presencial que se desenvolve no Centro de Coordinación de Información Xuvenil

 

Santiago de Compostela, 11 de setembro de 2018

 

A Directora Xeral de Xuventude, Participación e Voluntariado da Xunta de Galicia, Cecilia Vázquez Suárez, asistiu hoxe á presentación do curso ‘Adestramento en habilidades sociais e de comunicación para a mocidade’, que se desenvolve no Centro Coordinador de Información Xuvenil situado na cidade compostelá. Nesta acción formativa, organizada en colaboración coa Escola Galega de Administración Pública (EGAP), participan 20 técnicos e técnicas que traballan no ámbito da mocidade.

Na súa intervención, Cecilia Vázquez animou aos asistentes a sacarlle o máximo rendemento a esta acción formativa, pensado para técnicos e técnicas que traballan co colectivo xuvenil. Ao respecto, remarcou que a comunicación e as habilidades sociais “son fundamentais para interrelacionarse coa xente nova, xa que cada vez máis a ferramentas e os medios que empregan van cambiando”.

Así mesmo, a directora xeral explicou que entre os obxectivos do curso está o de “proporcionar ferramentas para mellorar o desempeño dos profesionais que traballan no ámbito da mocidade, para a realización de obradoiros que permitan mellorar as habilidades sociais e comunicativas deste colectivo tanto a nivel social como laboral”.

No curso impártense contidos relacionados cos tipos de habilidades sociais, abordando temáticas como: estilos de comunicación, comunicación non verbal, técnicas básicas para unha comunicación eficaz, escóitaa activa ou habilidades asertivas. Tamén se traballan diferentes dinámicas de presentación e coñecemento grupal, de escoita activa, para aprender a debater e reflexionar, de autoestima e de creatividade; así como xogos de expresión verbal e non verbal. Outro dos aspectos que se trata nesta acción formativa ten que ver coas emocións: identificación, aceptación, expresión e xestión das emocións; orixe das emocións; ferramentas para traballar as emocións e técnicas de relaxación.

O curso desenvolvese de forma presencial no Centro Coordinador de Información Xuvenil, en Santiago de Compostela os días 11, 13, 18 e 20 de setembro, en horarios de 9.30 ás 14.30 horas. Ten unha duración de 20 horas.

 

https://www.xunta.gal/notas-de-prensa/-/nova/33443/xunta-forma-persoal-tecnico-para-mellorar-habilidades-comunicacion-mocidade-nos

O Injuve comunica a convocatoria de 2 prazas para participar no evento “The Global Youth Service Summit” organizado polo Goberno do Canadá.


A convocatoria vai dirixida a voluntarios ou voluntarias de entre 19 e 30 anos e capacidade de comunicarse en inglés, para compartir a súa experiencia sobre voluntariado durante un cumio que terá lugar en Toronto entre os días 26 a 28 de agosto.

 

O Injuve recibiu,a través do membro da alianza de Organizacións de Voluntariado Europeo (Chantiers Jeunesse), a convocatoria do Goberno do Canadá, para un evento, “The Global Youth Service Summit”, na que se ofertan dúas prazas para dous voluntarios ou voluntarias entre 19 e 30 anos e capacidade de comunicarse en inglés.


Consistiría en acudir a Toronto para compartir a súa experiencia sobre voluntariado durante un cumio que terá lugar nesta cidade entre os días 26 a 28 de agosto.


Todos os gastos de transporte, comida e aloxamento das persoas participantes serán sufragados polo Goberno canadense.

Respecto dos trámites de visado, só se precisará un visado de estancia para os días que dura o cumio.


As persoas interesadas poden enviar a súa solicitude de participación, mediante correo electrónico dirixido ao Injuve, ata as 15:00 do venres, día 3 de agosto, ao enderezo: delmazoub@injuve.es ou ben directamente ao correo facilitado pola organización canadense: cj@cj.qc.ca ata as 23:59 do 5 de agosto (hora de Toronto).


A resolución desta convocatoria notificaráselles aos voluntarios elixidos o día 8 de agosto.


A solicitude (redactada en inglés) debe incluír:

  • O VEF, o formulario de datos habitual de inscrición aos campos de traballo.
  • Unha relación das actividades de voluntariado que realizou, coa descrición, datos e actividades realizadas, así como o que consideren de interese aportar sobre estas actividades.
  • Carta de motivación.
  • (No caso de ter algún problema ou necesidad de saúde deben facelo constar informando de qué se trata.)

 

Descrición do proxecto

Formulario VEF

Relación provisional de persoas admitidas no Complexo residencial LUG (Lugo) para o curso académico 2018/2019.

A Xefatura territorial da Consellería de Política Social de Lugo ven de ditar Resolución provisional de persoas admitidas no Complexo residencial Lugo de Lugo para o curso académico 2018/2019.

Consulta aquí a relación de persoas admitidas

Relación provisional de persoas admitidas na Residencia xuvenil Florentino López Cuevillas (Ourense) para o curso académico 2018/2019.

A Xefatura territorial da Consellería de Política Social de Ourense ven de ditar Resolución provisional de persoas admitidas na Residencia xuvenil Florentino López Cuevillas de Ourense para o curso académico 2018/2019.

Consulta aquí a relación de persoas admitidas

 

A Xefatura Territorial de Vigo da Consellería de Política Social ven de publicar a resolución provisional de admitidos/as na Residencia Xuvenil Altamar de Vigo para o curso 2018-19.

As persoas interesadas teñen un prazo de 10 días naturais para efectuar reclamacións.

Información: Relación de admitidos

 

A Dirección Xeral de Xuventude, Participación e Voluntariado da Consellería de Política Social, no marco do proxecto Lidera, aprobado ao abeiro do programa Interreg V A España Portugal 2014-2020 (POCTEP), realizará no Espazo Xove de Noia, o encontro sectorial “Do ocio ao teu negocio: oportunidades de negocio no sector da música e o son”, un encontro sectorial a pequena escala, onde os mozos e mozas e os distintos actores do territorio poderán establecer unha dinámica de diálogo e coñecemento mutuo que impulse a aparición de oportunidades no eido da música e o son.

Data: 31 de xullo de 2018

Horario: 10:30- 13:30 horas

Lugar: Espazo Xove de Noia

Rúa Pedra Sartaña, s/n

15.200 Noia

A Coruña

Obradoiro de Turnablism DJ

Contidos:

  • Familiarización coa mesa de mesturas e a súa estrutura.
  • Iniciación á mestura, uso do fader.
  • Técnicas e nocións básicas para a mestura de sons.
  • Técnicas de scratching co vinilo.
  • Práctica no manexo da mesa e dos pratos.

Metodoloxía: comezar cun obradoiro para poder vincular as técnicas expostas coas oportunidades que ofrece o mundo laboral neste eido.

Entrada libre para os/as mozos/as interesados/as.

Proxecto LIDERA.

O proxecto “Catalizador de oportunidades de emprego e emprendemento xove transfronteirizo” (acrónimo LIDERA) foi aprobado ao abeiro do programa Interreg V A España Portugal 2014-2020 (POCTEP) e ten como obxectivo promover o desenvolvemento económico transfronteirizo a través das capacidades laborais e de emprendemento dos mozos e mozas do territorio. Conta cun orzamento de 1.428.692, 93 euros cunha financiación dun 75 % de fondos Feder e unha duración de catro anos (2016-2019).

Son socios do proxecto: a Dirección Xeral de Xuventude, Participación e Voluntariado, a Fundación Galicia Europa, a Cámara Oficial de Comercio, Industria, Servicios e Navegación de Santiago de Compostela, a Asociación Comercial de Emprendedores de Galicia (Ascega), o Instituto Português do Desporto e da Juventude (IPDJ), a Federación Nacional de Asociaciones Juveniles Portuguesas (FNAJ) e a Comunidade Intermunicipal do Ave.

Cartel do evento

A Dirección Xeral de Xuventude, Participación e Voluntariado encargou ao grupo de investigación ESCULCA, da Universidade de Santiago de Compostela, o deseño dunha proposta pedagóxica para as escolas de educación no tempo libre de Galicia, que abranga:

 

- Revisión pedagóxica do sistema educativo non formal das escolas de educación no tempo libre.

- Revisión pedagóxica das propostas feitas no proceso de participación para a elaboración do novo decreto de xuventude.

- Deseño curricular dos programas formativos das distintas etapas.

- Proposta de programa de formación de formadores/as.

- Proposta de programas para especialistas.

- Proposta de metodoloxías innovadoras e cursos tipo.

 

Esta proposta pedagóxica insírese no marco do proceso de elaboración da nova normativa en materia de xuventude, que comprende, entre outros ámbitos, o da formación no ámbito da educación no tempo libre, no horizonte inmediato, ademais, da harmonización desta formación cos certificados de profesionalidade.

 

No marco da investigación que o grupo ESCULCA está a realizar é importante coñecer o parecer das persoas formadas e formadoras. Por iso, se és monitor/a ou director/a de tempo libre ou formador/a nalgunha escola de educación no tempo libre, pregámoste que preenchas a seguinte enquisa:

 

https://es.surveymonkey.com/r/enquisaetlgal (se és monitor/a ou director/a)

https://es.surveymonkey.com/r/enquisaProfETLgal (se és formador/a nalgunha ETL)

 

A túa participación é esencial!

Un total de 155 rapaces e rapazas correspondentes xuvenís pasaron un fin de semana no albergue xuvenil de Gandarío onde participaron en actividades lúdicas e formativas.

A directora xeral de Xuventude, Participación e Voluntariado, Cecilia Vázquez, reuniuse cos 155 mozos e mozas de entre 14 e 22 anos que participaron no encontro de correspondentes xuvenís en Bergondo.

O programa Correspondentes Xuvenís 3.0 é unha iniciativa da Dirección Xeral de Xuventude, Participación e Voluntariado que consiste nunha rede de mozos e mozas que teñen o papel de “antenas informativas” para difundir nos seus centros de ensino programas e información de interese xuvenil entre iguais.

Os mozos e mozas que participan de maneira voluntaria neste programa encárganse de informar aos seus compañeiros de aula, amizades e coñecidos sobre convocatorias, recursos e programas xuvenís que poidan ser do seu interese.

IMG 20180629 WA0025

O programa Correspondentes de correspondentes xuvenís é unha ferramenta que permite potenciar as habilidades comunicativas e sociais dos participantes; favorece a asunción temperá de responsabilidades e transmite valores como a solidariedade, a participación entre iguais e o liderado.

Unha das novidades deste encontro, no que se combinan aspectos formativos e lúdicos, é a formación que recibirán os e as asistentes, en materia de oratoria e comunicación en público. Esta formación será impartida por Tania Vilariño, experta na materia, na que se pretende facilitar aos correspondentes xuvenís técnicas prácticas de expresión oral para lograr unha comunicación efectiva entre os seus compañeiros e outro tipo de auditorio.

O programa Correspondentes Xuvenís 3.0 no presente curso escolar conta con 618 participantes no conxunto de Galicia, ao redor dun centenar máis que na edición anterior. Son mozos e mozas que estudan segundo ciclo de secundaria, bacharelato ou ciclos medios e superiores de formación profesional.

Dende a Cidade da Cultura de Galicia informan sobre a súa oferta de visitas para Campamentos de Verán.

 

Dispoñen de dúas modalidades de visitas comentadas:

  • Visita á exposición: GALICIA UNIVERSAL. A ARTE GALEGA NOS FONDOS DE ABANCA E AFUNDACIÓN.

 

+ INFO:

http://www.cidadedacultura.gal/gl/evento/visitas-educativas-galicia-universal-arte-galega-nas-coleccions-abanca-e-afundacion

  • Visita á ARQUITECTURA + ESPAZOS VERDES DO GAIÁS.

 

+ INFO:

http://www.cidadedacultura.gal/gl/evento/visitas-educativas-arquitectura-do-gaias

As quendas de visita dispoñible son as seguintes:

  • De martes a xoves ás 10:00h e ás 12:00h (para un máximo de 50 nenos/as por quenda) e venres (previa consulta de dispoñibilidade horaria)

A visitas son de balde e están adaptadas ás diferentes idades.