Datos xerais

Lugar a Carballa, s/n, Cesullas, 15116 Cabana de Bergantiños (A Coruña).
Acceso por estrada en coche; estación de tren ou autobús próximas. Pasa un autobús diariamente a intervalos regulares con saída da estación de autobuses de Carballo.
T. 690 610 065

O albergue está situado a pé da Ría de Cabana e ten acceso ás pistas polideportivas do colexio, 2 canchas de fútbol sala, cancha de baloncesto e parque infantil.
Consta de 45 prazas para durmir, divididas en tres módulos de 15 prazas por módulo. Conta con sala común de descanso equipada con sistema de audio e vídeo, zona de ocio con ordenadores e conexión a rede WIFI, comedor e cociña totalmente equipada.

Edificio adaptado a persoas con discapacidade, con acceso a habitacións, cociña, comedor e sala de descanso. No conta con ascensor. Hai un cuarto reservada a persoas con discapacidade exclusivamente, cunha soa cama e baño con ducha totalmente adaptado dentro do cuarto.

• AVENTURAS NA PRAIA E NATUREZA

ACTIVIDADES
Deportivas:  escape Room,  xogos na praia,  xogos náuticos,  paddel surf, descenso do Anllóns en caiac, tiro con arco e xogos na area; excursións: Museo do Xogo Tradicional (Melga), cascada da Saimia, saída polo Rego dos Muiños ata o Castro de Borneiro e polo Dolmen de Dombate (teatralizada); ambientais: coñecemento  da riqueza da flora e fauna do Esteiro; outras actividades: xogos populares no entorno do Río Anllóns

NOTA: Para ser admitido no campamento é necesario saber nadar.

Despois do sorteo publicarase neste apartado a CARTA INFORMATIVA do campamento coas indicacións  sobre a incorporación e a recollida, o equipamento persoal necesario, as normas xerais, o horario tipo e outras recomendacións.