2780 A Pobra de Trives (Ourense)
Pódese chegar desde A Pobra de Trives (C-536), a 16 km da estación, ou desde a Vila de Manzaneda, a 10 Km. Desde os dous lugares accédese por estrada local de montaña.
Desde Ourense á Estación hai 90 Km. Existen medios de transporte público desde Ourense a Pobra de Trives, e de Trives á Estación en Taxi (16 Km).
En tren: a estación de Ourense está a 86 km de Manzaneda e a da Rúa a 40 Km.
T. 988 309 090

Situada na Serra de Queixa, en pleno Macizo Oriental Ourensá, goza da protección medioambiental europea que lle confire pertencer á Rede Natura, no medio dun bosque de 2.000 hectáreas onde podemos observar a vexetación (bidueiros, piñeiros, acivros, breixos, arandeiras, etc...) e a fauna autóctona (corzos, esquíos, varias especies de aves rapaces, etc...). Coa súa base a 1.500 metros de altitude e o seu cumio próximo aos 1.800 metros.

A instalación está adaptada para persoas con problemas de mobilidade.

• MANZANEDA ALTA MONTAÑA

Multiaventura: parque multiaventura con tirolinas, rocódromo, puntería (xincana con arco, frechas, ventosas e balóns);  taller de supervivencia, vivac cos elementos da natureza ao alcance, orientación,  sendeirismo,  bicicleta,   slackline; grandes xogos: Rommel e Montgomery, misión imposible e xogos predeportivos (goal-ball e kin-ball), got talent; educación medioambiental: coñecemento da contorna,  telecadeira turística: visita ao punto máis alto de Manzaneda, punto xeodésico; outras actividades: cabalos, obradoiro de camisetas, piscina,  xincana na auga, scape room e veladas.

NOTA: Para ser admitido no campamento é necesario saber nadar.

Despois do sorteo publicarase neste apartado a CARTA INFORMATIVA do campamento coas indicacións  sobre o punto de saída e recollida, o equipamento persoal necesario, as normas xerais, o horario tipo e outras recomendacións.

Complexo turístico-deportivo O Corgo

Praza de San Rosendo 1, 32880 Mugueimes (Ourense)

A-52 dirección Verín –A Gudiña, saída 129 , Estrada Nacional 525, na rotonda tomar a 2da saída na estrada Gudiña –Viana do Bolo OU 0908

T. 988 40 60 75

Este complexo está equipado cun comedor central, instalacións deportivas, zonas cubertas con pérgolas, para chuvia e sol. Ten praias fluviais con zonas verdes; duchas, campo de deportes con herba artificial; polideportivo cuberto, con alumeado; vestiarios e canchas deportivas; zonas de camiños e sendeiros e aparatos biosaudables. Dispón de zonas de lecer, de salas de ocio e obradoiros temáticos así como zonas de audiovisual. Hai vixiantes nas zonas de baños. Para a práctica deportiva, conta con barcos e piraguas.

Os exteriores do albergue están adaptados parcialmente. O interior da instalación ten rampla de acceso, baño adaptado e habitación con cama. O albergue só ten unha planta e non ten escaleiras.

• MEGALÍTICO E ARQUEOLÓXICO

ACTIVIDADES

Arqueolóxicas e megalíticas: coñecemento en profundidade do megalitismo, con actividades diarias na Aula megalítica, excursións para visitar “in situ” os dolmens ao pé do Val do Salas, rutas de sendeirismo polo Val da Morte, visitas as ruínas Romanas Aquis Querquenis, vista aos miliarios para coñecemento da súa historia e funcionalidade; de cultura popular: xogos tradicionais e interacción cos veciños do concello e aprender a facer pan en forno tradicional; medioambientais: visita a Salgueiro para avistar ás aguias reais que sobrevoan a comarca da Baixa Limia; de aventura: probas de resistencia e habilidade no circuíto permanente Gladiator Race e Olimpiadas entre os restos Arqueolóxicos do Aquis Querquennis, outras actividades: piragüísmo e piscina.

NOTA: Para ser admitido no campamento é necesario saber nadar.

Despois do sorteo publicarase neste apartado a CARTA INFORMATIVA do campamento coas indicacións sobre a incorporación e a recollida, o equipamento persoal necesario, as normas xerais, o horario tipo e outras recomendacións.

A Barra s/n, 32152 Coles

A Barra, Concello de Coles. Estrada de Ourense - Santiago de Compostela (N-525), dirección A Peroxa, a 10 km de Ourense. Sinalización en Vilarchao, como Centro de Educación Ambiental. Desde a Nacional 525 tomar o desvío de A Peroxa. En Vilarchao seguir a sinalización “Centro Equal”.

T. 988 206 353

O albergue está en pleno contorno rural de interior, no concello de Coles. Está a 1 km da Ribeira Sacra desde o municipio da Peroxa e próximo aos Peares e aos Canóns do Sil.

Está equipado con calefacción, comedor, lavandería, parking de superficie, armarios e aula de obradoiros. Ten mesa de ping-pong e piscina exterior. Nas zonas comúns hai unha biblioteca/sala de lectura, barra libre de dispensación de café, té e infusións ecolóxicas, xardín e zona de sombra para actividades ou descanso no exterior e sala de usos múltiples adaptada.

Para a práctica deportiva, próxima á instalación, hai un centro hípico, embarcadoiro e polideportivo.

A instalación consta de 2 plantas. Se ben a planta baixa permite a accesibilidade para actividades de día, a planta superior non é accesible para cadeiras de rodas ou persoas con dificultades motrices severas, xa que o acceso aos dormitorios é a través da escaleira.

• HÍPICA E TEATRO

ACTIVIDADES

Expresión corporal: teatro e danza moderna; deportivas: xogos populares, xincanas, disfraces e grandes xogos; outras actividades: hípica, obradoiros de reciclaxe e natureza, excursión á Aldea de A Barra e piscina.

NOTA: Para ser admitido no campamento é necesario saber nadar.

Despois do sorteo publicarase neste apartado a CARTA INFORMATIVA do campamento coas indicacións  sobre o punto de saída e recollida, o equipamento persoal necesario, as normas xerais, o horario tipo e outras recomendacións.

Cabeza da Vella. 32860 Entrimo (Ourense).
Situado a 70 Km de Ourense, na estrada de Entrimo-Illa Olelas. A instalación atópase a 2 Km de Entrimo, no lugar coñecido como Cabeza da Vella.
T. 988 434 779

Campamento de montaña, con abundante arboredo, zona verde e xardín. Ten unha capacidade de 100 prazas en tendas de campaña.
A instalación dispón de pista polideportiva, salón de actividades, rocódromo, anfiteatro, alpendre cuberto e enfermería.
Acceso sen barreiras arquitectónicas. Exteriores e zonas comúns de fácil acceso.

• TEATRO E AVENTURA NA NATUREZA

ACTIVIDADES
Teatro: dramatización, expresión corporal e desinhibición, obradoiros de formación (danzas do mundo, acrosport, contos ao revés), ensaios e propostas teatrais, técnicas de circo, caracterización, maxia,  malabares e equilibrio; deportivas e de aventura: deportes acuáticos ( xogos e dinámicas deportivas na piscina), deportes cooperativos (nos que se prima a colaboración sobre a competición),  rocódromo e tirolina, orientación con gps, tiro con arco, xogos activos; outras: aula de natureza, piscina, festa final; saídas e excursión.

NOTA: Para ser admitido no campamento é necesario saber nadar.

Despois do sorteo publicarase neste apartado a CARTA INFORMATIVA do campamento coas indicacións  sobre o punto de saída e recollida, o equipamento persoal necesario, as normas xerais, o horario tipo e outras recomendacións.