Crtta.Alto do Covelo S/N

Punto de partida Ourense: tomar A52 ata Gudiña desvío 129. Seguidamente OU533 e estrada OUR-PV 2D/OU.0951 da Gudiña dirección Viana do Bolo ata alto de Covelo.

T. 669 522 709

Montañas de Trevinca é un albergue rural, ten dúas plantas e conta cunha capacidade total de 60 prazas. Dispón de 14 habitacións de tipo individual, dobre e múltiple (liteira), unha delas adaptada para persoas con mobilidade reducida. As habitacións son todas exteriores e están distribuídas en 7 dobres con baño privado e 7 múltiples con baño compartido. Na planta baixa hai unha ampla sala común destinada ao servizo de almorzo, tipo buffet.

Os accesos ás zonas comúns están adaptados parcialmente. Dispoñemos dunha habitación adaptada para persoas con mobilidade reducida, pero carece de ascensor, polo que o acceso ao salón dos almorzos sería desde o exterior.

• OS SEGREDOS DO UNIVERSO

ACTIVIDADES

Multiaventura: rutas de sendeirismo, piragüismo, paddle surf, bicicletas de auga nas praias fluviais de Os Franceses e O Coiñedo, viaxe en catamarán á Illa de Prada, fútbol praia e bolos celtas; astronómicas: observación astronómica guiada na Veiga, concello certificado cun dos mellores ceos para esta actividade, visita didáctica e experimental ao Planetario- Observatorio Astronómico; cultura e tradición: obradoiro de pan tradicional e visitas aos Museos do Liño e do Wolframio; excursión á Casa das Pedriñas e ao Centro de Transformación de Materias Primas “Mel de Trevinca” e “Faba Loba”.

NOTA: Para ser admitido no campamento é necesario saber nadar.

Despois do sorteo publicarase neste apartado a CARTA INFORMATIVA do campamento coas indicacións sobre a incorporación e a recollida, o equipamento persoal necesario, as normas xerais, o horario tipo e outras recomendacións.