Finca de Mouriscade, 36515 Vilanova, Lalín, Pontevedra.

A 6,5 km de Lalín. Na estación de trens de Lalín, en Botos (PO-534), seguir as indicacións “Finca de Mouriscade”; unha vez alí, pasada a ponte do tren, xirar á dereita ata o final da pista. (En Google Maps, escribir “Área de recreo Mouriscade”).

T. 606 50 96 11 / 687 47 32 21

O albergue municipal “Vicente Agulló” atópase nun espazo natural con área recreativa á beira do río Asneiro. Conta con cuartos e baños múltiples, primeiros auxilios, cociña, comedor e espazo de usos múltiples na planta alta.

Ten baño adaptado e elevador para cadeira de rodas para acceder á planta alta. Os espazos exteriores ao albergue non están adaptados.

• AVENTURA+

ACTIVIDADES

Deportivas: escape street; iniciación á hípica; olimpíadas castrexas, caiac no encoro de Portodemouros, ruta pola Serra do Candán, ruta interpretativa pola área recreativa de Mouriscade, escape room, xincana de auga, piscina fluvial; artísticas: talent show, espazo “chill-out”, elaboración de máscaras e debuxos tribais, land art (elaboración dunha creación artística colectiva a partir de elementos da natureza), micrometraxes (creación de curtametraxes orixinais co uso dos smartphones, que logo se difundirán na rede), cinefórum; outras: xogos de mesa do mundo, grandes xogos de interior, ioga infantil e veladas.

NOTA: Para ser admitido no campamento é necesario saber nadar.

Despois do sorteo publicarase neste apartado a CARTA INFORMATIVA do campamento coas indicacións sobre a incorporación e a recollida, o equipamento persoal necesario, as normas xerais, o horario tipo e outras recomendacións.

Campamento Xuvenil A Illa de Ons. (Pontevedra)

En barco desde Bueu, Sanxenxo e Portonovo.

T.

Campamento situado na Illa de Ons. Ten unha capacidade de 60 prazas en tendas de campaña.

As características do campamento nesta illa veñen subliñadas pola propia situación, aproximadamente a 1,5 km do peirao. As edificacións do conxunto (espazo das tendas de campaña, aseos comúns, pavillón aberto, comedor) están alleas entre si, intercomunicadas mediante corredoiras de terra con certas pendentes e baixadas, non aptas para cadeiras de rodas nin para nenos ou nenas que precisen apoios ortopédicos.

• ILLA MARABILLA

ACTIVIDADES

Náuticas: paddle surf, caiac, snorkel; aventura e natureza: tiro con arco, orientación con gps, actividades de praia, aula de natureza; outras:pelot-ons (balompé ,baloncesto, kin-ball), video mariño; saídas.

NOTA: Para ser admitido no campamento é necesario saber nadar.

Despois do sorteo publicarase neste apartado a CARTA INFORMATIVA do campamento coas indicacións sobre a incorporación e a recollida, o equipamento persoal necesario, as normas xerais, o horario tipo e outras recomendacións.

Campamento xuvenil Pontemaril. 36550 Forcarei (Pontevedra).

Situado a 2 Km de Forcarei, na estrada N-541 de Pontevedra-Ourense. Ferrocarril a Pontevedra.

T. 986 755 045

É un campamento de media montaña con capacidade para 140 prazas en tendas de campaña e 48 prazas en albergue da instalación.

As instalacións non están adecuadas para a accesibilidade de persoas en cadeira de rodas ou con apoios ortopédicos (muletas, etc...), xa que a situación das tendas ou pavillóns existentes (dormitorios, aseos, multiusos) atópanse nun contorno forestal onde os accesos son de terra ou grava, con cer tas subidas e baixadas, sen aplanar. Tamén hai que ter en conta as particularidades propias do desenvolvemento das actividades xerais.

• AVENTURA NA NATUREZA

ACTIVIDADES

Aventura e natureza: supervivencia (vivac e orientación), gran xogo de aventuras, bicicleta na natureza, carreira de orientación, sendeirismo na montaña; náuticas edeportivas: piragüismo, caiac polo, campionato Pontemaril (waterpolo e deportes acuáticos, fútbol, baloncesto, salto de lonxitude, lanzamento de peso); outras: piscina, xogos pre-deportivos, circo; saída a un enclave natural da contorna.

NOTA: Para ser admitido no campamento é necesario saber nadar.

Despois do sorteo publicarase neste apartado a CARTA INFORMATIVA do campamento coas indicacións sobre a incorporación e a recollida, o equipamento persoal necesario, as normas xerais, o horario tipo e outras recomendacións.

• PEQUECHO AVENTURA

ACTIVIDADES

Aventura e natureza: supervivencia (vivac e orientación), bicicleta na natureza, carreira de orientación, sendeirismo na montaña, tarde de aventuras; náuticas e deportivas: piragüismo, caiac polo; outras: piscina, xogos pre-deportivos, circo, obradoiro de conservación do medio e reciclaxe; saída a un enclave natural da contorna.

NOTA: Para ser admitido no campamento é necesario saber nadar.

Despois do sorteo publicarase neste apartado a CARTA INFORMATIVA do campamento coas indicacións sobre a incorporación e a recollida, o equipamento persoal necesario, as normas xerais, o horario tipo e outras recomendacións.

Praia das Sinas, 36620. Vilanova de Arousa (Pontevedra).

Está situada na ría de Arousa a 4 Km de Vilagarcía de Arousa, na estrada Vilagarcía-Cambados. Autobuses e ferrocarril a Vilagarcía.

T. 986 554 081

O albergue está nunha zona turística á beira do mar con abundante arboredo, zona verde e xardín. Ten unha capacidade de 120 prazas en liteiras.

A instalación dispón dunha pista polideportiva de fútbol sala e baloncesto.

O albergue conta cun pavillón adaptado para persoas discapacitadas con problemas de mobilidade. O pavillón número 3 conta con 13 camas baixas, 1 aseo e 1 ducha adaptados e, a maiores, fóra do pavillón, nos aseos comúns existe 1 aseo e 1 ducha adaptados para nenos e igual para nenas. Non hai barreiras arquitectónicas para acceder ao comedor e ás salas de uso múltiple xa que estas teñen ramplas. En canto ás actividades xenéricas deste albergue, hai que considerar as limitacións que poden xurdir no desenvolvemento de vela, táboa, piragüismo e caiac polo.

• O MAR QUE IMAXINAS

ACTIVIDADES

Náuticas: vela, táboa, piragua, caiac polo; snorkel con seadoo scooter; surfcamp: skimboard, volei praia, shuttleball praia, paddlesurf; deportivas: Alusinas (fútbol, baloncesto, volei praia e slack-line); outras:intermareal.

NOTA: Para ser admitido no campamento é necesario saber nadar.

Despois do sorteo publicarase neste apartado a CARTA INFORMATIVAdo campamento coas indicacións sobre a incorporación e a recollida, o equipamento persoal necesario, as normas xerais, o horario tipo e outras recomendacións.