O Consello Superior de Investigacións Científicas convoca proceso selectivo para a formalización de 140 contratos para persoal técnico con destino en distintos institutos, centros e unidades do CSIC, mediante a modalidade de contrato en prácticas, para a promoción do emprego novo e implantación da Garantía Xuvenil.

Está dirixido á mocidade non ocupada e que non curse estudos nin formación, inscrita en Garantía Xuvenil

A distribución de prazas é a seguinte:

Grupo Profesional I:  29 Titulado/a Superior de Xestión e Servizos Comúns e 27 Titulado/a Superior de Actividades Técnicas e Profesionais.
Grupo Profesional III:  65 Técnico/a Superior de Xestión e Servizos Comúns e 19 Técnico/a Superior de Actividades Técnicas e Profesionais.

O proceso selectivo realizarase mediante concurso, valorándose: expediente académico, formación complementaria e coñecementos de inglés.

Os contratos terán unha duración de dous anos.

As solicitudes deben realizarse na aplicación electrónica habilitada para o efecto na páxina web do CSIC. Así mesmo, será necesario  escanear a documentación susceptible de valoración e introducila no apartado correspondente a través da páxina web mencionada.

Pódese optar, como máximo, a tres contratos de todos os ofertados que correspondan como máximo a dúas Comunidades Autónomas.

Prazo de solicitudes: ata o 29 de xullo de 2020.

Dotación: A retribución anual bruta a percibir por cada Grupo Profesional será de: Grupo Profesional I: 21.758,10€ e Grupo Profesional III: 14.092,16€

https://sede.csic.gob.es/servicios/formacion-y-empleo/convocatorias-personal/-/convocatoria/37679