XV Mostra de Teatro Concello de Sada. Premios Lugrís Freire

11 Abr 2019

O Concello de Sada organiza a XV Mostra de Teatro Concello de Sada. Premios Lugrís Freire.

Poderán concursar grupos de teatro afeccionados, presentando a concurso o número de obras que desexen, das cales só poderá ser seleccionada unha.
As obras poderán ser representadas en calquera idioma, sempre e cando sexa aceptado pola comisión de selección.
Poderán participar as compañías interesadas, independentemente da súa procedencia ou da súa participación en edicións previas desta Mostra.
Non se aceptarán a concurso obras xa escollidas e representadas en edicións anteriores deste certame.
Será por conta dos grupos participantes a autorización do autor da obra. Os dereitos de representación das obras correrán a cargo do Concello de Sada como organizador.

Premios:
- Premio de 800 € para as compañías seleccionadas para a fase de representacións da Mostra.
- Premio de 400 € ao mellor espectáculo para o xurado en base a criterios artísticos de calidade do texto escollido/creado, posta en escena, calidade das actuacións, escenografía, vestiario, uso do espacio escénico, proposta artística de iluminación e son.
- Premio de 400 € ao mellor espectáculo para o público, mediante a puntuación media acadada na votación directa que se organizará despois de cada función.
- Recoñecemento do xurado á mellor actriz e ao mellor actor. Valorarase a expresión corporal, a proxección da voz e a dicción, o traballo de construción das personaxes, a coherencia da emoción que motiva a acción dos actores/actrices ó servizo das necesidades da historia que conta a obra. O premio será recoñecido con diploma e coa estatuíña oficial dos
“Premios Lugrís Freire”.

O prazo límite de inscrición e entrega da documentación conclúe o 13 de maio de 2019.
Máis información no BOP da Coruña do 11 de abril de 2019