En portada (1091)

airiñosUn total de 14 grupos semifinalistas do certame “Airiños de Rock&Roll” organizado pola Dirección Xeral de Xuventude e Voluntariado competirán o sábado para poder mostrar o seu talento en directo no coliseo da Coruña, acompañando aos grupos Def con Dos e O’Funk’Illo.

Os grupos preseleccionados deberán tocar durante un máximo de cinco minutos na sala O Túnel do Coliseo, para que ao final o xurando escolla as dúas bandas que exercerán como teloneiros no concerto principal, que comezará ás dez da noite.

En total, presentáronse ao certame “Airiños de Rock&Roll” 64 bandas de toda Galicia, de moi diversos estilos e moitos cun talento realmente notable, que agrupaban a 286 músicos.

A labor do xurado para preseleccionar aos 14 grupos foi moi difícil e tivéronse en conta unha gran cantidade de factores para elaborar a lista de semifinalistas.

Revisáronse a fondo os temas que se recibiron, estudáronse as traxectorias dos grupos así como a proxección de futuro de cada unha das bandas, e por suposto escoitouse unha e outra vez as a súa música.

A organización e a Dirección Xeral de Xuventude e Voluntariado queren agradecer o compromiso e a xenerosidade que tiveron todos os participantes esta convocatoria

O listado de grupos semifinalistas é a seguinte:

CINCOCEROCUATRO (504)

KERTULER

NOSTATIC

YIDORAH

TREGUA

YUNO

JANIE´S GUN

ARRHYTHMIA

TAPIPORLA

FUNI FLOU

MASMEL

SEPTIEMBRE

RAIBA

ESTADO PURO

Todas as 64 bandas que se presentaron a este certame están convidadas a participar o mesmo sábado a unha master-class impartida por Pepe Bao, un dos mellores baixistas de España, e máis o concerto de Def con Dos e O’Funk’Illo.

O xurado do certame “Airiños de Rock&Roll” está composto por José Vicente Martínez Ferreiro (Locutor da Radio Galega), Francisco Gómez Seijo (Promotor, Músico e Productor) e Juan Vázquez Rey (Productor de eventos musicales).

as sinasO albergue das Sinas acolle ata o próximo mes de abril- a preto de 600 participantes do programa “Vive o Mar”, que é un dos módulos da iniciativa “Aula Xuventur” para achegar o medio natural e mariño aos rapaces e rapazas. Ata o momento –desde o mes de febreiro-, xa teñen pasado por estas instalacións ao redor de 400 alumnos e alumnas.

O director xeral de Xuventude e Voluntariado, Ovidio Rodeiro, e o delegado territorial da Xunta en Pontevedra, José Manuel Cores Tourís, desprazáronse hoxe ata estas instalacións en Vilanova para coñecer de primeira man o programa e aos seus participantes.

O programa “Aula Xuventur”, unha iniciativa “novidosa” da Consellería de Traballo e Benestar, achegará a 1.360 mozos e mozas o medio mariño e natural. En concreto, o plan diríxese a alumnos que estean cursando a ESO e Bacharelato, e desenvolverase nas Sinas, no albergue Benigno Quiroga de Portomarín, e no de Gandarío en Bergondo.

“Aula Xuventur” estrutúrase en 3 módulos diferenciados dependendo das idades dos seus participantes. ‘Vive o mar’, que é o programa que se desenvolve nas Sinas, é o primeiro dos módulos e ten por obxectivo dar a coñecer e acercar a realidade mariñeira aos estudantes desde diferentes perspectivas: lúdico-educativa, ambiental e natural, social, histórica e práctica.

As diferentes actividades, que están dirixidas ao alumnado con idades comprendidas entre os 12 e 16 anos, desenvolverase entre os meses de febreiro e abril en quendas de dúas xornadas, nas que os estudantes visitarán o porto pesqueiro de Corón, unha cetaria e unha fábrica de conservas e saíran ao mar en galeón, entre outras actividades.

‘Multiaventura no Miño’ é a segunda opción de Aula Xuventur que terá lugar no albergue xuvenil Benigno Quiroga de Portomarín entre os meses de marzo e maio. Neste módulo poderán tomar parte estudantes de entre 14 e 17 anos. Os participantes establecerán un contacto estreito entre os rapaces e o medio natural, a través de programas de dinamización e coñecemento dos ríos e do patrimonio acuífero. Poranse en marcha, entre outras, actividades deportivas como kaiak ou triatlon.

O último dos módulos de Aula Xuventur, ‘Planeta Mar’ desenvolverase no albergue xuvenil de Gandarío nos meses de maio e xuño e estará dirixido ao alumnado de entre 14 e 17 anos. O que se pretende con esta iniciativa é achegar aos participantes ao mundo mariño, tanto na súa vertente ecolóxica como na etnográfica, mostrándolles embarcacións antigas, tradicionais e actuais, así como a complexidade do ecosistema acuático e a biodiversidade mariña.

O prazo de inscrición abriuse o pasado mes de febreiro e remata unha semana antes do inicio de cada quenda. A inscrición, que se tenque facer na web www.xuventude.net, debe realizala o centro de ensino correspondente. As prazas adxudícanse por rigorosa orde de chegada das solicitudes e asignaranse ata esgotar todas as dispoñibles por módulo.

O prezo oscila entre os 30 e 37,5 euros por persoa en función da actividade que o centro educativo elixa para desenvolver. Estas contías xa inclúen o desconto que ofrece o carné xove.

curtisO “Espazo Xove” de Curtis, un servizo que aglutina a información sobre todos os recursos e materias transversais dirixidos á mocidade foi inaugurado pola conselleira de Traballo e Benestar. Para a posta en marcha deste centro, a Xunta reformou a anterior Casa da Xuventude cun investimento de preto de 118.000 euros.

A reforma da Casa da Xuventude de Curtis enmárcase nun proceso de integración deste tipo de equipamentos na Rede Territorial de Centros de Xuventude “Espazo Xove”, unha iniciativa que arrancou o pasado ano e coa que Xunta de Galicia busca mellorar as instalacións e o funcionamento destes centros que, en moitas ocasións, xa tiñan preto de 20 anos.

Con esta reformulación, cada un dos Espazos Xove da Rede Galega pasa a servir de punto de información sobre todos os recursos, servizos e temáticas transversais que dun xeito ou outro afectan ou interesan á xuventude.

Ademais, o servizo pasa a ter un alcance territorial, xa que o ámbito destes Espazos abarca diversos concellos, co que se abandona o carácter eminentemente local que viñan tendo as antigas Casas da Xuventude.

Espazos de creatividade
No referente á organización, estes centros dispoñen de espazos específicos, como o de vivenda, o de fomento do espírito emprendedor e a difusión dos recursos en materia laboral, así como os contidos sobre os que se asesora nos centros Quérote +, como os trastornos alimenticios, a sexualidade, a saúde, as drogas ou a condución responsable.

Segundo explicou Beatriz Mato, estes centros servirán tamén de espazos de encontro, creatividade e formación a través de vías non formais. Así, os mozos e mozas contarán con salas de exposicións, zonas para actividades formativas e prestarase unha especial atención á formación e a creatividade a través das novas tecnoloxías.

A conselleira de Traballo e Benestar lembrou que este mesmo ano se porá en marcha o Circuíto da Creatividade Xuvenil Galega, que encherá de contido as novas salas de exposición. O circuito responde a un dos eixos da Estratexia Xuventude 2013, o de potenciar a creatividade e o espírito emprendedor da mocidade galega.curtis2

 

 

xuventude.novasXa se pode descargar o boletín interactivo Xuventude.Novas do 8 de novembro.

Nesta publicación poderase coñecer máis sobre a iniciativa do grupo Jabón Blue, que a través da música pretende concienciar sobre a incompatibilidade do alcol e da condución, informarse sobre o fenómeno "tuning" aplicado a coches e a ordenadores e ler unha entrevista con Roberto Rey, un mozo arousán que publicou un traballo de enxeñería que interesa á Axencia Espacial Europea, entre outras reportaxes.

Xuventude.Novas é unha publicación da Dirección Xeral de Xuventude e Voluntariado que se publica cada quince días a través de xuventude.net

 

Gandarío1O presidente da Xunta de Galicia, Alberto Núñez Feijóo, destacou esta mañá que os mozos galegos “contarán, nesta lexislatura, cunha lei para regular os seus dereitos e garantir o seu acceso aos servizos públicos en Galicia”.

“Estamos a falar, en definitiva, -subliñou- dunha lei para que ao final desta lexislatura haxa uns dereitos, unhas garantías e un apoio específico á xuventude”.

Feijóo, que visitou o Campamento xuvenil de Gandarío, lembrou que un dos compromisos deste Goberno é o rexuvenecemento de Galicia e a aposta pola xuventude, “por unha xuventude –dixo- formada, dialogante e cordial. Xuventude significa o futuro, e ese futuro pasa pola educación, pasa pola cultura, pasa pola natureza, polo esparcimento e pola cordialidade dos xóvenes entre si”.

Así mesmo, o responsable do Executivo galego salientou que a Xunta vai comprometer dentro do Plan de Acción Social un apartado específico para a xuventude. E neste sentido, afirmou que, “neste momento, a Consellería de Traballo e Benestar ten moi adiantado ese plan; un plan –avanzou- que é froito do diálogo e no que participaron máis de 20.000 xóvenes e 300 organizacións xuvenís, que puideron plasmar as súas opinións sobre o Plan da Xuventude de Galicia”.gandarío3

Ao longo da visita ao campamento, Feijóo destacou o bo acollemento que está a ter esta iniciativa da Xunta e subliñou que os 180 xóvenes que se atopan no campamento de Gandarío completan un total de 9.000 mozos que se reparten por toda a xeografía galega.

“Estas iniciativas supoñen unha aposta clara pola xuventude e polos valores de esforzo, de cordialidade, de aventura, de coñecemento do patrimonio cultural e de coñecemento da natureza; un intercambio coa xente doutras comunidades e polo tanto unha cordialidade lingüística.

Galicia é un lugar de acollida; e non só acollemos a peregrinos, senón que tamén acollemos a moitos xóvenes que veñen das distintas localidades de España e por suposto a xóvenes de Galicia”.

Pincha aquí para ver o vídeo da visita do presidente ao Albergue Xuvenil de Gandarío

Gandarío2

Rock and RollA cidade de Ferrol inaugurou o local de ensaio musical para a xuventude, situado no antigo mercado da Magdalena, que foi posible grazas a un investimento de case 70.000 euros por parte da Dirección Xeral de Xuventude, que sufragou a totalidade do proxecto.

As instalacións, totalmente insonorizadas, contan con catro salas de ensaio, 1 estudio de gravación, sala de control e almacén. Cada unha das salas están equipadas co instrumental propio dunha banda de rock, con batería, guitarras, baixo, micrófonos e amplificadores.

A este respecto, o director xeral de Xuventude e Voluntariado, Ovidio Rodeiro, lembrou que a rede de locais de ensaio pon a disposición dos mozos e mozas un total de 21 instalacións distribuídas por toda a xeografía galega. Así, no que vai de lexislatura, inauguráronse catro locais de ensaio (Teo, Allariz, Ribadavia e Carral), mentres que outros cinco xa están en obras (Vigo –con sete salas-, Pobra do Caramiñal, Bueu e Valga).

Ovidio Rodeiro adiantou que nos vindeiros anos a Xunta de Galicia porá un especial énfase no fomento da música en directo das bandas do pop rock galego. Baixo o programa “xuventudémúsica”, canalizaranse as accións para a promoción da creatividade musical dos mozos mozas galegas.

Os novos creadores e grupos noveis galegos poderán tocar en directo no ‘tráiler da música’, un escenario móbil que se desprazará polas vilas galegas grazas a unha iniciativa posta en marcha pola Dirección Xeral de Xuventude e Voluntariado.

Esta iniciativa naceu do Encontro de Música Xove 2010, que se celebrou en marzo e no que participaron máis dun cento de grupos de toda Galicia. Neste encontro, foron seleccionadas 10 bandas, coas que Xuventude editou 20.000 copias dun CD que será repartido de xeito gratuíto nos principais concertos e festivais de verán.

Deste xeito, como experiencia piloto este mesmo verán, un escenario móbil –movido por un tráiler e con equipo de luces e son profesionais- permitirá a seis grupos da zona de Ribeira e Gondomar dar dous concertos, con motivo do Día Internacional de Xuventude, o 12 de agosto. Así, ese mesmo día tres grupos da zona de Ribeira actuarán neste escenario, mentres que en Gondomar actuarán outras tres bandas ao día seguinte.

O obxectivo é que este programa piloto se consolide de cara ao próximo ano, de modo que se poida establecer un circuíto de concertos en colaboración cos concellos e coas asociacións xuvenís.

Nesta mesma liña, os gañadores da especialidade de música do certame Xuventude Crea 2010 –as bases foron publicadas o 15 de xullo- terán a posibilidade de, ademais de obter o premio en metálico, de celebrar tres concertos en directo.

Rodeiro avanzou tamén que a localidade do Porriño acollerá en outubro un novo Encontro de Música Xove, no que participarán grupos de Galicia e do Norte de Portugal.

casaxuvribadaviaO Director Xeral de Xuventude, Ovidio Rodeiro e o Delegado Territorial da Xunta en Ourense, Rogelio Martínez, inauguraron a Casa da Xuventude de Ribadavia, acompañados do Conselleiro de Educación Jesús Vázquez e o tenente de alcalde, Anxo Colarte. A Casa da Xuventude de Rivadabia levántase nun estreito edificio de tres plantas na zona medieval da vila ourensá. Os representantes da Xunta de Galicia, aproveitaron tamén para visitar as instalacións do Albergue Xuvenil de Vilar de Ordelles en Esgos, onde se está a desenvolver un campamento multiaventura.

Na Campaña de Verán 2010, que deu comezo o pasado 1 de xullo, e no que a Consellería de Traballo e Benestar, a través da Dirección Xeral de Xuventude e Voluntariado, investiu máis de 3.5 millóns de euros. Ademais, estas actividades permiten a creación de mais de 1.100 postos de traballo, especialmente de monitores e directores de tempo libre, pero tamén de cociñeiros, limpadores ou vixiantes.

A gran maioría das actividades levanse a cabo en 18 instalacións distribuídas por toda Galicia, aínda que tamén se reservaron prazas para que os mozos e mozas galegos puideran participar en campamentos doutras comunidades autónomas, cos que a Xunta estableceu convenios de intercambio.

En Ourense participan oito instalacións na Campaña de Verán da Dirección Xeral de Xuventude e Voluntariado, dúas propias da Dirección Xeral e cinco concertadas, repartindo da seguinte forma, máis de 1000 prazas ao redor de toda a provincia:

- Campamento Xuvenil Penedos de Xacinto: 400 prazas

- Residencia Xuvenil Florentino Cuevillas: 45 prazas

- Colexio Gillerme Brown: 55 prazas

- Centro de Educación Ambiental Equal: 135 prazas

- Universidade Laboral: 80 prazas

- Albergue Xuvenil Vilar de Ordelles (Esgos): 90 prazas

- Actividades para Maiores de 18 anos: 188 prazas en:

  • Albergue O Corgo (Muíños)
  • Albergue Xuvenil Vilar de Ordelles (Esgos)


- Campo de Traballo Social na cidade de Ourense: 20 prazas

Cabe destacar tamén, que as prazas dos campamentos para menores de idade están todas cubertas, pero inda quedan prazas para participar en Ourense nos programas de actividades para mozos e mozas de entre 18 e 35 anos no mes de agosto, concretamente no programa de aventura e deporte de Muíños (práctica de remo, vela ou piragüismo); e no programa de multiaventura de Pereiro de Aguiar, que inclúe actividades como rutas en quad, kaiak, paintball ou bicicleta de montaña.

O delegado territorial da Xunta, Diego Calvo, e o director xeral de Xuventude, Ovidio Rodeiro, destacaron a labor que ven realizando o Colectivo de Lesbianas, Gais, Bisexuais e Transexuais de Galicia (COLEGA) na loita contra a discriminación e pola integración en tódolos ámbitos da sociedade dos seus membros.

Durante a presentación dunha análise realizada por COLEGA sobre a situación do sector poboacional do colectivo de lesbianas, gais, bisexuais e transexuais (LGBT), a realidade das súas demandas e peticións de información que recibiron nas súas oficinas no primeiro semestre de 2010.

Os representantes autonómicos resaltaron que, neste senso, Galicia vai na boa dirección, pero que aínda queda camiño por percorrer para lograr a completa normalidade da orientación sexual nos ámbitos social, familiar e laboral. Dende a Xunta tamén incidiron no incansable exercicio pedagóxico que realizan entidades como COLEGA. Neste aspecto, tanto Calvo como Rodeiro coincidiron en que a orientación sexual non é ningunha traba nin impedimento para o completo desenvolvemento social e persoal dos seres humanos.

O presidente de COLEGA Galicia, Rafael Moral, amosou a súa "moderada satisfacción" polas melloras na xestión dos servizos socio asistenciais e socio sanitarios e anunciou que, a través do programa ‘Quérote’, están a preparar un protocolo de derivación común, controlado por un observatorio de carácter rexional e participado por entidades educativas, xuvenís e socio asistenciais, có que pretenden garantir unha maior accesibilidade e transparencia dos LGBT galegos aos programas de atención.

No que se refire ao informe, e á vista dos resultados, os datos que máis preocupan ao colectivo LGBT son a falta de coñecemento por parte dos seus membros da realidade do VIH e das enfermidades de transmisión sexual; a dificultade de inserción laboral e a alta taxa de fracaso escolar, ou a vinculación excesiva a economías sumerxidas e de baixa cualificación.

Rafael Moral, informou aos representantes da Xunta de que, no que vai de 2010, COLEGA recibiu 387 consultas nos seus puntos de información, a maioría -294- relacionadas con temas sanitarios como o VIH e as enfermidades de transmisión sexual. Asemade, alertou do incremento da prostitución masculina ocasional por parte de menores de 26 anos, que pasou dos 27 casos rexistrados en 2009 aos 43 que se coñecen na actualidade.

Outro dos problemas que preocupan a COLEGA é o acoso on-line que sofren os xoves LGBT, que chegou a ser a terceira causa de contacto nas súas oficinas, e do que xa deron constancia á Dirección Xeral de Xuventude.


Con todo, os obxectivos de COLEGAS pasan por homoxeneizar e mellorar a derivación dos sectores en alta exclusión social por causa de orientación afectivo sexual e identidade de xénero, así como a promoción de información de calidade, non nesgada nin partidista. Ao mesmo tempo, a Xunta de Galicia fai unha aposta firme e decidida pola posta en marcha de políticas públicas que garantan os dereitos persoais e socias de cada un dos nosos cidadáns, sen tolerar ningún tipo de discriminación.
fotoA conselleira de Traballo e Benestar, Beatriz Mato, e o conselleiro de Familia e Igualdade de Oportunidades de Castela e León, César Antón Beltrán, firmaron hoxe en Santiago un convenio de colaboración en materia de xuventude.

O acordo recolle accións conxuntas de formación, de participación e mobilidade xuvenil, de promoción de novos creadores e de apoio ás iniciativas de emprendedores.

Entre outras actuacións, recoñeceranse mutuamente as titulacións non formais e facilitarase o uso de espazos de creación artística á xuventude de ambas comunidades.

Mato e Antón inauguraron tamén unha exposición que recolle imaxes do Camiño de Santiago tomadas por catro mozos e mozas artistas de Castela e León e obras dos gañadores da especilidade de artes plásticas do certame galego Xuventude Crea. A mostra estará aberta no Centro Coordinador de Xuventude (Praza do Matadoiro s/n, Santiago) ata o 14 de xullo,

A Xunta de Galicia e o Goberno de Castela e León colaborarán activamente en materia de xuventude, de forma que abordarán conxuntamente accións de formación, coordinación e apoio aos mozos e mozas das dúas comunidades autónomas.

Con este fin, a conselleira de Traballo e Benestar, Beatriz Mato, e o conselleiro de Familia e Igualdade de Oportunidades de Castela e León, César Antón, asinaron hoxe en Santiago un convenio de colaboración, acto no que tamén estiveron o director xeral de Xuventude, Ovidio Rodeiro, e o director do Instituto de Xuventude de Castela-León, Sergio Montoya.

Este acordo inscríbese no protocolo xeral de colaboración firmado a principios deste ano polos presidentes de Galicia e Castela e León, que persegue mellorar a coordinación e aproveitar as sinerxias entre as dúas comunidades veciñas. O convenio asinado hoxe recolle accións conxuntas en materia de formación, información, participación e mobilidade xuvenil, difusión e promoción de novos creadores, iniciativas de mozos e mozas emprendedores e coordinación en accións transfronteirizas.

No que se refire á formación, Mato e Antón destacaron que ambas comunidades recoñecerán mutuamente as titulacións non formais, de modo que se eliminarán os impedimentos burocráticos que puideran retrasar o acceso ao mercado laboral da mocidade. Ademais, nesta mesma liña, tamén se promoverá o acceso da xuventude de ambas rexións, en condicións de igualdade, ás escolas de formación xuvenil, e de cara a realización de prácticas, para obter estas titulacións.

Con respecto á información, o convenio prevé o intercambio de información dirixida á xuventude, especialmente aquela que pode ser máis relevante, como a relacionada coa emancipación. Tamén se levarán a cabo intercambios de boas prácticas nas redes de información xuvenil, sobre todo en aquelas que teñen que ver co medio rural ou coa xuventude en risco de exclusión. A isto hai que sumarlle a organización de encontros e xornadas de reciclaxe e adaptación profesional para os membros das redes autonómicas de xuventude.

O acordo contempla tamén, no ámbito da participación xuvenil, encontros e intercambios de membros de asociacións xuvenís e de consellos da Xuventude, así como seminarios de boas prácticas en participación e voluntariado. No eido da mobilidade, traballarase de forma conxunta para favorecer a mobilidade xeográfica dos mozos e mozas, entre Castela e León e Galicia, e tamén entre outras comunidades. Nesta liña de actuación farase especial fincapé no impulso do Camiño do Santiago, como nexo de unión entre as dúas comunidades autónomas.

As dúas comunidades colaborarán tamén na promoción e difusión dos novos creadores. Con este obxectivo, organizaranse conxuntamente certames e exposicións _terán tamén especial importancia os relacionados co Camiño de Santiago-. Ao tempo, facilitarase o uso de espazos de creación artística á xuventude de ambos territorios.

Xa no referido ás iniciativas de mozos e mozas emprendedores, apoiarase a súa internacionalización mediante misións comerciais conxuntas. Ademais, impulsarase a súa participación en encontros e feiras de negocios das dúas comunidades e organizaranse seminarios e encontros.

O convenio establece tamén acordos en cooperación transfronteiriza, para fomentar o coñecemento entre os mozos e mozas das diversas realidades dos tres territorios.

Tras a firma deste convenio de colaboración, Mato e Antón desprazáronse ata o Centro coordinador de información e documentación xuvenil de Santiago, para inaugurar a exposición fotográfica "Hitos del Camino de Santiago".

Esta exposición reúne fotografías de catro mozos e mozas fotógrafos, premiados en programas de arte de Castela e León, que mostran nove bens culturais situados no Camiño de Santiago ao seu paso por esa comunidade. A finalidade desta iniciativa é dar a coñecer aos peregrinos e viaxeiros estes lugares e os seus procesos de restauración.

Así, os lugares fotografiados son: o municipio de Belorado (Burgos); o monasterio de San Juan de Ortega (Baños de Colina, Burgos); a ponte de Itero (entre Itero del Camino, Burgos e Itero de la Vega en Palencia); o monasterio de San Zoilo (Carrión de los Condes, Palencia); a igrexa de Santa María de La Blanca (Villalcázar de Sirga, Palencia); a igrexa de la Peregrina (Sahagún, León); a ponte de Villarente (Villarente, León); a colexiata de San Isidoro (León); e a igrexa de Santiago (Villafranca del Bierzo, León).

novoneyra

O poeta do Courel é o autor homenaxeado este ano con motivo do Día das Letras Galegas, que se celebra o 17 de maio. A Dirección Xeral de Xuventude e Voluntariado quere sumarse á gran festa da nosa língua publicando un completo traballo da figura e da obra de Uxío Novoneyra.

É un poeta o autor a quen vai adicado iste ano o Día das Letras Galegas, un grande poeta galego. A poesía é un tipo de produción literaria moi singular, de interpretación que non é sempre doada para os seus lectores, xa que esixe para quen a lea con interese verdadeiro unha certa posta en escea, unha tentativa consciente para achegarse da mellor maneira posible á mensaxe ou a vivencia que o seu autor quere transmitir. Ista premisa é esencial para ler a obra de Uxío Novoneyra, o autor que resultou merecente do agasallo no ano en que andamos. A súa é unha poesía fonda. Mergullarse _ou polo menos intentalo- na densa ramaxe, nas fonduras espirituais que movían a un creador tan persoal require unha forte dose de complicidade... (texto completo no PDF).