Convócase un programa formativo no eido musical a través de clases maxistrais para a interpretación de instrumentos de teclado, cubrindo períodos históricos moi amplos dende a música renacentista, medieval, barroca, clásica, contemporánea, tradicional, jazz ou moderna.
Trátase dunha actividade formativa que reforzará as sinerxias entre a cultura galega e portuguesa e permitirá descubrir o patrimonio cultural das dúas ribeiras do río Miño entre Galicia e Portugal.
Con estas clases maxistrais créase un espazo onde a persoa música, ademais de enriquecerse individualmente como intérprete recibindo clases do seu instrumento, amplía a súa visión global da música aprendendo o resto dos estilos musicais e instrumentos que están intrinsicamente ligados ao seu.
Esta iniciativa formativa desenvolverase no IKFEM (“International Keyboard Festival & Masterclass da Eurocidade Tui – Valença) no marco do proxecto “Catalizador de oportunidades de emprego e emprendemento xove transfronteirizo” (acrónimo LIDERA).
DESTINATARIOS:
Mozos e mozas galegos/as e portugueses con idades comprendidas entre 16 e 30 anos:
A) No caso de piano clásico, piano jazz, acordeón, cravo e órgano:
- Con titulación ou estudando nun centro oficial de música
- Con experiencia en interpretación de instrumentos de teclado.
B) No caso de zanfona e canto:
- Con coñecementos musicais.
- Con experiencia en interpretación de instrumentos de teclado.
LUGARES DE REALIZACIÓN:
Tui e Valença do Minho
DATAS:
Do 17 ao 21 de xullo de 2019 en horario de mañá e tarde.
O/a mozo/a participante deberá incorporarse á actividade o 17 de xullo ás 9.00 horas no Espazo Xove de Tui (r/ Sanz, 28, 36700 Tui).
PRAZAS:
50 para mozos e mozas activos/as, 10 por especialidade, agás órgano e cravo que contarán con 5 prazas respectivamente.
COBERTURA:
Os gastos de aloxamento, manutención e transporte correrán a cargo do/a mozo/a participante nas actividades.
ACTIVIDADES:
- En horario de mañá: sesións formativas individuais de instrumentos.
- En horario de tarde: sesións grupais nas que cada día cada mozo/a participante asistirá a unha clase por especialidade para aprender de forma global.
Esta iniciativa formativa musical completarase con actividades paralelas adicadas á composición, un obradoiro sobre música mecánica e fonografía, a proxeción dun documental sobre Enrique Granados, prácticas de combo e concertos de estudantes xunto á programación de concertos do IKFEM.
1. Master classes de instrumento
Piano clásico
10 participantes
Profesor: Maurizio Moretti
Piano Jazz
10 participantes
Profesor: Abe Rábade
Acordeón
10 participantes
Profesor: Víctor Prieto
Zanfona
10 participantes
Profesor: Germán Díaz
Canto
10 participantes
Profesor: Luis Mª Pacetti
Asistente: Lourdes Leiva
Pianista acompañante: Daniel Pereira
Cravo
5 participantes
Profesor: Daniel Oyarzábal
Órgano
5 participantes
Profesor: Daniel Oyarzábal
2. Obradoiros
Documental
O amor e a morte. Historia de Enrique Granados.
Profesora: Rosa Torres Pardo
Composición
Sinfonismo galego dos séculos XX e XXI.
Profesor: Juan Durán
Obradorio de zanfona e instrumentos mecánicos
Os participantes aprenden a perforar unha melodía en cartóns para despois tocala cun instrumento mecánico.
Profesor: Germán Díaz
3. Concertos dos participantes.
Os/as mellores participantes elixidos/as polos/as profesores/as actuarán en tres concertos e terán a oportunidade de tocar conxuntamente nun combo de jazz con batería e contrabaixo.
PRAZO DE INSCRICIÓN:
Do 25 de xuño ao 10 de xullo de 2019.
INSCRICIÓN:
Mediante o envío de formulario electrónico.
ADMISIÓN:
Criterios de selección:
A) Piano clásico, piano jazz, acordeón, cravo e órgano:
1º) Mozos e mozas con idades entre 18 e 30 anos con titulación ou estudando nun centro oficial de música, por rigorosa orde de inscrición.
2º) Mozos e mozas con idades entre 18 e 30 anos con experiencia en interpretación de instrumentos de teclado.
3º) Mozos e mozas con idades entre 16 e 17 anos con titulación ou estudando nun centro oficial de música, por rigorosa orde de inscrición.
4º) Mozos e mozas con idades entre 18 e 30 anos con experiencia en interpretación de instrumentos de teclado.
B) Zanfona e canto:
1º) Mozos e mozas con idades entre 18 e 30 anos con experiencia en interpretación de instrumentos de teclado.
2º) Mozos e mozas con idades entre 18 e 30 anos con coñecementos musicais, por rigorosa orde de inscrición.
3º) Mozos e mozas con idades entre 18 e 17 anos con experiencia en interpretación de instrumentos de teclado.
4º) Mozos e mozas con idades entre 16 e 17 anos con coñecementos musicais, por rigorosa orde de inscrición.
Os/as solicitantes seleccionados/as recibirán un correo electrónico de confirmación da praza. Unha vez finalizado o prazo de inscrición, de non recibir comunicación nos cinco días hábiles seguintes, entenderase que non obtivo praza.
PROXECTO LIDERA
Esta actividade enmárcase no proxecto “Catalizador de oportunidades de emprego e emprendemento xove transfronteirizo” (acrónimo LIDERA), aprobado ao abeiro do programa Interreg V A España Portugal 2014-2020 (POCTEP) e que ten como obxectivo promover o desenvolvemento económico transfronteirizo a través das capacidades laborais e de emprendemento dos mozos e mozas do territorio. Conta cun orzamento de 1.428.692,93 euros cunha financiación dun 75 % de fondos Feder e unha duración de catro anos (2016-2019).
Son socios do proxecto: a Dirección Xeral de Xuventude, Participación e Voluntariado, a Fundación Galicia Europa, a Cámara Oficial de Comercio, Industria, Servicios e Navegación de Santiago de Compostela, o Instituto Português do Desporto e da Juventude (IPDJ), a Federación Nacional de Asociaciones Juveniles Portuguesas (FNAJ) e a Comunidade Intermunicipal do Ave.
Esta iniciativa formativa forma parte da actividade “Cataliza” que ten como obxectivo mellorar, potenciar e impulsar a viabilidade dos proxectos e ideas da xuventude mediante a realización de actividades de tutorización e asesoramento individualizado, formación especializada e coaching persoal.
MÁIS INFORMACIÓN
Teléfono: 638359028
Correo electrónico: masterclass@ikfem.com