Subvencións para facilitar a mobilidade xeográfica das mulleres vítimas de violencia de xénero

 

Poderán ser beneficiarias das subvencións as mulleres vítimas de violencia de xénero que:

- Acrediten a súa situación por calquera dos medios previstos no artigo 5 da Lei 11/2007, do 27 de xullo, galega para a prevención e o tratamento integral da violencia de xénero. En todo caso, a documentación acreditativa da situación de violencia de xénero debe estar emitida no prazo dos 24 meses anteriores ao cambio de residencia. Para os efectos desta resolución tamén terán a condición de vítima de violencia de xénero as mulleres que padeceran violencia vicaria ou violencia por interposita persona.

- Que cesasen a relación de convivencia co seu agresor.

- Que a media dos ingresos brutos mensuais da solicitante non supere o límite do importe de 3,5 veces o IPREM vixente nos 6 meses anteriores á data de presentación da solicitude. Unicamente se terán en conta as rendas ou ingresos de que dispoña ou poida dispoñer a solicitante da axuda, sen que se computen para estes efectos as rendas ou ingresos doutros membros da unidade familiar que convivan coa vítima.

 

Serán subvencionables:

-Gastos de desprazamento. 

-Gastos de transporte de mobiliario e enxoval.

-Gastos de aloxamento.

-Gastos de escolas infantís e de atención a persoas dependentes. 

 

Prazo ata o 30 de novembro de 2023

 

 

Secretaría Xeral da Igualdade

Teléfonos 981 54 53 61 / 981 95 72 68

Enderezo electrónico vx.igualdade@xunta.gal

Publicación: DOG 06/09/2023

Sede electrónica (sede.xunta.gal): procedemento SI451B