En portada (1088)

A Dirección Xeral de Xuventude, Participación e Voluntariado publica no DOG do 21 de outubro as axudas concedidas a entidades de acción voluntaria de carácter privado para o fomento e a realización de actividades de voluntariado, así como as solicitudes inadmitidas ou denegadas.

DOG do 21 de outubro de 2019

A Dirección Xeral de Xuventude, Participación e Voluntariado convoca os premios Talento Mozo Galicia para o recoñecemento de traxectorias excelentes e proxectos impulsados e postos en marcha por mozos e mozas galegos.

Os premios Talento Mozo Galicia que se convocan terán as seguintes modalidades:
- Ciencia.
- Rural.
- Deporte.
- Empresa.
- Cultura e Creación.

Premios
- Outorgarase un premio de 5.000 euros por cada unha das modalidades.
- As persoas premiadas recibirán, ademais da dotación económica do premio, unha distinción honorífica e un diploma acreditativo.

Poderán optar aos premios Talento Mozo as persoas mozas que reúnan os seguintes requisitos:
- Ter entre 18 e 30 anos na data en que finalice o prazo de presentación de candidaturas.
- Estar domiciliadas na Comunidade Autónoma de Galicia na data en que finalice o prazo de presentación de candidaturas.
- Contar cunha traxectoria relevante na modalidade do premio a que concorra. Para estes efectos, os méritos que motivan a candidatura deben estar referidos a circunstancias acreditadas con carácter previo á data de publicación da convocatoria.

As solicitudes deberán presentarse preferiblemente por vía electrónica a través do formulario BS327A dispoñible en https://sede.xunta.gal
O prazo de presentación de solicitudes estará aberto ata o 21 de novembro de 2019
Máis información no DOG do 21 de outubro de 2019

A Dirección Xeral de Xuventude, Participación e Voluntariado da Consellería de Política Social, en colaboración coa Asociación de Executivas de Galicia, pon en marcha a actividade “Fomento do emprego xuvenil feminino” no marco do proxecto “Catalizador de oportunidades de emprego e emprendemento xove transfronteirizo” (acrónimo LIDERA).

OBXECTIVOS
a) Obxectivos xenéricos:
- Favorecer e mellorar a empregabilidade das mulleres mozas menores de 30 anos.
- Fomentar a mobilidade e a inserción futura das mozas participantes mediante a realización de prácticas formativas en empresas.

b) Obxectivos específicos:
- Apoiar ás mozas participantes na transición do ámbito educativo ao mercado laboral.
- Favorecer ás mozas participantes o desenvolvemento de habilidades e competencias que melloren a súa empregabilidade e recursos para a procura de emprego (por conta propia ou allea).
- Dotar de coñecemento e experiencia práctica ás mulleres mozas a través das prácticas formativas en empresas.

DESTINATARIAS: Mozas galegas e portuguesas con idades comprendidas entre 18 e 30 anos.
NÚMERO DE PRAZAS: 50
FASES DA ACTIVIDADE
1ª. FASE DE FORMACIÓN. Esta fase céntrase na realización dun itinerario integrado por dous (2) talleres de formación teórico – práctica:

2019cadro3


Datas de realización desta primeira fase:

2019cadro2


Contidos dos talleres:

TALLER COMPETENCIAS PERSOAIS E DESENVOLVEMENTO DE HABILIDADES PARA O EMPREGO

CONTIDOS:
1. Motivación.
2. Habilidades de comunicación verbal e non verbal.
3. Habilidades sociais no traballo.
4. Traballo en equipo.

TALLER FERRAMENTAS PARA O EMPREGO:
CV e entrevista.
O autoemprego como alternativa laboral.

CONTIDOS:
1. O Currículum vitae
Utilidades, características e tipos.
Elaboración do CV adaptado ás ofertas.

2. Recomendacións para a súa elaboración
Obxectivos, tipos e estrutura.
Preparación da entrevista.
Técnicas para superar a entrevista. Erros a evitar.
Preguntas tipo e outras. Orientacións para superalas.
Simulacros e exemplos prácticos.

3. O autoemprego
A actitude emprendedora.
Da idea ao Plan de negocio. Análise DAFO.


2ª. FASE PRÁCTICA
- Realización de prácticas formativas non laborais en empresas.
- Duración das prácticas: 15 días.
- Temporización das prácticas: segunda quincena de novembro de 2019.
- Ámbito xeográfico: Galicia
- Sectores de realización das prácticas:
Industrial
Alimentación
Limpeza
Textil
Loxística
Hostelería e turismo
Servizos e empresas
Administrativo
Asesoría e consultoría
Forestal
Informática e telecomunicacións.
Comunicacón e marketing
Construción
Audiovisual

Cobertura:
- Empresa adaptada ao perfil da persoa solicitante e segundo os criterios solicitados polas  empresas colaboradoras no proxecto.
- Titorización e seguimento individualizado.
- Seguro de accidentes e responsabilidade civil.
- Convenio de prácticas coa empresa.

Gastos de desprazamento:
a) Asistencia á fase teórica: por conta da persoa participante.
b) Fase práctica:
Se a empresa de realización das prácticas radica no mesmo concello de residencia da persoa participante: os gastos de desprazamento serán por conta da persoa participante.
Se a empresa de realización das prácticas radica en concello distinto ao de residencia da persoa participante: a persoa participante recibirá unha axuda para os gastos de desprazamento a razón de 0,19 euros/kilómetro, ata un máximo de 89 €.

AMPLIADO O PRAZO DE INSCRICIÓN: ata o 31 de outubro de 2019 ata ás 12:00h

INSCRICIÓN:  Mediante envío de formulario electrónico.

ADMISIÓN
Criterios:
1) Rigorosa orde de inscrición.
2) Entrevista persoal.

PRESELECCIÓN
As 50 primeiras persoas solicitantes que cumpran os requisitos esixidos nesta convocatoria, serán convocados mediante correo electrónico a unha entrevista persoal aos efectos de asignación de empresa de prácticas o mais adaptada posible ao seu perfil e segundo os criterios solicitados polas empresas colaboradoras no proxecto.

Xornadas de presentación e preselección de candidatas:

2019cadro

Por causa xustificada, a entrevista poderá ser telefónica ou por “skype”.

SELECCIÓN
Serán seleccionadas as persoas solicitantes cuxo perfil se adapte aos criterios solicitados polas empresas colaboradoras no proxecto.

PERDA DO DEREITO Á PARTICIPACIÓN
Non asistencia á entrevista persoal previa á asignación de empresa.

CUMPRIMENTO DA NORMATIVA DE PROTECCIÓN DE DATOS
Os datos persoais recadados neste programa serán tratados na súa condición de responsable pola Consellería de Política Social coas finalidades de levar a cabo a tramitación administrativa que se derive da xestión deste programa.

O tratamento dos datos baséase no cumprimento dunha misión de interese público ou no exercicio de poderes públicos, conforme as referencias recollidas en https://www.xunta.gal/informacion-xeral-proteccion-datos.

A Dirección Xeral de Xuventude, Participación e Voluntariado comprométese ao cumprimento da súa obriga de segredo dos datos de carácter persoal e adoptará todas as medidas técnicas e de seguridade para asegurar a confidencialidade dos devanditos datos, así como evitar a súa alteración, perda, tratamento ou acceso non autorizado, habida conta, en todo momento, do estado da tecnoloxía.


PROXECTO LIDERA

Esta iniciativa enmárcase no proxecto “Catalizador de oportunidades de emprego e emprendemento xove transfronteirizo” (acrónimo LIDERA), aprobado ao abeiro do programa Interreg V A España Portugal 2014-2020 (POCTEP), un proxecto que ten como obxectivo promover o desenvolvemento económico transfronteirizo a través das capacidades laborais e de emprendemento dos mozos e mozas do  territorio. Conta cun orzamento de 1.428.692, 93 euros cunha cofinanciación dun 75 % de fondos Feder e unha duración de catro anos (2016-2019).

Dentro do proxecto Lidera, esta acción formativa forma parte da actividade “Crece” que ten como obxectivo provocar un coñecemento, proceso e contexto de traballo en rede, no que se involucren os distintos actores e reactivos do territorio a través da xeración de espazos de desenvolvemento local no ámbito de influencia do proxecto.

Son socios do proxecto: a Dirección Xeral de Xuventude, Participación e Voluntariado, a Fundación Galicia Europa, a Cámara Oficial de Comercio, Industria, Servicios e Navegación de Santiago de Compostela, o Instituto Português do Desporto e da Juventude (IPDJ), a Federación Nacional de Asociaciones Juveniles Portuguesas (FNAJ) e a Comunidade Intermunicipal do Ave.

MÁIS INFORMACIÓN
subactividades-xuventude.ctb@xunta.gal

FORMULARIO DE INSCRICIÓN

A Dirección Xeral de Xuventude, Participación e Voluntariado publica no DOG do 15 de outubro de 2019 as axudas concedidas a entidades de acción voluntaria e entidades locais enmarcadas no Programa servizo de voluntariado xuvenil así como as solicitudes inadmitidas ou denegadas.

DOG do 15 de outubro de 2019

A Dirección Xeral de Xuventude, Participación e Voluntariado, da Consellería de Política Social, convoca un campo de voluntariado transfronteirizo no marco do proxecto europeo Eurocidade_2020 aprobado ao abeiro do programa Interreg V-A España-Portugal 2014-2020 (POCTEP).

Obxectivos:
a) Obxectivos principais:
- Crear unha actividade de campo de voluntariado para mozos e mozas basado no servizo á comunidade.
- Crear sinerxías entre os mozos e mozas de Galicia e o Norte de Portugal co fin de que xurdan novas oportunidades na zona transfronteiriza Chaves-Verín.
- Apoio ao desenvolvemento da zona transfronteiriza e a súa dinamización a través da creación de programas con claro valor social.

b) Obxectivos específicos:
Crear unha actividade multidisciplinar relacionada cun campo de voluntariado a través da inmersión cultural e etnográfica para a dinamización xuvenil a través das novas tecnoloxías.
Crear un contacto estreito entre a persoa moza voluntaria e a Eurocidade e a cultura gaelga e portuguesa a través da inmersión dixital.
Crear unha actividade xuvenil e dinamizadora da xuventude da zona transfronteiriza a través dun programa de alfabetización dixital

Destinatarios/as:  mozos e mozas galegos/as e portugueses/as con idades comprendidas entre os 18 e 30 anos, ambas inclusive.

Cobertura:
- Aloxamento en réxime de pensión completa en cuarto de uso múltiple.
- Transporte no ámbito da actividade.
- Equipos técnicos.
- Acompañamento por equipo técnico.

O mozo ou moza non fará ningún tipo de achega económica ao programa, só o que se refire ao desprazamento ocasionado desde o seu domicilio ata a zona transfronteiriza Chaves-Verín.

Número de prazas:  10
Datas de realización:  do 4 ao 9 de novembro de 2019.
Entrada:  4 de novembro a partir das 12:00 horas.
Saída:  9 de novembro antes das 14:00 horas.
Localización:
Eurocidade Chaves-Verín
Antiga aduana
Avda. Portugal, s/n Feces de Abaixo
32699 Verín – Ourense

Metodoloxía

cuadro1


Inscrición:  a través de formulario electrónico

Selección:  por estrita orde de reserva de praza. Os/as solicitantes seleccionados/as recibirán un correo electrónico de confirmación da praza.

Recibido o correo electrónico de selección, deberá remitir a ese mesmo correo unha copia escaneada do Documento Nacional de Identidade no prazo de 48 horas.

A ausencia de datos, que estes sexan erróneos, enviar mal a documentación ou non enviala ocasionará a baixa automática da actividade e as prazas quedarán dispoñibles para as persoas en lista de reserva.

Prazo de inscrición:  do 9 ao 23 outubro de 2019, ambos inclusive.

Obrigas das persoas seleccionadas
Son obrigas de cada un dos mozos e mozas seleccionados/as:
a)  Desenvolver o labor que fundamenta a presente convocatoria e que xustifica a selección del/es ou dela/s.
b)  Permanecer no campo de traballo durante o período programado sen ausentarse, a non ser por causa da propia actividade.
c)  Reintegro dos prexuízos causados por incumprimento das bases da convocatoria e do equipo dirixente desta.

Propiedade intelectual: a participación no presente programa levará, por parte dos mozos e mozas participantes, a cesión non privativa do material ás entidades organizadoras para o seu uso divulgativo sen ánimo de lucro.

Cumprimento da normativa de protección de datos
Os datos persoais recadados neste programa serán tratados na súa condición de responsable pola Consellería de Política Social coas finalidades de levar a cabo a tramitación administrativa que se derive da xestión deste programa.

O tratamento dos datos baséase no cumprimento dunha misión de interese público ou no exercicio de poderes públicos, conforme as referencias recollidas en https://www.xunta.gal/informacion-xeral-proteccion-datos.

A Dirección Xeral de Xuventude, Participación e Voluntariado comprométese ao cumprimento da súa obriga de segredo dos datos de carácter persoal e adoptará todas as medidas técnicas e de seguridade para asegurar a confidencialidade dos devanditos datos, así como evitar a súa alteración, perda, tratamento ou acceso non autorizado, habida conta, en todo momento, do estado da tecnoloxía.


Obrigas derivadas da participación:
A participación nesta convocatoria implica a aceptación de todas e cada unha das súas bases e das resolucións que a Dirección Xeral de Xuventude, Participación e Voluntariado oportunamente tome para o seu desenvolvemento, así como a normativa que a mesma desenvolva para o programa.


Proxecto Eurocidade_2020

O proxecto Eurocidade_2020, aprobado ao abeiro do programa Interreg V-A España-Portugal 2014-2020 (POCTEP), ten como obxectivo consolidar a Eurocidade Chaves-Verín como ferramenta de integración europea e de desenvolvemento sostible.

Socios/as do proxecto Eurocidade_2020: AECT Eurocidade Chaves-Verín; Dirección Xeral de Xuventude, Participación e Voluntariado; Fundación Galicia Europa; Instituto Portugués do Desporto e Juventude (IPDJ); Federación Nacional de Asociaciones Juveniles Portuguesa (FNAJ); Concello de Verín e Municipio de Chaves.


FICHA DO CAMPO DE VOLUNTARIADO


FORMULARIO DE INSCRICIÓN

A Dirección Xeral de Xuventude, Participación e Voluntariado convoca, no marco do Pacto de Estado contra a violenvia de xénero e en colaboración coa Secretaría Xeral de Igualdade, accións formativas de carácter presencial dirixidas ás persoas profesionais do tempo libre, en materia de ocio inclusivo (co fin de concienciar, reflexionar e atender as necesidades formativas neste ámbito, para tratar de que todos os mozos e mozas que participan na Campaña de verán da Xunta de Galicia poidan vivir a experiencia dos campamentos en igualdade de condicións e oportunidades) e en materia de violencia de xénero, co obxectivo de dotar ás persoas voluntarias e aos axentes educativos no ámbito do lecer e tempo libre de ferramentas e habilidades para a prevención, a detección e a posible intervención ante situacións de violencia de xénero e acadar, de xeito indirecto, un achegamento desta mensaxe aos mozos e mozas que participen nas actividades de ocio e tempo libre.

Cambio de datas en Ourense: o curso "Educación en igualdade no tempo libre: todos os espazos libres de violencia" que se ía a celebrar no Espazo Xove de Ourense do 14 ao 17 de outubro, cambia a súa data para o 18 ao 21 de novembro


 + Información sobre os cursos convocados

Formulario de inscrición curso 1: "Son 1 monitor/a inclusivo/a"?

Formulario de inscrición curso 2: "Aplicacións prácticas do ocio inclusivo para persoas con TEA"

Formulario de inscrición curso 3: "A inclusión a través do xogo"

Formulario de inscrición curso 4: "Educación en igualdade no tempo libre: todos os espazos libres de violencia"

Colaboradores bolseiros Residencia Florentino Cuevillas

A Consellería de Política Social publica no DOG do 1 de outubro de 2019  a relación definitiva de persoas colaboradoras bolseiras admitidos/as e lista de espera na  Residencia  Xuvenil Florentino López Cuevillas para o curso académico 2019/20.

DOG Núm. 186. Martes, 1 de outubro de 2019

11º EMAX: “Encontro mostra asociativa xuvenil Galicia-Norte de Portugal”

A Xunta de Galicia, a través da Dirección Xeral de Xuventude, Participación e Voluntariado da Consellería de Política Social, coa colaboración dos socios do proxecto Lidera, pon en marcha “Mocidade: Encontro da xuventude creativa e emprendedora Galicia – Norte de Portugal”, un espazo de formación, creatividade, emprendemento, cultura e lecer que permitirá establecer sinerxías, compartir experiencias, proxectos e ideas, e impulsar á xuventude no seu desenvolvemento persoal e profesional.

O encontro ten como obxectivo promover e estimular a creatividade e o espírito emprendedor da mocidade galega e portuguesa a través dun espazo aberto á participación, ao tempo que fortalecerá os lazos de cooperación transfronteiriza Galicia – Norte de Portugal, especialmente en temas que melloren a empregabilidade da xuventude.

“Mocidade” promoverá o diálogo entre os participantes galegos e portugueses, pero tamén busca asentarse como un evento de referencia para os mozos e mozas grazas a unha programación multidisciplinar, moderna e á vangarda das novas correntes e sectores emerxentes.

A inscrición neste evento, totalmente gratuíto, dará acceso a todas as mesas redondas, charlas e dinámicas do evento, aos concertos musicais, así como ao aloxamento e manutención durante os tres días do encontro.

Trátase dunha actividade enmarcada no proxecto “Catalizador de oportunidades de emprego e emprendemento xove transfronteirizo” (acrónimo LIDERA), aprobado ao abeiro do programa Interreg V A España Portugal 2014-2020 (POCTEP) e que ten como obxectivo promover o desenvolvemento económico transfronteirizo a través das capacidades laborais e de emprendemento dos mozos e mozas do territorio.

Datas de realización: do 25 ao 27 de outubro de 2019.

Lugar de realización:

Museo Centro Gaiás
Monte Gaiás, s/n
15.707 Santiago de Compostela
A Coruña

Destinatarios: mozos e mozas galegas de entre 18 e 30 anos de idade.

Prazas ofertadas: 400.

Prazo de inscrición: do 30 de setembro ao 17 de outubro de 2019.

Inscrición: será a través de formulario electrónico.

Adxudicación: as prazas asignaranse por estrita orde de inscrición.


A confirmación da praza farase por correo electrónico no prazo de tres días tras realizar a inscrición. Unha vez confirmada a praza haberá un prazo de 48 horas para remitir por correo electrónico a fotocopia escaneada do DNI. Esta documentación debe enviarse ao enderezo de correo electrónico roteiros.ctb@xunta.es indicando no asunto o programa ao que está inscrito.

No caso de que o número de solicitudes sexa superior ao número de prazas ofertadas establecerase unha lista de reserva por orde de entrada e no suposto de baixas poderán ser adxudicadas as vacantes por dito orde.

Aviso: a ausencia de datos, que estes sexan erróneos, enviar mal a documentación ou non enviala ocasionará a baixa automática do encontro e as prazas quedarán dispoñibles para as persoas en lista de reserva.

Os/as participantes admitidos/as que por calquera motivo non poidan finalmente asistir ao encontro, deberán comunicalo á Dirección Xeral de Xuventude, Participación e Voluntariado a través dun correo electrónico (roteiros.ctb@xunta.es) cunha antelación mínima de catro días naturais á data de inicio do evento, co fin de poder asignar as prazas vacantes aos solicitantes da lista de reserva.

De non facelo así quedarán excluídos da participación en sucesivas edicións deste encontro e nos demais que poña en marcha a Dirección Xeral de Xuventude, Participación e Voluntariado.

Cobertura: aloxamento en réxime de pensión completa en cuarto de uso múltiple.

* Mozos/as do Concello de Santiago: manutención pero non aloxamento, salvo que queden prazas vacantes.

O aloxamento será nas instalacións do Monte do Gozo.

Transporte: haberá transporte ata o lugar de realización do encontro dende as cidades de Ferrol, A Coruña, Vigo, Pontevedra, Lugo e Ourense.

O servizo de transporte realizarase:

- Venres, 25 de outubro, en horario de mañá, con previsión de chegada a Santiago de Compostela sobre as 13:30 - 14:00 horas.

- Domingo, 27 de outubro, en horario de tarde, con previsión de saída de Santiago de Compostela sobre as 16:00 horas.

A organización farase cargo do transporte das persoas participantes procedentes doutras localidades das sinaladas, sempre que haxa un mínimo de persoas inscritas.

Servizos de transporte Mocidade”: Encontro da xuventude creativa e emprendedora Galicia- Norte de Portugal. Santiago de Compostela, 25 – 27 de outubro de 2019:

Ruta Día Parada/s Horario saída
A Coruña 25 outubro Igrexa San Pedro de Mezonzo 12.30 h
Ferrrol 25 outubro Parada Bus Eedif.Correos Teatro Jofre 12.30 h
Lugo 25 outubro Estación de Autobuses 12.30h
Orense-Lalín 25 outubro

-Pabellón dos Remedios (Ourense)

-Estación de Autobuses Lalín (entrada)

-12.15 h

-13.00h

Pontevedra 25 outubro Estación de Autobuses 12.50h
Ponteareas-Vigo 25 outubro

-Estación Autobuses Ponteareas (Entrada-Rúa)

-Vigo parada bus C.C.A.Laxe

-12.00h

-12.40h

Santiago cidade 25 outubro

-Parada bus escalinata Estación de Tren Santiago.

-Avda. Rodríguez de Viguri fronte Estación Autobuses Santiago

-13.30h

-13.45h

Monte do Gozo-Santiago 25 outubro

-Parada bus escalinata Estación do Tren Santiago.

-Avda. Rodríguez de Viguri fronte Estación Autobuses Santiago

23.15 h
Santiago cidade 26 outubro

-Parada bus escalinata Estación do Tren Santiago.

-Avda. Rodríguez de Viguri fronte Estación Autobuses Santiago

-9.30h

-9.45h

Cidade da Cultura-Santiago 26 outubro

-Parada bus escalinata Estación do Tren Santiago.

-Avda. Rodríguez de Viguri fronte Estación Autobuses Santiago

00.00h
Santiago cidade 27 outubro

-Parada bus escalinata Estación do Tren Santiago.

-Avda. Rodríguez de Viguri fronte Estación Autobuses Santiago

-10.00h

-10:15h

Monte do Gozo-Santiago 27 outubro

-Parada bus escalinata Estación do Tren Santiago.

-Avda. Rodríguez de Viguri fronte Estación Autobuses Santiago

16.00h
Monte do Gozo 27 outubro

Coruña-Ferrol-Lugo-Ourense/Lalín-Pontevedra-Ponteareas/Vigo.

Con paradas en todas as localidades do día 25.

16.00h

 

Nota: os traslados dos participantes durante o desenvolvemento das actividades será consonte aos horarios establecidos no programa de “Mocidade”.
Os/as participantes deberán viaxar na ruta para que están inscritos/as. En caso contrario, a organización non se responsabiliza si non ten praza para realizar un itinerario que non fose comunicado previamente.

Acreditación: o acceso a todas as actividades do encontro, tanto as desenvolvidas no interior como no exterior, así como ao servizo de manutención e/ou aloxamento, esixe que a persoa moza participante se acredite, como hora límite, ás  10:00 horas do sábado 26 de outubro de 2019. Deste xeito, o horario de acreditación abrirase o venres in situ no evento e finalizará o sábado ás 10:00 horas. De non presentarse neste horario e, salvo causa xustificada, a persoa quedará excluída das actividades programadas.

Para máis información:

subactividades-xuventude.ctb@xunta. gal

+ FORMULARIO DE INSCRICIÓN PRAZAS ESGOTADAS!!!!

PROGRAMA DO ENCONTRO

25 DE OUTUBRO

14:00 h. Chegada dos participantes.

15:00 h. Xantar.

16:15 h. Traslado ata a Cidade da Cultura.

17:00 h. Palabras de benvida.

17:05 h. Mesa redonda:” Emprendemento: da idea á realidade”.

  • Carolina Lodeiro Malde, de Wayna consultora.
  • Pablo Ríos, creador de Woutick.
  • Eva Soto Conde, deseñadora de moda premiada en Xuventude Crea.
  • Ricardo Viana, de Portugal Active.

*Moderadora: Cristina Pichel Toimil, directora xeral de Xuventude, Participación e Voluntariado.

18:45 h. Mesa redonda: “Claves para xerar futuro: actitude, aptitude e talento”.

  • Arkano, rapeiro freestyle.
  • Irene Blanco, campeona mundial sub17 de halterofilia.
  • Abelo Valis, artista multidisciplinar.

*Moderadora: Alba Mancebo, xornalista.

20:00 h. Mocidade Festival: música ao vivo.

  • Baiuca
  • Ortiga

22:15 h. Traslado ao Monte do Gozo.

22:30 h. Cea.

26 DE OUTUBRO

08:30 h. Almorzo.

09:30 h. Saída do Monte do Gozo.

10:00 h. Mesa redonda: “Novas profesións: as oportunidades na industria dos videoxogos”.

  • Luz Castro, Ceo Imaxin.
  • Kiko Béjar, Ceo & Executive Production Manager en Benditos Videojuegos, profesor do ICEMD
  • Rodolfo 5Ynco, INYGON.

*Moderadora: Marta Gómez, xornalista.

10:00 h. a 17.00 h. Graffiti en directo cos nove proxectos finalistas da especialidade de graffiti do programa Xuventude Crea 2019.

12:00 h. Charla: “Como funciona un equipo de e-Sports”.

  • Alejandro Marcos, director de marketing de Team Heretics.

  • Marcos Barragan "Marki", creador de contidos de Team Heretics

13:00 h. Showcooking.

  • Lucía Freitas, do restaurante “A Tafona” (Santiago de Compostela).
  • Liliana Duarte, do restaurante "Cor de tangerina" (Guimarães).

14:00 h. Xantar.

16:15 h. Charla: “Xuventude inquieta, xuventude creativa: superación, expresión e creatividade”.

  • El Langui, cantante e artista polifacético.
  • Simultaneamente graffiti en directo de Mon Devane, premiado en Xuventude Crea.

17:30 h. Anuncio dos proxectos gañadores da especialidade de graffiti do programa Xuventude Crea 2019.

17:45 h. Finais Xuventude Crea 2019

  • Actuación dos grupos finalistas da especialidade de música.
  • Proxección dos proxectos finalistas da especialidade de videocreación.

18:45 h. Mesa redonda: “Comunidade TECH”.

  • Lucía Míguez, Rysia.
  • Marta Verde, artista Visual e Maker.
  • Cora Novoa, DJ e compositora de música electrónica.

* Moderador: Rodrigo Vázquez, xornalista.

20:00 h. Mocidade Festival: música ao vivo.

  • Blanco Palamera
  • Triángulo de Amor Bizarro
  • Cora Novoa

* Cea: no transcurso do festival.

00:00 h. Traslado ao Monte do Gozo.

27 DE OUTUBRO

09:30 h. Almorzo

10:30 h. Saída do Monte do Gozo e realización do último tramo do Camiño de Santiago ata a Praza do Obradoiro.

11:30 h. Percorrido pola zona monumental de Santiago de Compostela.

12:15 h. Saída cara a Cidade da Cultura.

13:00 h. Actuación musical de peche de “Mocidade”

  • Presumido
  • The Sunflowers

14:30 h. Saída cara o Monte do Gozo.

15:30 h. Xantar.

16:00 h. Finalización do encontro.

ACTIVIDADES COMPLEMENTARIAS

1) Punto de recollida de currículos

Durante o encontro, a Cámara Oficial de Comercio, Industria, Servizos e Navegación de Santiago de Compostela, como socio do proxecto Lidera, habilitará un punto de recollida de currículos dos mozos e mozas asistentes aos efectos de facelos chegar ás empresas socias da Cámara. Así mesmo, tamén ofrecerá información e asesoramento en materia de emprego.

2) Exhibición de e-Sports

O encontro ofrecerá o venres e o sábado unha zona para a exhibición de e-Sports, na que poderán participar os mozos e mozas participantes.

3) A Fundación Galicia Europa no seu stand poñerá as novas tecnoloxías ao servizo da xuventude emprendedora, que dun xeito participativo interactuará respondendo ás liñas básicas do emprendemento e as novas ideas.

 

PROXECTO LIDERA

O proxecto “Catalizador de oportunidades de emprego e emprendemento xove transfronteirizo” (acrónimo LIDERA) foi aprobado ao abeiro do programa Interreg V A España Portugal 2014-2020 (POCTEP) e ten como obxectivo promover o desenvolvemento económico transfronteirizo a través das capacidades laborais e de emprendemento dos mozos e mozas do territorio. Conta cun orzamento de 1.428.692, 93 euros cun financiamento dun 75 % de fondos Feder e unha duración de catro anos (2016-2019).

Este encontro forma parte da actividade “Emprende” dirixida a aquelas iniciativas, ideas, entidades que desexen iniciar unha nova liña de negocio, que conten cun grao de madurez suficiente co obxectivo de apoialas, afianzalas e acompañalas durante a súa posta en marcha. Neste encontro os mozos e mozas poderán coñecer e intercambiar experiencias con outras persoas mozos , tanto do propio territorio do proxecto como doutros territorios transfronteirizos.

Son socios do proxecto: a Dirección Xeral de Xuventude, Participación e Voluntariado, a Fundación Galicia Europa, a Cámara Oficial de Comercio, Industria, Servizos e Navegación de Santiago de Compostela, o Instituto Português do Desporto e da Juventude (IPDJ), a Federación Nacional de Asociaciones Juveniles Portuguesas (FNAJ) e a Comunidade Intermunicipal do Ave.

 

No DOG do 26 de setembro de 2019 publícase a relación definitiva de persoas colaboradoras bolseiras admitidos/as e lista de espera no centro residencial xuvenil Altamar de Vigo para o curso académico 2019/20.

DOG do 26 de setembro de 2019

A Dirección Xeral de Xuventude, Participación e Voluntariado convoca un curso máis o programa Correspondentes Xuvenís 3.0

Correspondentes xuvenís 3.0 pretende contar cunha "antena informativa" en cada centro educativo. Será alumnado quen se responsabilice de recoller a información que se lles envie desde Xuventude ou da OMIX do seu concello e de difundila entre o resto do alumnado do centro, contando co apoio do persoal do centro coordinador de información xuvenil e co profesorado participante no programa.

Os/as correspondentes terán as seguintes funcións:
1. Difundir a información que reciban a través dos medios ao seu alcance: taboleiro informativo, redes sociais, grupos de wahtsapp...
2. Manter actualizado e ordeado o taboleiro informativo do centro.
3. Remitir a Xuventude información do seu centro que poida ser de interés para correspondentes doutros puntos de Galicia.correspondentesxuvenis

Beneficios para os/as correspondentes:
Poderán participar nos Encontros de Correspondentes Xuvenís que se organicen no albergue xuvenil de Gandarío.
Recibirán gratuitamente o carné xove, e aqueles/as que o necesiten faráselles o carné ISIC e o carné Alberguista
Terán preferencia nalgúns dos programas da DXXPV nos que así conste nas súas bases.
Reconoceráselles o tempo como persoas voluntarias mediante un certificado expedido pola Dirección Xeral de Xuventude.
Poderán solicitar o Certificado de experiencias: Educación non formal en materia de Xuventude.

Beneficios para o profesorado colaborador:
Recibirán gratuitamente o carné internacional de profesor/a (Carné Teacher). O profesorado que participe a través do Plan Proxecta recibirá unha certificación da Consellería de Educación.

O programa Correspondentes Xuvenís pode solicitarse de dúas formas:
1. A través do Plan Proxecta da Consellería de Educación, entre o 25 de setembro e o 16 de outubro de 2019.
2. Directamente coa Dirección Xeral de Xuventude, a través do Centro Coordinador de información xuvenil. Teléfono 881 997 606. FORMULARIO DE SOLICITUDE 

Enviar o formulario a informacion.xuventude@xunta.gal