Dirección Xeral de Xuventude, Participación e Voluntariado

600X600

Oferta de campos de voluntariado en Galicia, 2022

A CORUÑA:

Código	Campo	Localidade	Provincia	Dende/Ata	Idade	Prazas	Ficha	Descrición
150001	Ali, Xaz	Ponteceso	A Coruña	28/08/2022 08/09/2022	18-30	15		Campo medioambiental e etnográfico que se desenvolverá na aldea do Couto (Ponteceso). Colaboraráse nas actividades do programa cultural Encrucilladas, da Fundación Eduardo Pondal e na organización das actividades da veciñanza da A.C. Monte Branco, do Couto. Ademais, investigaranse os elementos etnográficos da vila do Couto, colección de patrimonio oral, etc.
150002	Luces de Boimorto	Boimorto	A Coruña	18/08/2022 29/08/2022	18-30	15		Campo de tematica festival e medioambiental no cal se traballará no acondicionamento e conservación de bens de natureza cultural e no acondicionamento do camiño de acceso o Castro de Algalia, limpeza de maleza e broza, recollida de lixo, sinalización do xacemento, etc. Ademais colaborarase coa organización do Festival de la Luz tanto nos días previos como durante o propio festival.
150003	Lembrado a nosa pegada	Serra de Outes	A Coruña	15/07/2022 26/07/2022	18-30	15		Campo medioambiental que buscará a posta en valor das áreas onde se atopan os Gliptógrifos de Carballa da Cova: sinalización, limpeza de vexetación, visualización da ruta natural coas novas tecnoloxías, dinamización dos petróglifos e Ruta nocturna para contemplar e ver os petróglifos.
150004	Arboretum	Mesía	A Coruña	17/08/2022 28/08/2022	18-30	15		Campo de natureza social e medioambienta centrado en deseñar e executar a plantación dun Bosque Comestible, no alto do Arboretum con identificación das distintas especies de árbores e plantas que se atopan e coñecer os distintos usos que se lle pode dar ás mesmas.
150005	Vilarbó	As Pontes	A Coruña	15/07/2022 26/07/2022	18-30	15		Campo de temática medioambiental. O obxectivo deste campo de voluntariado é a conservación e a recuperación dos bosques que se encontran xunto ao río Eume e a divulgación dos bosques atlánticos para que xeracións futuras poidan gozar dunha paisaxe e dunha riqueza de biodiversidade, polo menos, tan boa ou mellor que a que nós recollemos.
150006	Dunas de Corrubedo	Ribeira	A Coruña	06/08/2022 17/08/2022	18-30	15		O traballo será ambiental e consistirá en labores de mantemento dos espazos naturais, na reconstrución e consolidación de sendeiros, eliminación de especies alóctonas, vixilancia de incendios, entre outras.
150007	O batán de Mezonzo	Vilasantar	A Coruña	17/08/2022 28/08/2022	18-30	15		Campo patrimonial e medioambiental no cal se traballará na recuperación, limpeza e acondicionamento do sendeiro que leva o batán, máis na restauracion de elementos de madeira propios deste vello artefacto.
150008	Castro de Lupario	Rois	A Coruña	06/08/2022 17/08/2022	18-30	15		Campo de temática arqueolóxica. Traballarase na limpeza e acondicionamento das estruturas arqueolóxicas do xacemento. Faranse traballos de rexistro e catalogación patrimonial, e divulgación dos traballos realizados.
150009	Castro de Montes Claros	A Laracha	A Coruña	26/07/2022 06/08/2022	18-30	15		O proxecto arqueolóxico basease en continuar a limpeza da zona do Castro Montesclaros limpando o sistema defensivo do primeiro recinto superior. Asemade terá un contido medioambiental, de recuperación do entorno natural e paisaxístico, participando en traballos de localización e limpeza de afloramentos rochosos e gravados rupestres da croa do castro, dándolles a coñecer o rico folclore galego e a xeografía mítica das lendas da prehistoria.
150010	Unindo Roteiros	Vedra	A Coruña	15/07/2022 26/07/2022	18-30	15		Campo medioambienta no que se traballará na creación dun novo sendeiro que unirá a ruta de Pescadores, dende a aldea de Donas en Boqueixón, ata o Miradoiro de Gundián, en Vedra. (3 qm aproximadamente), enlazando aquí coa ruta de San Xoán da Cova.
150011	Amicos	Boiro	A Coruña	04/07/2022 15/07/2022	18-30	15		Campo de temática medioambiental e social que ten a intención de fomentar entre a mocidade os valores da solidariedade e o compromiso coa comunidade, especialmente, coas persoas que se atopan nunha situación de especial vulnerabilidade ou desprotección
150012	Monte da Espenuca	Coirós	A Coruña	17/08/2022 28/08/2022	18-30	15		Un campo de voluntariado medioambiental onde se traballará na eliminación especies exóticas invasoras; Limpeza de maleza, corta de especies alóctonas e protección das autóctonas; Limpeza e acondicionamento de camiños e estruturas tradicionais; Intervención didáctica cos nenos do campamento urbano de Coirós

LUGO:

Código	Campo	Localidade	Provincia	Dende/Ata	Idade	Prazas	Ficha	Descrición
270001	Friulio	Friol	Lugo	28/08/2022 08/09/2022	18-30	15		Campo etnográfico e medioambiental para a mellora do castro de Friulio axudando na restauración e consolidación de diversas estructuras (tellados vexetais das pallozas, fornos, etc). Así como no Dolmen da Moruxosa e os seus accesos.
270002	Da auga e da pedra	Guitiriz	Lugo	01/08/2022 12/08/2022	18-30	15		Campo de voluntariado medioambiental e festival no que se apoiará á organización e loxística da Feira e festival de Pardiñas: acondicionamento dos lugares de celebración, montaxe de estruturas, sensibilización ambiental dos participantes nos eventos, recollida de refugallos; Traballos de mantemento do Lavadoiro de Forxá; Mantemento da ruta de sendeirismo PRG-99 "A ruta da auga"
270003	Xuventude e Camiño, Palas	Palas de Rei	Lugo	04/07/2022 15/07/2022	18-30	15		Campo de temática dinamizadora onde os e as voluntarias do Camiño no seu percorrido diario en bici darán información sobre o Camiño, etapas, etc., apoio e ánimo. Acometeranse tamén accións de acondicionamento de sendeiros no contorno do Camiño e na área do albergue de peregrinos dos Chacotes, faranse actuacións dinamizadoras.
270004	Castro e romeria de San Lourenzo	A Pobra do Brollón	Lugo	01/08/2022 12/08/2022	18-30	15		Campo arqueolóxico nun contexto comunitario. Os traballos deste 2021 centraranse na escavación dunha zona de tumbas medievais polo que os participantes terán acceso a unha arqueoloxía moi de detalle e a coñecer dende dentro todo o proceso arquelóxico. Fóra do xacemento os participantes atoparán actividades musicais e festivas buscando a creación de vínculos coa Comunidade.
270005	Castro de Vilamor	O Courel	Lugo	15/07/2022 26/07/2022	18-30	15		Traballo arqueolóxico. No Castro de Vilamor atopámonos ante un poboado concibido no século I d.C., onde se realizarán tarefas de desbroce e limpeza ; acondicionamento do camiño de acceso ao Castro; dinamización do Xeoparque, ...
270006	Fervenza da Pedriña	Quiroga	Lugo	28/08/2022 08/09/2022	18-30	15		Traballo medioambiental no entorno da fervenza da Pedriña para crear unha zona de baño natural. Crearase un novo roteiro que una a fervenza do Pombar coa da Pedriña.
270007	Abadía de San Clodio	Ribas de Sil	Lugo	12/08/2022 23/08/2022	18-30	15		Os traballos na Abadía de San Clodio serán de desbroce e limpeza da fachada. Tamén se fará un traballo de investigación mediante recopilación, búsqueda de fontes orais e búsqueda de información sobre o pasado da abadía para poñer en valor a súa historia.
270008	Xuventude e Camiño, Baleira	Baleira	Lugo	15/07/2022 26/07/2022	18-30	15		Campo de temática dinamizadora no que o voluntariado participante no seu percorrido diario en bici, darán información sobre o Camiño, etapas, etc., apoio e ánimo. Faranse tamén actuacións dinamizadoras mediante charlas, coloquios, obradoiros ...
270009	Castro de Viladonga	Castro de Rei	Lugo	01/07/2022 12/07/2022	18-30	15		Campo arqueolóxico no que se realizán traballos, en estreita colaboración co equipo arqueolóxico do castro, de limpeza e consolidación das súas estruturas arqueolóxicas.

OURENSE:

Código	Campo	Localidade	Provincia	Dende/Ata	Idade	Prazas	Ficha	Descrición
320001	Parque natural do Xurés	Muiños	Ourense	17/08/2022 28/08/2022	18-30	15		Campo medioambiental onde, entre outros traballos, se construirán barreiras antierosivas empregando restos de madeira dos montes queimados para frear a erosión do solo, rexeneración destes montes queimados. Recuperaremos a superficie vexetal espallando sementes co método Nendo Dango. Construción de refuxios e comedeiros para aves...
320002	Glaciar do Cenza	Vilariño de Conso	Ourense	15/07/2022 26/07/2022	18-30	15		A proposta de traballo deste campo medioambientalvai encamiñada á conservación do medio, difusión e posta en valor dos recursos etnográficos e patrimoniais dos que existe unha ampla representación no concello de Vilariño de Conso.
320003	Saberes de onte e de sempre	Bande	Ourense	26/07/2022 06/08/2022	18-30	15		Campo etnográfico a través de entrevistas con xentes da localidade para recoller testemuñas sobre etnografía e cultura local e con el elaborar un material audiovisual.
320004	Esgos	Esgos	Ourense	10/08/2021 21/08/2021	18-30	15		É un campo de voluntariado etnográfico que porá ás persoas voluntarias en contacto coa "Ribeira Sacra ourensá", baseada no coñecemento da historia de Esgos en particular e de Galicia en xeral. Un aspecto importante neste campo de voluntariado será a recompilación fotográfica do pasado de Esgos, contos e lendas aínda vivas contadas polas nosas avoas e avós.
320005	Castelo de Monterrei	Monterrei	Ourense	30/07/2022 10/08/2022	18-30	15		Campo arqueolóxico que intervirá na cara norte da acrópole do castelo, na zona axardinada e nunha zona intermedia entre a muralla do Terceiro Recinto e o Paseo. Ademais, traballarase na creación dun xogo de realidade estendida sobre o Castelo e a súa contorna para a difusión turística do castelo así como da necrópole.
320006	O Pereiro é natureza	O Pereiro de Aguiar	Ourense	26/07/2022 06/08/2022	18-30	15		Campo de temática medioambiental onde se realizarán un inventariado de biodiversidade, se catalogarán espazos naturais do Pereiro, farase unha sondaxe de fauna mediante a mostraxe de rastros e fototrampeo de mamíferos medianos para visibilizar os recursos turísticoambientais, deseño de roteiros, etc.
320007	Do audiovisual galego	Celanova	Ourense	04/07/2022 15/07/2022	18-30	15		Campo de temática audiovisual no que se abordará aspectos da produción, rodaxe, postprodución, montaxe e proxección dunha película. Durante esta actividade, as persoas voluntarias participarán nos diferentes obradoiros das disciplinas que se conxugan para a elaboración dun spot para o Concello.
320008	Castrillón	Larouco	Ourense	04/07/2022 15/07/2022	18-30	15		Campo medioambiental e arqueolóxico no que se realizarán, entre outras tarefas, sondaxes arqueolóxicas na contorna do xacemento do Castrillón; Colocación de caixas-niño; Limpeza manual da zona do xacemento; Estudo da fauna e flora da contorna
320009	Bosque pintado da Cántara da Moura	A Veiga	Ourense	28/08/2022 08/09/2022	18-30	15		Campo cultural e medioambiental para crear un roteiro cultural: O Bosque Pintado da Cántara da Moura.

PONTEVEDRA:

Código	Campo	Localidade	Provincia	Dende/Ata	Idade	Prazas	Ficha	Descrición
360001	Illa de San Simón	Redondela	Pontevedra	01/08/2022 12/08/2022	18-30	15		Campo cultural e patrimonial. Organizaránse visitas interpretativas e teatralizadas ás illas de San Simón e San Antón; catalogación especies vexetais e conxuntos escultóricos das illas, realización e instalación de carteis formato QR; catalogación do fondo bibliográfico da illa; apoio ás actividades culturais desenvolvidas nas instalacións; información aos visitantes do espazo.
360002	Tradición en verde	Lalin	Pontevedra	01/08/2022 12/08/2022	18-30	15		Campo de temática arqueolóxica, etnográfica e medioambiental que persegue como obxectivos, por un lado, a participación na VII Campaña de Consolidación de Castro de Doade; e, por outra, a divulgación da cultura e o patrimonio galego a través de varias actuacións no Museo Etnográfico "Casa do Patrón" e o seu contorno: elaboración de material informativo, acondicionamento da área recreativa e sinalización da Ruta dos Muíños e da Ruta do Castro de Doade.
360003	Aldea Alfacuca	Mos	Pontevedra	26/07/2022 06/08/2022	18-30	15		Campo medioambiental e social. Como actividade principal traballarase no deseño e na plantación dun bosque comestible, dunha horata biointensiva e un xardín sensorial (plantas, árbores froiteiras, etc).
360004	O Camiño Portugues pola costa	Oia	Pontevedra	17/08/2022 28/08/2022	18-30	15		Campo arqueolóxico no que se profundizará na prospección e inventario do patrimonio do Camiño portugués; fotografía e xeolocalización; análise, definición e realización de fichas con códigos QR e modelos 3D dos elementos inventariados.
360005	Soutomaior fai Camiño	Soutomaior	Pontevedra	15/07/2022 26/07/2022	18-30	15		Traballarase no desenvolvemento do traballo de dinamización artística e cultural a través de obradoiros de formación ambiental (ODS), de formación social (dinamización social), de formación histórica (Xacobeo e patrimonio galego), de formación publicitaria (comunicación e marketing dixital). Creación do BLOG. - “Plogging”. Estableceranse tamén puntos de información e de apoio a peregrinas/os.
360006	Salvemos o mar	Vilanova de Arousa	Pontevedra	04/07/2022 15/07/2022	18-30	15		Campo de temática medioambiental e mariño que se centrará na recuperación ambiental da costa dende a praia das Sinas ata o porto de Vilanova de Arousa, pasando pola praia do Bao, a praia da Braña, a illa da Insuíña, a área de bateas de Vilanova.
360007	A terra que habita no mar	O Grove	Pontevedra	15/09/2022 26/09/2022	18-30	15		Campo de temática medioambiental que tratará de poñer en valor o concello do Grove a través de traballos de limpeza e extracción de especies invasoras, da recuperación de estruturas de observación ornitolóxica, deseño e colocación de carteis interpretativos nas zonas de actuación, etc
360008	A idade do bronce	Campo Lameiro	Pontevedra	15/07/2022 26/07/2022	18-30	15		As tarefas deste campo arqueolóxico son a colaboración na limpeza dos petróglifos e o seu contorno máis próximo, no mantemento dun pequeno poboado réplica da idade de bronce e na divulgación do Parque Arqueolóxico de Arte Rupestre (www.paar.es).
360009	Rural influencers	Cerdedo-Cotobade	Pontevedra	18/08/2022 29/08/2022	18-30	15		Campo de voluntariado que, a través de obradoiros de formación etnográfica (cultural e popular), de formación audiovisual (fotografía dixital, edición, guión, videocreación), de formación publicitaria (comunicación e marketing dixital), de investigación do Camiño na Ruta Mariana Luso Galaica, de teatro e performances de rúa, as persoas voluntarias adentraranse no mundo da dinamización. Ademais, participarase en foros de comunicación coas/cos avoas/avós de Cerdedo-Cotobade.
360010	Centinelas do mar	Sanxenxo	Pontevedra	06/08/2022 17/08/2022	18-30	15		Campo medioambientar de localización de residuos no mar e recollida dos mesmos en embarcacións tipo kaiak e SUP.
360011	Ruta de Palacios	O Porriño	Pontevedra	26/07/2022 06/08/2022	18-30	15		Campo de traballo cultural para dar a coñecer a obra do arquitecto Antonio Palacios (O Porriño, 1874 – Madrid, 1945), un dos arquitectos máis recoñecidos do século XX mediante a elaboración de materiais que den sustento a esa finalidade.
360012	Illas Cíes I	Vigo	Pontevedra	01/07/2022 12/07/2022	18-30	15		O traballo será medioambiental e consistirá en labores de mantemento da illa, vixilancia de incendios, labores de información e sensibilización do visitante e intervencións puntuais de mellora no parque en colaboración cos traballadores do servizo de medio ambiente. Limpeza da illa sur (única illa non comunicada por barco de viaxeiros). (Esta actividade depende do parque, non se poderá realizar en todas as quendas).
360013	Illas Cíes II	Vigo	Pontevedra	15/07/2022 26/07/2022	18-30	15 (*)
360014	Illas Cíes III	Vigo	Pontevedra	01/08/2022 12/08/2022	18-30	15
360015	Illas Cíes IV	Vigo	Pontevedra	17/08/2022 28/08/2022	18-30	15

(*) 2 prazas reservadas para persoas con discapacidade