Programación de verán nos Espazos Xoves

07 Xun 2022

A Xunta de Galicia reforza a programación de actividades nos 12 Espazos Xoves dependentes da Consellería de Política Social e Xuventude durante o verán de 2022. O obxectivo é ofrecer novas alternativas de ocio educativo para a mocidade e un recurso de conciliación da vida familiar e laboral para as familias durante a época estival.

Esta programación inclúe oito obradoiros presenciais vinculados a diferentes ámbitos:

Taller de robótica - Traballando as emocións - Xadrez creativo - Improvisación teatral - Aproximación ao rap - Obradoiro científico - Redes sociais - Reciclaxe artística
Ademais, tamén haberá obradoiros de música DJ e sesións de Escape Room.

Consulta aquí todo o calendario de actividades.

DURACIÓN

Realizaranse desde a última semana de xuño e ao longo de todo xullo. De martes a venres de 11.00 a 13.00 horas, incluíndo tamén algunhas sesións en horario de tarde.

DESTINATARIOS/AS

Mocidade da contorna de cada espazo xove a partir de 12 anos.
Terán preferencia os mozos e mozas con idades comprendidas entre os 12 e os 16 anos.

INSCRICIÓN

Poderás inscribirte en tantos obradoiros como queiras, tamén se admite a inscrición a unha soa sesión dun obradoiro.
O rexistro de participantes levarase a través dos diferentes Espazos Xoves, ben por teléfono, presencialmente ou por correo electrónico.
O número de prazas de cada obradoiro oscila entre as 10 das sesións de DJ e as 25 do Escape Room. Para máis información, consulta ao teu Espazo Xove máis próximo.

Estas actividades están financiadas polo Ministerio de Igualdade, Secretaria de Estado de Igualdade e contra a Violencia de Xénero, no marco do Plan Corresponsables.

Espazos Xoves da Dirección Xeral de Xuventude, Participación e Voluntariado