Lingua de namorar 2020

13 Feb 2020

Lingua de namorar é un concurso en liña de mensaxes de amor en lingua galega dirixido a todos os mozos e mozas de 14 a 35 anos.

O obxectivo principal de Lingua de namorar, organizado pola Dirección Xeral de Xuventude, Participación e Voluntariado e mais pola Secretaría Xeral de Política Lingüística, é dinamizar o uso da lingua galega entre os mozos e mozas nas súas relacións persoais e nas novas tecnoloxías, nomeadamente, na Internet e na mensaxería instantánea.

Para participar no concurso, só tes que premer no botón “Envía as túas mensaxes” e cubrir o formulario. Ademais da mensaxe ou mensaxes, cómpre indicar os datos persoais e de contacto.

 

Características das mensaxes

 

Cada participante poderá enviar un máximo de dúas mensaxes ao concurso Lingua de namorar (extensión máxima de 350 caracteres para cada mensaxe). Estas mensaxes deberán estar escritas en lingua galega e poderán redactarse en prosa ou en verso.

 

Categorías de idade e premios

 

Establécense tres premios por cada unha das categorías de idade:

  • 1° Bicicleta pregable NILOX X2 Plus Motor 250w Roda 16” Autonomía 25 Km
  • 2° Tablet LENOVO ZA470057SE. 10,1” - 2/32 XB – Cámaras frontal e traseira
  • 3° Cámara deportiva SUNSTECH Adrenaline. Vídeo 4K/30FPS. 16 Mp wi-fi 

 

Prazos de participación e votación

 

O prazo para enviar as mensaxes remata o luns 9 de marzo.

Do 10 ao 13 de marzo abrirase o período de votación. As persoas que desexen votar polas súas mensaxes favoritas deberán cubrir o formulario que se habilitará para o efecto, no que deberán indicar o número e o título das mensaxes seleccionadas.

 

NOVO AVISO: Xurado e resolución

 

As bases do concurso Lingua de namorar 2020 establecen que o xurado se reuniría tras as votacións do público e que as mensaxes gañadoras se poderían consultar nesta páxina a partir do 23 de marzo. Non obstante, dado o estado de alarma decretado a causa do coronavirus COVID-19, a xuntanza do xurado e a posterior publicación do veredicto deben ser aprazadas ata que a situación o permita. 

 

Entrega de premios

 

No mes de abril terá lugar a entrega de premios do concurso.


bases vota-mensaxes


categoriaA categoriaB