A Fundación "La Caixa" convoca 80 bolsas para cursar estudos de posgrao (máster, doutoramento ou investigación predoutoral) cunha duración máxima de 24 meses.
Estudos de posgrao a cursar en calquera país dentro do Espazo Europeo de Educación Superior (EEES), América do Norte (Estados Unidos e Canadá) e a rexión Asia-Pacífico (Australia, Corea do Sur, India, Xapón, Singapura e China).
A convocatoria comprende tódalas áreas de coñecemento, pero exclúense os programas de Master of Business Administration (MBA).
Os estudos son de máster, doutoramento ou proxectos predoutorais de investigación científica e técnica.
O período de inscrición está aberto ata o 1 de febreiro de 2023 ás 14:00 h da España peninsular.
Requisitos
Ter a nacionalidade española ou portuguesa.
Acreditar un nivel avanzado do idioma no que se cursarán os estudos de destino.
Dispoñer dun título de grao concedido por unha universidade española (candidatos españois) ou universidade portuguesa (candidatos portugueses). Os estudos de grao deben de finalizarse entre xaneiro de 2014 e xullo de 2023.
Máis Información