En portada (1113)

VILA_DE_CRUCESO director xeral de Xuventude e Voluntariado, Ovidio Rodeiro, acompañado do secretario xeral de Política Lingüística, Valentín García, inaugurou esta iniciativa, posta en marcha pola Consellería de Traballo e Benestar en colaboración co Concello da localidade

Céntrase en promover a creatividade e o emprendemento entre a mocidade nos concellos do interior

Os participantes compartirán experiencias sobre como emprender, as vantaxes do cooperativismo, ou o turismo activo no interior

Entre os poñentes, destacan o escritor Xosé Neira Vilas ou o cociñeiro Marco Varela

Vila de Cruces acolle hoxe o encontro xuvenil ‘Crea Interior’ que a Dirección Xeral de Xuventude e Voluntariado, da Consellería de Traballo e Benestar, organiza en colaboración co Concello desta localidade. Así, un total de 250 mozos e mozas daranse cita nesta iniciativa, que leva como consigna “creatividade e emprendemento: o futuro dos concellos do interior nas mans da xuventude”.

Esta é a segunda das nove mostras sobre emprendemento xuvenil que conforman o programa “Conecta”, que está a levar a cabo a área autonómica de xuventude. Grazas a esta iniciativa, Vila de Cruces convértese hoxe na capital galega do emprendemento e a creatividade xuvenil durante esta xornada.

Así o destacou o director xeral de Xuventude e Voluntariado, Ovidio Rodeiro, na inauguración da iniciativa, que se enmarca no proxecto transfronteirizo Emprende, e conta coa colaboración de diferentes entidades tanto galegas como portuguesas. Ao acto tamén asistiu o secretario xeral de Política Lingüística, Valentín García.

A mostra acollerá relatorios, debates, ou espazos para a creatividade, o emprego e o emprendemento. As actividades da mañá terán lugar no auditorio municipal Xosé Casal, e as da tarde no pavillón municipal.

Durante o encontro, os participantes e os poñentes compartirán experiencias e a súa visión da situación actual da mocidade en vilas e concellos pequenos do interior de Galicia. Así, abordaranse temas sobre como emprender nos concellos, as vantaxes do cooperativismo, ou o turismo activo e de interior como oportunidade de futuro. Ademais, falarán sobre como os mozos e mozas poden emprender en tempos de crise ou de que maneira a participación xuvenil pode converterse nunha ferramenta emprendedora.

As ponencias complementaranse con diversas actividades paralelas, como a mostra do traballo de entidades xuvenís; ou espazos de creatividade sobre artesanía, música, son ou defensa persoal; de emprendemento, centrados no deseño de currículos, no simulacro de entrevistas de traballo ou no asesoramento para emprendedores; ou espazos sobre actividades de aventura, geocathing, ou rocódromo.

Poñentes
Durante a mañá, participarán, entre outros, o alcalde de Vila de Cruces e Xosé Neira Vilas, o autor do libro “Memorias dun neno labrego”, que rexistrou na súa obra unha importante presenza da xuventude rural.

Haberá tamén unha mesa redonda sobre como emprender nos concellos de interior. Nela participarán Eva González –titular da súa propia explotación gandeira-; Elena Ferro –moza artesá e zoqueira, que integra unha variante moderna e innovadora; María Hermida –directora de Finca de Mouriscade, un centro innovador no eido agrario-; e José Ramón Moire –un mozo emprendedor no eido do sector téxtil-.

Máis tarde, o técnico cooperativo Daniel Vega exporá a fórmula do asociacionismo agrario como modo de emprendemento e, por outra banda, o profesor na facultade de empresariais e turismo de Ourense e na UNED, José Antonio Rodríguez, abordará o potencial turístico dos concellos do interior como elemento impulsor da súa economía.

Ademais, o cociñeiro e chef executivo do Hotel Palacio de Sober, Marco Varela, levará a cabo un taller de cociña creativa.

Xa pola tarde, Javier Blanco –xerente do Bantegal-; Ramón García Sueiro –deportista de alto nivel e emprendedor no sector do ocio-; e José Luis Lamas –emprendedor e enxeñeiro agrónomo- tratarán a participación xuvenil como ferramenta de futuro.

PARLAMENTO_XOVEEnmárcase dentro de terceira edición desta iniciativa, que se celebra desde o pasado mes de novembro e que inclúe tamén a alumnos de bacharelato

Nas edicións anteriores, os alumnos de Secundaria participaban xunto cos de bacharelato, pero decidiuse levar a cabo competicións paralelas para evitar problemas pola diferenza de idade

O tema de debate proposto para esta edición é a análise do papel da xuventude no contexto mundial actual

A Dirección Xeral de Xuventude e Voluntariado, dependente da Consellería de Traballo e Benestar, organiza hoxe a primeira convocatoria do ‘Parlamento Xove’ dirixida en exclusiva aos alumnos de 3º e 4º de Educación Secundaria. Terá lugar no Centro Coordinador de Documentación e Información Xuvenil en Santiago.

Este concurso enmárcase na convocatoria xeral de ‘Parlamento Xove’, que está a celebrar a súa terceira edición desde o pasado mes de novembro e que pretende potenciar o diálogo como ferramenta para argumentar as ideas propias entre a xuventude galega.

Nesta terceira edición de ‘Parlamento Xove’, unha das novidades é esta competición paralela de carácter experimental para alumnos de 3º e 4º de ESO. Nas edicións anteriores, os alumnos de Secundaria participaban xunto cos de Bacharelato, pero decidiuse levar a cabo competicións paralelas para evitar problemas pola diferenza de idade.

Os equipos de alumnos de Secundaria que participan son cinco: o Colexio Filipense Sagrada Familia, de Vilagarcía de Arousa (Pontevedra); o CPL Divino Maestro de Lugo; o IES Becerreá (Lugo); e o Colexio Internacional Sek Atlántico de Poio (Pontevedra), con dous equipos.

‘Parlamento Xove’ é unha competición entre centros de ensino da comunidade autónoma na que os participantes de cada equipo, formados por catro alumnos e un profesor, investigan, escriben e finalmente debaten sobre o tema proposto pola organización. Inclúese tamén a elaboración de artigos en blog e a realización dun dossier de investigación sobre o tema tratado.

O tema de debate proposto para esta edición é a análise do papel da xuventude no contexto mundial actual e a reflexión que se busca é se a mocidade vai cara un modelo máis participativo ou máis individualista.

Durante o mes de febreiro, un total de 28 equipos de 1º e 2º de bacharelato participaron nas xornadas preliminares, dos que 8 pasaron á fase final que descorreu o 17 de marzo no Parlamento de Galicia e no que o IES Laxeiro de Lalín (Pontevedra) quedou como gañador, recibindo como premio unha viaxe valorada en 6.000 euros.

Esta actividade contribúe ao desenvolvemento de practicamente todas as competencias básicas: competencia lingüística, nos seus catro ámbitos (expresión oral e escrita; e comprensión oral e escrita); competencia matemática, xa que nos debates se manexan datos e porcentaxes que avalan a argumentación; tratamento da información e competencia dixital; competencia social e cidadá, porque contribúe á convivencia dado que o traballo realízase en equipo; competencia cultural e artística porque nos debates dialécticos esíxese o emprego de figuras estilísticas e capacidade de retórica; e competencia para aprender a aprender e iniciativa persoal.

Xunto a esta fase experimental, outra novidade desta terceira edición de ‘Parlamento Xove’ foi a incorporación dunha nova fase de formación para todos os equipos inscritos, tanto de bacharelato como de ESO, que se desenvolveron en varias fins de semana de decembro e xaneiro en Santiago, A Coruña, Lugo, Ourense e Vigo. Nestas xornadas de formación os alumnos participantes recibiron coñecementos de oratoria enfocada ao funcionamento dos campionatos escolares de debate.

Sostén que, nestes tempos de crise, teñen que rexurdir institucións que saben diferenciar o substancial do secundario; e comportamentos que nin se inhiben diante das dificultades nin descargan a súa frustración no veciño, senón que se alían con el

Destaca que a posta en marcha desta nova sede demostra que “queremos que a cooperación transfronteiriza teña máis dimensión, sexa máis visible e logre ser aínda máis útil”

Amósase convencido de que tanto España como Portugal precisan dunha unidade extraordinaria para afrontar as súas respectivas dificultades e resalta que as experiencias transfronteirizas de Galicia e o norte de Portugal sempre tiveron un compoñente pioneiro

Salienta que a Eurocidade non foi ningún experimento, senón un instrumento útil para mellorar a calidade de vida dos seus eurocidadáns e lembra que “as mulleres e homes de Verín e de Chaves non se limitaron a imaxinar un futuro de progreso conxunto, senón que se dispuxeron a traballar por el”

O presidente da Xunta, Alberto Núñez Feijóo, referiuse hoxe, á Eurocidade Chaves-Verín como a demostración inequívoca de que existe un modelo baseado na cooperación, que axuda a resolver eivas e abrir novas oportunidades, e propuxo aplicar esta fórmula a calquera ámbito de xestión para saír da crise. “Nestes tempos de crise, -dixo- teñen que rexurdir institucións que saben diferenciar o substancial do secundario; e comportamentos que nin se inhiben diante das dificultades nin descargan a súa frustración no veciño, senón que se alían con el. A cooperación segue a ser a forza motriz, e non a forza paralizante para remover todos os atrancos do presente”.

Feijóo, que esta mañá inaugurou a nova sede desta eurocidade, subliñou que, máis ca nunca, é unha necesidade xestionar de forma equilibrada os fondos públicos, evitar duplicidades e lograr eficiencias que nos permitan facer máis investimentos conxuntos. “E máis ca nunca, temos a vontade de que así sexa”, afirmou ao que engadiu que esta instalación é a expresión de que, pese ás dificultades, “queremos que a cooperación transfronteiriza teña máis dimensión, sexa máis visible e logre ser aínda máis útil”.

O presidente autonómico resaltou que esta sede reforza aos Eurocidadáns, que verán optimizado un proxecto de colaboración que funciona desde hai anos; reforza aos concellos de Verín e Chaves, que disporán dun lugar para planificar conxuntamente accións e proxectos que lles permitan contar con maior respaldo europeo; e reforza a Cooperación Transfronteiriza, que afianza o seu rol de política pública preferente na Eurorrexión Galicia-Norte de Portugal.

Conscientes de que atravesamos tempos duros, que poñen a proba a capacidade de calquera estrutura de goberno, Feijóo salientou que a crise tamén é un reto para a Eurocidade Verín-Chaves, como o é para o conxunto da Eurorrexión: “Cómpre buscar fórmulas para solventar problemas derivados da recesión económica e para que a crise non free as posibilidades da cooperación transfronteiriza. Temos que seguir derribando barreiras a un e outro lado, especialmente en temas tan sensibles para os cidadáns como a saúde, a educación e o turismo”.

Diante desta situación, subliñou que en lugar de rachar con todo ou de practicar un estéril nihilismo; “seguimos apostando pola cooperación para mover as cousas”. “A cooperación -dixo- non é unha fórmula máxima, pero si o mellor camiño para atopar as solucións máis acertadas e máis colectivas en cada etapa”.

O titular da Xunta amosouse convencido de que tanto España como Portugal precisan dunha unidade extraordinaria para afrontar as súas respectivas dificultades e lembrou que as experiencias transfronteirizas de Galicia e o norte de Portugal sempre tiveron un compoñente pioneiro. “Serviron de modelo para outras partes da Unión Europea e amosaron sempre unha conduta digna de extrapolar a calquera ámbito de xestión. Hoxe –reiterou- volve ocorrer o mesmo”.

Ao longo da súa intervención, Feijóo referiuse tamén ás palabras de Jacques Delor, ‘Europa é froito da necesidade e da vontade’, para recalcar que esta experiencia europea tamén é o resultado de conxugar ambos factores: “as mulleres e homes de Verín e de Chaves non se limitaron a imaxinar un futuro de progreso conxunto, senón que se dispuxeron a traballar por el”.

“A Eurocidade non foi ningún experimento, senón un instrumento útil para mellorar a calidade de vida dos seus eurocidadáns. Hospitais, instalacións termais, Escola de música e danza, Universidade Trasosmontes, Escola Superior de Enfermería, Polígonos industriais, Bibliotecas Municipais, Museos, Complexos deportivos... ningún destes servizos comúns aos cidadáns de Verín e de Chaves son unha entelequia, como prevían os máis pesimistas nos albores da Eurocidade”.

O responsable do Goberno galego concluíu lembrando que a motivación da Eurocidade Verín-Chaves, ao igual que de toda a familia da Eurorrexión Galicia-Norte de Portugal, provén dunha reflexión aparentemente simple, pero cunha enorme profundidade: “consideraron que a liña imaxinaria que parecía que os separaba, en realidade uníaos. A un e a outro lado da fronteira, detectaron problemas comúns, necesidades compartidas e aspiracións coincidentes”.

Feijóo quixo aproveitar este acto para animar ao primeiro ministro portugués pola súa determinación para sacar adiante a República Portuguesa. “Os políticos que queren ao seu país sempre dan a cara polo seu país”, asegurou, ao que engadiu que “sen dúbida, ese mesmo modelo de determinación e eses mesmo modelo de compromiso cos intereses xerais de España é o modelo do Goberno español”.

ESTADIASO director xeral de Xuventude e Voluntariado, Ovidio Rodeiro, e a delegada territorial da Xunta na Coruña, Belén do Campo, presentaron hoxe a campaña nesta provincia

A iniciativa da Dirección Xeral de Xuventude e Voluntariado prolongarase desde o mes de abril ata agosto en tres instalacións distintas repartidas na provincia

Os participantes poderán realizar actividades náuticas, de escalada ou coa bicicleta, entre outras

En toda Galicia, a Consellería de Traballo e Benestar ofertará 3.782 prazas neste programa

A Consellería de Traballo e Benestar, a través da Dirección Xeral de Xuventude e Voluntariado, oferta un total de 1.366 prazas en estadías de fins de semana multiaventura na provincia da Coruña aos mozos e mozas galegos de entre 18 e 35 anos, no marco do programa ‘Roteiros’. A iniciativa prolongarase desde abril ata agosto en tres instalacións distintas repartidas na provincia galega.

O director xeral de Xuventude e Voluntariado, Ovidio Rodeiro, e a delegada territorial da Xunta na Coruña, Belén do Campo, presentaron hoxe a campaña na provincia. En toda Galicia, a Consellería ofertará 3.782 prazas neste programa.

Na súa intervención, o director xeral indicou que as estadías inclúen aloxamento completo (desde o venres á tarde ata o domingo ao mediodía); a manutención neste período de tempo; o desprazamento cara as distintas actividades; e as propias actividades e os materiais necesarios.

Os participantes poderán realizar actividades náuticas como kaiak o bodyboard; de multiaventura, como escalada ou rutas en bicicleta; entre outras. Os interesados en participar nesta iniciativa poderán facer a reserva da súa praza a través da chamada telefónica nos teléfonos 981 54 59 37/54 57 02/54 16 89/54 58 22 en horario de 09,00 a 14,00 horas de luns a venres.

Na provincia da Coruña ofértanse 1.366 prazas en tres emprazamentos: Roteiros pola costa da morte, no Concello de Carnota; roteiro ‘Desde o mar’, no Albergue xuvenil de Gandarío (Bergondo) e roteiro ‘Desde o ar’, no Aeródromo da Fervenza (Mazaricos).

No caso de Gandarío, os 30 participantes de cada fin de semana poderán realizar actividades náuticas de ruta en moto acuática, kaiak, actividades multiaventura de windsurf, skibus, kaiaksurf, bodyboard; e raid de orientación.

Pola súa banda, no Aeródromo da Fervenza, os 32 participantes por fin de semana poderán realizar actividades de multiaventura como rappel, escalada, ponte tibetana, ruta en bicicleta, tiro could; actividades náuticas como o piragüismo. Nesta instalación ofrécese a posibilidade opcional de realizar voos en ultralixeiro sobrevoado o Encoro da Fervenza.

En ‘Roteiros pola costa da morte’ os 30 participantes de cada fin de semana poderán realizar actividades náuticas de paddelboard e snorkel en seascooter, surf e kaiaksurf, skibus e avalancha; e actividades de multiaventura de montaña.

BENESTARO director xeral de Xuventude e Voluntariado, Ovidio Rodeiro, e o delegado territorial da Xunta en Pontevedra, José Manuel Cores Tourís, presentaron hoxe a campaña nesta provincia

A iniciativa da Dirección Xeral de Xuventude e Voluntariado prolongarase ata setembro en sete instalacións distintas repartidas na provincia

En toda Galicia, a Consellería de Traballo e Benestar ofertará 3.782 prazas neste programa

A Consellería de Traballo e Benestar, a través da Dirección Xeral de Xuventude e Voluntariado, oferta un total de 1.518 prazas en estadías de fins de semana multiaventura na provincia de Pontevedra aos mozos e mozas galegos de entre 18 e 35 anos, no marco do programa ‘Roteiros’. A iniciativa prolongarase ata setembro en sete instalacións distintas repartidas na provincia galega.

O director xeral de Xuventude e Voluntariado, Ovidio Rodeiro, e o delegado territorial da Xunta en Pontevedra, José Manuel Cores Tourís, presentaron hoxe a campaña na provincia. En toda Galicia a Consellería ofertará 3.782 prazas neste programa.

Na súa intervención, o director xeral indicou que as estadías inclúen aloxamento completo (desde o venres á tarde ata o domingo ao mediodía, agás ‘Roteiro en Sabucedo, no que os participantes entran o sábado e saen o domingo); a manutención neste período de tempo; o desprazamento cara as distintas actividades; e as propias actividades e os materiais necesarios.

Os participantes poderán realizar actividades náuticas como kaiak o bodyboard; de multiaventura, como escalada ou rutas en bicicleta; ou culturais, con visitas a museos; entre outras.

Os interesados en participar nesta iniciativa poderán facer a reserva da súa praza a través da chamada telefónica nos teléfonos 981 54 59 37/54 57 02/54 16 89/54 58 22 en horario de 09,00 a 14,00 horas de luns a venres.

Na provincia de Pontevedra as actividades terán lugar en Vilanova de Arousa, na Illa de San Simón, no Grove, no Covelo, Forcarei, na Estrada e Lalín.

O roteiro ‘Mare Nostrum’ desenvolverase no albergue xuvenil das Sinas, no concello de Vilanova de Arousa e ofrecerá aos 30 participantes por fin de semana actividades náuticas de kaiak, mergullo, banana acuática e padelboard; rutas en BTT e raid nordic walking.

O roteiro ‘Nautilus’ na emblemática Illa de San Simón ofrecerá durante tres fins de semana aos 20 participantes por quenda actividades náuticas moi variadas: ruta de kaiak por Cesantes e snorkel, wakeboard, xeocaptura e raid náutico.

‘Aventúrate no Salnés’ no Grove dará a oportunidade aos 22 participantes por fin de semana a realizar un roteiro cultural coa ruta das illas e das aves, con observación das aves acuáticas, unha visita ás maricadoras e aos lugares de interese da zona, percorrendo a ruta dos Lagarteiros e con veladas nocturnas de introdución á astronomía.

Pola súas banda, o roteiro ‘Lugar dos Devas’, no Covelo, posibilitará que as 32 persoas que participen por fin de semana realicen actividades de multiaventura como a gimkana con xeocaching, tiro con arco, tirolina, rocódromo e paint ball.

‘Terras de Montes’ no albergue xuvenil de Pontemaril, no Concello de Forcarei, ofrecerá 30 prazas por fin de semana, onde os participantes poderán realizar rutas de atv, escalada en rocódromo, paint ball, raid de orientación con GPS, rutas en BTT ou tiro con arco.

No concello da Estrada, no albergue de Sabucedo, desenvolverase o ‘Roteiro en Sabucedo’, no que durante oito fins de semana, os 26 participantes por quenda poderán disfrutar das actividades de puenting, rafting, escalada, tirolina e tiro con arco.

Finalmente, no concello de Lalín, o ‘Roteiro no Deza’, no albergue xuvenil Vicente Agulló de Mouriscade, os 32 participantes de cada fin de semana poderán realizar un roteiro cultural cunha visita a un museo etnográfico, coa asistencias a obradoiros de elaboración de pan, de cestaría; así como actividades de multiaventura como airsoft, tiro con arco e rutas en bicicleta.

CONSELLEIRAA conselleira de Traballo e Benestar, Beatriz Mato, defendeu hoxe no Parlamento o proxecto de Lei de Xuventude

Unha das características máis salientables do proxecto da normativa é o cambio do actual modelo de participación xuvenil cara “un verdadeiro” sistema de representación da mocidade

O novo texto facilita a incorporación de todas as asociacións xuvenís ao Consello Asesor e Consultivo de Xuventude xa que se elimina o requisito actual polo que unha asociación non podía formar parte deste órgano sen contar co visto e prace das entidades preponderantes

O Plan Estratéxico de Xuventude de Galicia, como instrumento de planificación plurianual, considérase un elemento de gran importancia para a toma de decisións a medio prazo e pasará a ter un carácter vinculante, xa que se deberá tramitar como acordo do Consello da Xunta

A conselleira de Traballo e Benestar, Beatriz Mato, defendeu hoxe no Parlamento de Galicia o proxecto de Lei de Xuventude de Galicia, que responde a unha débeda pendente coa mocidade galega, xa que desde a aprobación do Estatuto de Autonomía de Galicia no ano 1981, houbo varias tentativas de aprobar unha Lei para a xuventude, sen que chegasen a obter ningún resultado.

O proxecto da Lei de Xuventude de Galicia, promovido pola Consellería de Traballo e Benestar, garantirá a transversalidade administrativa das políticas da Xunta dirixidas á mocidade. O texto lexisla a acción unitaria de goberno e a coordinación dos diferentes departamentos da Administración á hora de poñer en práctica medidas que afecten á xuventude. Esta planificación das políticas de mocidade efectuarase a través da elaboración en cada lexislatura dun Plan Estratéxico de Xuventude, que pasará a ter un carácter vinculante, xa que se deberá tramitar como acordo do Consello da Xunta de Galicia.

Nesta materia, é necesario reforzar a transversalidade e coordinación das políticas públicas destinadas á xuventude. Deste xeito, o proxecto de Lei conta con dez eixos básicos vinculados ás directrices europeas en materia de xuventude e que deben ser potenciados a través da coordinación entre todos os axentes implicados. Estes eixos relaciónanse coa educación; emprego; creatividade e espírito emprendedor; vivenda; saúde e deporte; participación e asociacionismo; voluntariado; información e formación; mobilidade e turismo xuvenil; e dinamización lingüística.

Unha das características máis salientables do proxecto de Lei de Xuventude de Galicia é o cambio do actual modelo de participación xuvenil cara “un verdadeiro” sistema de representación da mocidade. O texto propón a creación do Consello Asesor e Consultivo de Xuventude de Galicia, un órgano colexiado, independente e aberto a todas as asociacións xuvenís e grupos informais de mozos e mozas, que reforza e impulsa a participación da mocidade e da sociedade civil nos temas de interese para a xuventude.
Precisamente, o novo texto facilita a incorporación de todas as asociacións xuvenís ao Consello, xa que se elimina o requisito actual polo que unha asociación non podía formar parte deste órgano sen contar co visto e prace das entidades preponderantes. Tamén se facilita e se promove a creación dos consellos locais de xuventude, co obxectivo de achegar o novo modelo de participación e dar máis protagonismo aos concellos.

Ademais de fomentar a participación xuvenil, o proxecto tamén dota de máis competencias ao Consello, ao asumir este as funcións do Observatorio Galego de Xuventude, que na actualidade depende directamente da Dirección Xeral de Xuventude e Voluntariado.

O texto tamén contempla a creación da Escola Galega de Xuventude como órgano especializado na educación non formal relacionada coa mocidade.

Maior coordinación
Outra das características desta Lei é a creación do Instituto Galego de Xuventude como órgano técnico especializado, adscrito ao departamento competente, e que terá como misión a materialización dos principios de información á xente nova, formación continua en materia de mocidade e asesoramento técnico en políticas públicas de xuventude. A posta en marcha do Instituto non suporá a creación dun novo ente administrativo, senón que será unha configuración orgánica co nivel de subdirección xeral.

Achegas da sociedade
Máis de 1.500 persoas, na súa gran maioría mozos e mozas de asociacións e grupos informais, participaron nos 39 foros de debate e encontros organizados pola Dirección Xeral de Xuventude e Voluntariado, dependente da Consellería de Traballo e Benestar, para difundir e debater o texto do proxecto de Lei de Xuventude de Galicia.

Ademais, a información sobre esta Lei foi tamén enviada a todos os concellos da Galicia, ás asociacións xuvenís, ás escolas de tempo libre, aos 20.000 mozos e mozas da base de datos de usuarios dos programas de Xuventude e aos 6.000 seguidores dos perfís da Dirección Xeral de Xuventude e Voluntariado nas redes sociais Facebook, Tuenti e Twiter.

vila_de_crucesA Dirección Xeral de Xuventude e Voluntariado en colaboración co Concello de Vila de Cruces organiza esta mostra o próximo 14 de abril, que se centra en promover a creatividade e o emprendemento entre a mocidade nos concellos do interior

Os participantes compartirán experiencias sobre como emprender, as vantaxes do cooperativismo, ou o turismo activo no interior

Entre os poñentes, destacan o escritor Xosé Neira Vilas ou o cociñeiro Marco Varela

A Dirección Xeral de Xuventude e Voluntariado, da Consellería de Traballo e Benestar, vén de abrir o prazo de inscrición para o encontro xuvenil “Crea interior”, que leva como consigna “creatividade e emprendemento: o futuro dos concellos do interior nas mans da xuventude”. Esta mostra terá lugar o próximo 14 de abril, en Vila de Cruces e nela poderán participar ata 250 persoas.

Esta é a segunda das nove mostras sobre emprendemento xuvenil que conforman o programa “Conecta”, que está a levar a cabo a área autonómica de xuventude. Grazas a esta iniciativa, Vila de Cruces converterase na capital galega do emprendemento e a creatividade xuvenil durante esta xornada.

Esta iniciativa enmárcanse no proxecto transfronteirizo Emprende e conta coa colaboración de diferentes entidades tanto galegas como portuguesas.

A mostra, que xorde da colaboración entre a Dirección Xeral de Xuventude e o concello de Vila de Cruces, acollerá ponencias, debates, ou espazos para a creatividade, o emprego e o emprendemento. As actividades da mañá terán lugar no auditorio da parroquia de Merza, e as da tarde na área recreativa da Carixa.

Durante o encontro, os participantes e os poñentes compartirán experiencias e a súa visión da situación actual da mocidade en vilas e concellos pequenos. Así, abordaranse temas sobre como emprender nos concellos, as vantaxes do cooperativismo, ou o turismo activo e de interior como oportunidade de futuro. Ademais, falarán sobre como os mozos e mozas poden emprender en tempos de crise ou de que maneira a participación xuvenil pode converterse nunha ferramenta emprendedora.

As ponencias complementaranse con diversas actividades paralelas, como a mostra do traballo de entidades xuvenís; ou espazos de creatividade sobre artesanía, música, son ou defensa persoal; de emprendemento, centrados no deseño de currículos, no simulacro de entrevistas de traballo ou no asesoramento para emprendedores; ou espazos sobre actividades de aventura, geocathing, ou rocódromo.

 

Poñentes
Durante a mañá, participarán, entre outros, o alcalde de Vila de Cruces e Xosé Neira Vilas, o autor do libro “Memorias dun neno labrego”, que rexistrou na súa obra unha importante presenza da xuventude rural.

Haberá tamén unha mesa redonda sobre como emprender nos concellos de interior. Nela participarán Eva González –titular da súa propia explotación gandeira-; Elena Ferro –moza artesá e zoqueira, que integra unha variante moderna e innovadora; María Hermida –directora de Finca de Mouriscade, un centro innovador no eido agrario-; e José Ramón Moire –un mozo emprendedor no eido do sector téxtil-.

Máis tarde, o técnico cooperativo Daniel Vega exporá a fórmula do asociacionismo agrario como modo de emprendemento e, por outra banda, o profesor na facultade de empresariais e turismo de Ourense e na UNED, José Antonio Rodríguez, abordará o potencial turístico dos concellos do interior como elemento impulsor da súa economía.

Ademais, o cociñeiro e chef executivo do Hotel Palacio de Sober, Marco Varela, levará a cabo un taller de cociña creativa.

Xa pola tarde, Javier Blanco –xerente do Bantegal-; Ramón García Sueiro –deportista de alto nivel e emprendedor no sector do ocio-; e José Luis Lamas –emprendedor e enxeñeiro agrónomo- tratarán a participación xuvenil como ferramenta de futuro.

Todos aqueles interesados en participar atoparán toda a información sobre este evento na páxina web http://xuventude.xunta.es.

O director xeral de Xuventude e Voluntariado, Ovidio Rodeiro, e a delegada territorial da Xunta en Lugo, Raquel Arias, presentaron hoxe a campaña nesta provincia

A iniciativa da Dirección Xeral de Xuventude e Voluntariado prolongarase desde o mes de abril ata xuño en catro instalacións distintas repartidas na provinciaLUGO

Os participantes poderán realizar actividades de escalada ou sendeirismo, de multiaventura, barranquismo ou visitas culturais, entre outras

En toda Galicia, a Consellería de Traballo e Benestar ofertará 3.782 prazas neste programa

A Consellería de Traballo e Benestar, a través da Dirección Xeral de Xuventude e Voluntariado, oferta un total de 688 prazas en estadías de fins de semana multiaventura na provincia de Lugo aos mozos e mozas galegos de entre 18 e 35 anos, no marco do programa ‘Roteiros’. A iniciativa prolongarase desde abril ata xuño en catro instalacións distintas repartidas na provincia galega.

O director xeral de Xuventude e Voluntariado, Ovidio Rodeiro, e a delegada territorial da Xunta en Lugo, Raquel Arias, presentaron hoxe a campaña na provincia. En toda Galicia a Consellería ofertará 3.782 prazas neste programa.

Na súa intervención, o director xeral indicou que as estadías inclúen aloxamento completo (desde o venres á tarde ata o domingo ao mediodía); a manutención neste período de tempo; o desprazamento cara as distintas actividades; e as propias actividades e os materiais necesarios.

Os participantes poderán realizar actividades náuticas como kaiak o bodyboard; de multiaventura, como escalada ou rutas en bicicleta; ou culturais, con visitas a museos; entre outras.

Os interesados en participar nesta iniciativa poderán facer a reserva da súa praza a través da chamada telefónica nos teléfonos 981 54 59 37/54 57 02/54 16 89/54 58 22 en horario de 09,00 a 14,00 horas de luns a venres.

Na provincia de Lugo abriuse a inscrición no Complexo xuvenil LUG2 en Lugo, no campamento xuvenil da Devesa (Ribadeo), no Albergue xuvenil Benigno Quiroga en Portomarín, e no Concello de Quiroga.

O ‘Roteiro en pedra viva’, no Complexo xuvenil LUG2, no Concello de Lugo, daralle aos 25 participantes de cada fin de semana (un total de 200 divididos en oito convocatorias) a posibilidade de realizar actividades de escalada en rocha, rappel, xeocaching, cicloruta pola ‘Roma galega’, sendeirismo e role playing game, así como actividades nocturnas diversas.

O ‘Roteiro en mar vivo’ que se desenvolverá na mariña lucense, no campamento xuvenil da Devesa (Ribadeo), dará a oportunidade aos 25 participantes por fin de semana (200 divididos en oito convocatorias) de realizar un raid de multiaventura terrestre polos arcos das Catedrais; actividades de multiaventura como bodiboard, kaiak, kaiak surf, escalada en rocódromo, tiro con arco, así como un raid multiaventura acuático e snorkel.

No ‘Roteiro en río vivo’, no Albergue xuvenil Benigno Quiroga en Portomarín, durante oito fins de semana, os grupos de 25 persoas por fin de semana (200 divididas en oito convocatorias) poderán levar a cabo barranquismo no Lor, sendeirismo acuático, ciclorruta polo río Miño, xeocaching, así como unha visita ao lugar de nacemento da Orde dis cabaleiros de Santiago e un raid multiaventura polo leito do río Miño.

Por último, no Concello de Quiroga, 22 persoas cada fin de semana (88 divididas en catro convocatorias) levarán a cabo actividades de espeleoloxía e sendeirismo; e visitas culturais ao museo etnográfico e xeolóxico.

Campaña de Verán
Doutra banda, Ovidio Rodeiro lembrou que, ademais do programa ‘Roteiros’, durante os meses de xullo e agosto terán lugar as actividades para maiores de 18 anos enmarcadas dentro da Campaña de Verán. En total, ofértanse para este colectivo 511 prazas de multiaventura na natureza en sete localizacións diferentes en toda Galicia, nun contexto similar ao de Roteiros.

No caso da provincia de Lugo, haberá un total de 118 prazas en dúas propostas: a actividade ‘H20+18’, que se levará a cabo no Complexo Xuvenil LUG-II nas fins de semana de xullo, e que contará con actividades de kaiak de río, escalada en rocha do Monte Segade, rotas de BTT ou xeocaching nocturno; e o programa ‘Surfeando no Cantábrico’, que terá lugar no Campamento Xuvenil A Devesa de Ribadeo nas fins de semana de agosto e que contará con actividades de surf, sendeirismo, escalada en rochódromo ou rotas de BTT.

Ademais, o director xeral indicou que está aberto o prazo para anotarse nos cursos de condución segura que, dentro da campaña ‘LIBRE’ para a prevención de accidentes de tráfico entre a mocidade, terán lugar nos circuítos de A Madalena, en Forcarei (Pontevedra) e A Pastoriza, en Lugo.

Os cursos terán unha duración de cinco horas (unha teórica e catro de condución en circuíto) que abordarán aspectos como os factores de risco na condución; a seguridade activa e pasiva nos automóbiles; ou as técnicas de condución, como a posición ao volante, os trazados e as traxectorias nas curvas, o uso do freo e do acelerador, a subviraxe a a sobreviraxe, entre outras.

No caso do circuíto da Pastoriza, os cursos terán lugar nas fins de semana do 5 e 6 de maio e 12 e 13 do mesmo mes. En total, está previsto que participen nesta actividade un total de 128 mozos e mozas.

O director xeral de Xuventude e Voluntariado, Ovidio Rodeiro, presidiu hoxe a Comisión Interdepartamental de Xuventude na que fixo un balance das políticas desenvolvidas en 2011

A Consellería de Traballo e Benestar destinou ao redor de 81 millóns de euros ao fomento do emprego xuvenil en 2011, o 45% do orzamento total

No marco do Diálogo Social, de forma conxunta cos axentes sociais, foi consensuado o programa Forcon, pioneiro no Estado, e dirixido a mozas e mozos sen ou con baixa cualificación, que combina a formación en centros integrados cun contrato laboral dunha duración mínima de seis mesesCOMISIN

No eido da mobilidade, este ano porase en marcha o programa ‘Galeuropa’, que vai ofrecer 200 novas prazas para realizar prácticas laborais en empresas de cinco países europeos e está previsto que dispoña dun orzamento de 530.000 euros

No marco da vivenda, grazas á redución de gravames impositivos, preto de 13.000 mozos e mozas aforraron máis de 23 millóns de euros nos dous últimos anos

Preto de 25.000 mozos e mozas beneficiáronse en 2011 das accións de fomento do emprego incluídas no Plan Estratéxico da Xuventude do Goberno galego, que contaron cun orzamento de ao redor de 81 millóns de euros, o 45% do total do plan. A esta cifra hai que engadir aos preto de 1.500 mozos e mozas que obtiveron axudas para darse de alta como autónomos.

O director xeral de Xuventude e Voluntariado, Ovidio Rodeiro, presidiu hoxe a Comisión Interdepartamental de Xuventude, na que fixo un balance das políticas desenvolvidas en 2011 no marco desta Estratexia.

As medidas encamiñadas a incentivar o emprego de maneira directa, a través de axudas a contratación, permitiron a contratación indefinida de preto de 2.000 mozos e mozas, así como a contratación temporal de mozos e mozas en situación de risco de exclusión social; e de maneira indirecta, a través do apoio á realización de prácticas en centros de traballo.

Ovidio Rodeiro indicou que tamén, a través dos programas de cooperación con entidades locais e outros organismos das administracións públicas, como universidades e entidades sen ánimo de lucro, facilitouse a contratación de preto de 2.300 mozos e mozas para a realización de obras ou servizos de interese xeral e social. A estas cifras súmanse os 2.000 mozos e mozas con algún tipo de discapacidade

No eido da formación cómpre salientar que máis de 17.000 mozos e mozas galegos teñen participado nalgún dos programas formativos da Consellería que teñen como finalidade facilitar a súa incorporación ao mercado laboral.

Neste eido destaca o programa Forcon, consensuado no marco do Diálogo Social, de forma conxunta cos axentes sociais, un proxecto pioneiro no Estado, dirixido a mozas e mozos sen ou con baixa cualificación, que combina a formación en centros integrados cun contrato laboral dunha duración mínima de seis meses, e conta en 2012 cun orzamento de 1,4 millóns de euros aos que se suman os preto de 1,6 millóns de euros destinados a incentivos á contratacións realizadas dentro deste programa.

Tamén co obxectivo de mellorar a empregabilidade, nos próximos días se porá en marcha unha nova liña de subvención parcial para a obtención do carné de conducir, que vai acompañada dun curso complementario de responsabilidade na condución. Unha iniciativa que conta cun orzamento de 200.000 euros, que se repartirán en axudas de 200 euros para 1.000 mozos e mozas.

Plan “Xuventude 2013”
Ovidio Rodeiro engadiu que o plan ‘Xuventude 2013: una estratexia para a mocidade galega’ contempla medidas transversais que implican a todo o Goberno que ten investido en dous anos máis de 480 millóns de euros para este colectivo, dos que a metade foron destinados ao emprego, e que se compón de 286 medidas, das que xa están en marcha o 95%.

Ademais do eido laboral e formativo, o plan conta con outras medidas de apoio á mocidade, tales como as axudas directas para o aluguer, a compra ou a rehabilitación de vivendas, das que se beneficiaron máis de 24.000 persoas en 2011; e a redución de gravames impositivos, grazas ao que preto de 13.000 mozos e mozas aforraron máis de 23 millóns de euros nos dous últimos anos.

No referente á mobilidade, os programas desta área teñen máis de 2.300 prazas. Unha oferta que repetirase este ano e ampliarase co novo programa ‘Galeuropa’, que vai ofrecer 200 novas prazas para realizar prácticas laborais en empresas de cinco países europeos e está previsto que dispoña dun orzamento de 530.000 euros.

Esta estratexia complétase con outras iniciativas, como o compromiso co voluntariado a través da Lei de Acción Voluntaria de Galicia aprobada por unanimidade o pasado mes de novembro e que garante que os voluntarios reciban unha certificación oficial que acredite a súa experiencia; o Plan Estratéxico de Acción Voluntaria, que recolle 89 accións para promover o voluntariado; ou o Servizo de Voluntariado Xuvenil, que o pasado ano permitiu a 150 voluntarios participar en 50 proxectos.

 

  • Segundo o Director Xeral de Xuventude, Ovidio Rodeiro, o éxito de inicitivas deste tipo manifestan o impulso emprendedor da mocidade galega.
  • Destacase a participación de oito ponentes procedentes de distintos puntos da xeografía española e mesmo do extranxeiro.
  • O evento contou tamén coa participación de 14 asociacións xuvenís vinculadas ao ámbito universitario que tiveron a posibilidade de amosar o traballo que veñen levando a cabo.
  • Entre os participantes había mozos universitarios procedentes de 4 países da Unión Europea.FOTO3

 A facultade de xornalismo da Universidade de Santiago de Compostela serviu como marco para o encontro sobre emprendemento xuvenil Campus Emprende. Baixo o lema O poder das ideas este evento abriu primeiro de nove encontros de emprendemento e creatividade xuvenil que  se celebrarán en distintos concellos da xeografía galega e que forman parte do programa Conecta impulsado pola Dirección Xeral de Xuventude e Voluntariado.

 Foron máis douscentos os mozos e mozas que participaron das distintas actividades propostas para a xornada. Durante a inauguración do acto, o Director Xeral de Xuventude, Ovidio Rodeiro, e Francisco Durán, Vicerreitor de Estudantes coincidiron en sinalar que a elevada participación en actividades deste tipo poñen de manifesto o impulso emprendedor da mocidade. Segundo palabras do propio Rodeiro “as propostas incluídas no porgrama Conecta, no que se inclúe Campus Emprende, pretenden canalizar as inquedanzas e proxectos de mozos e mozas a través dos distintos ámbitos da administración, ofrecéndolles ferramentas e recursos e tendo a vocación decidida de dar continuídade e aportar un seguimento claro do talento e a iniciativa da xuventude emprendedora”, na mesma liña se manifestou Francisco Durán indicando que “a formación implica unha maior perspectiva de éxito en iniciativas emprendedoras”.

 A variedade de perfís e a calidade expositiva dos poñentes fixo que as 200 cadeiras situadas no hall de xornalismo quedasen pequenas pola gran afluencia de público durante toda a xornada. A primeira das ponencias correu a cargo de Manuel Gago, xornalista, profesor na USC e pioneiro no emprendemento vinculado á rede, quen trasladou aos asistentes ferramentas clave para emprender, animándoos a ser orixinais, a tentar ser pioneiros e falando de novos modelos de emprendemento. O testigo desta primeira charla foi tomado por Adrián Comesaña, copropietario do restaurante santiagués O Curro da Parra, quen falou sobre como converter unha iniciativa vinculada ó ámbito gastronómico nun restaurante de éxito incidindo en que mecanismos como a paixón, o traballo , a formación e a profesionalidade son elementos clave. Este cociñeiro mozo non deixou de destacar a importancia de buscar elementos diferenciais nos que situar iniciativas emprendedoras incipientes.

 O sempre dinámico e competitivo mundo da moda estivo representado polo afamado deseñador Francis Montesinos que cautivou aos asistentes coas experiencias adquiridas por quen é emprendedor desde hai máis de corenta anos. Frases como “apréndese equivocándose e eu tiven oportunidade de equivocarme e construírme novamente” ou “na moda, como en calquera outro ámbito, hai que rediseñarse continuamente e revisar se a fórmula e método empregados son os correctos”.FOTO2

 “Os conservatorios europeos están copados por españois, esto da unha mostra clara do enorme talendo e a creatividade dos mozos e mozas músicos do noso país, feito inaudito ata o de agora”, esta frase categórica foi a carta de presentación de Federico Mosquera, xovencísimo pianista e compositor que compartiu cos asistentes a súa visión persoal sobre as diferencias entre os plans formativos nos ensinos vinculados á creatividade en distintos países europeos e cómo saber adaptarse, construír un perfil propio e manter a paixón en momentos de crise . Para Mosquera “o arte e a cultura son un termómetro excepcional da saúde dun país e un escaparate dos seus talentos”.

 Foi o campión olímpico Antón Paz o encargado de dar comezo ás actividades vespertinas disertando sobre as cualidades que debe ter un deportista de élite, o espírito emprendedor e de superación e a importancia do traballo en equipo; e achegándolles aos asistentes a súa exitosa traxectoria deportiva dende un perfil cercano e persoal. Para o regatista “sempre é importante, sobre todo traballando en equipo, compartir o esforzo con persoas que teñan os mesmos obxectivos” e como ouro olímpico “a preparación para as olimpiadas de Pekín foi de catro anos, ó que se lle suman outros oito anos anteriores de intenso esforzo. O tamén campión mundial en Clase Tornado indicou, en referencia á necesidade de non temerlle ao fracaso, “despois de Atenas, onde tivemos problemas técnicos, tras a frustración inicial, comezamos a entrenar aínda con máis intensidade”. O deportista vilagarciano marcou tamén a anécdota da xornada cando compartiu co público a medalla de ouro gañada en 2008 e foron moitos os asistentes que aproveitaron a ocasión para ter nas súas mans un ouro olímpico.

 Sansó-Rubert, experto en seguridade e defensa, amosoulles aos asistentes alternativas de emprendemento e emprego no ámbito da seguridade, un nicho que, según o ponente, non está suficientemente aprobeitado.

 A xeira de ponencias foi pechada polo xornalista, filólogo e creador e redactor do blog Obama Wold, Jordi Pérez Colombé, que ademáis de animar á audiencia a non ter medo a emprender, a superar o pánico ao fracaso afondou na necesidade de adquirir experiencia a hora de emprender e acadar competencias non propias do ámbito de emprendemento concreto pero que son precisas para chegar ó éxito. Para Colombé un emprendedor non pode deixar de aprender, actualizarse e estar sempre aberto a novas achegas.

 Campus Xove xorde como un evento vivo e aberto no que a xornada de ponencias se complementou con actividades formativas e de asesoramento (aula emprende, aula social e gabinete de iniciativas xuvenís emprendedoras transfronteirizo) ofrecendo tamén un espazo no que asociacións xuvenís e do ámbito universitario puideron amosar o seu traballo e ámbitos do seu interese.

 Cabe destacar a presenza de universitarios procedentes de campus de Rumanía, Italia, Hungría e Bulgaria que participaron das actividades propostas e que tiveron a oportunidade tamén de divulgar entre o auditorio os modelos de promoción do emprendedurismo nos seus países de orixe.