A V edición da Bolsa "Joana Biarnés para Jóvenes Fotoperiodistas é un premio creado en 2019, en homenaxe á primeira muller fotoperiodista do país e organizado anualmente pola Fundación Photographic. O obxectivo da Bolsa é apoiar o desenvolvemento profesional de mozos fotoperiodistas, maiores de idade e menores de 35 anos, identificados coas inquietudes e valores do mellor xornalismo visual, e propiciar que visibilicen temáticas de necesaria difusión e reflexión social, centrándose na xeografía nacional.

Un xurado experto e de recoñecido prestixio avalía as propostas recibidas e outorga ao autor/a ou equipo gañador 8.000 euros para levar a cabo a súa investigación fotoperiodística, que deberán desenvolver ao longo de nove meses. Durante ese tempo, benefícianse do asesoramento dun/a titor/a con ampla experiencia docente e profesional e tamén poderán contar con equipo fotográfico cedido por Foto Ruano Prol. O resultado final do proxecto bolseiro conta con garantía de difusión a través do soporte que resulte máis adecuado. O seu/s responsable/s tamén terán acceso ao obradoiro de xornalismo narrativo realizado pola revista especializada 5W.

Todos os autores/as finalistas obterán tamén 3 meses de subscrición gratuíta aos contidos en liña de 5W. Ademais, EFTI – Centro Internacional de Fotografía e Cinema ofrece formación valorada en 3.700 euros a repartir equitativamente entre os/as finalistas que non resulten gañadores/as.

O prazo de inscrición estará aberto ata o 27 de novembro de 2023.

Máis información
https://fundacionpsv.org/
Bases 
beca@fundacionpsv.org