Oferta de campos de voluntariado en Galicia, 2020

(Este formulario ábrese ás 16h do día 25 de xuño)

A CORUÑA:

Código	Campo	Localidade	Provincia	Dende/Ata	Idade	Prazas	Ficha	Descrición
150001	Encaixe no Camiño	Camariñas	A Coruña	20/07/2020 31/07/2020	18-30	12		Campo de temática medioambiental e cultural no que se colaborará coa organización dunha celebración, como é a do Encaixe no Camiño. No ámbito da conservación actuarase en tarefas de coidado, sinalización e limpeza dos roteiros da zona e a súa dinamización.
150002	Alí, Xaz	Ponteceso	A Coruña	27/08/2020 07/09/2020	18-30	12		Campo medioambiental e etnográfico que se desenvolverá na aldea do Couto (Ponteceso). Colaboraráse nas actividades do programa cultural Encrucilladas, da Fundación Eduardo Pondal e na organización das actividades da veciñanza da A.C. Monte Branco, do Couto. Ademais, investigaranse os elementos etnográficos da vila do Couto, colección de patrimonio oral, etc.
150003	Lembrando a nosa pegada	Outes	A Coruña	02/08/2020 13/08/2020	18-30	12		Campo medioambiental que buscará a posta en valor das áreas onde se atopan os Gliptógrifos de Carballa da Cova: xinalización, limpeza de vexetación, visualización da ruta natural coas novas tecnoloxías, dinamización dos petróglifos e Ruta nocturna para contemplar e ver os petróglifos.
150004	Amicos	Boiro	A Coruña	15/07/2020 26/07/2020	18-30	12		Campo de temática medioambiental e social que ten a intención de fomentar entre a mocidade os valores da solidariedade e o compromiso coa comunidade, especialmente, coas persoas que se atopan nunha situación de especial vulnerabilidade ou desprotección
150005	Dunas de Corrubedo	Ribeira	A Coruña	13/08/2020 24/08/2020	18-30	12		O traballo será ambiental e consistirá en labores de mantemento dos espazos naturais, na reconstrución e consolidación de sendeiros, eliminación de especies alóctonas, vixilancia de incendios, entre outras.
150006	Vilarbó	As Pontes	A Coruña	19/07/2020 30/07/2020	18-30	12		Campo de temática medioambiental. O obxectivo deste campo de voluntariado é a conservación e a recuperación dos bosques que se encontran xunto ao río Eume e a divulgación dos bosques atlánticos para que xeracións futuras poidan gozar dunha paisaxe e dunha riqueza de biodiversidade, polo menos, tan boa ou mellor que a que nós recollemos.
150007	Castro de Lupario	Rois	A Coruña	31/07/2020 11/08/2020	18-30	12		Campo de temática arqueolóxica. Traballarase na limpeza e acondicionamento das estruturas arqueolóxicas do xacemento. Faranse traballos de rexistro e catalogación patrimonial, e divulgación dos traballos realizados.
150008	A Ciadella	Sobrado dos Monxes	A Coruña	19/07/2020 30/07/2020	18-30	12		Campo de modalidade arqueoloxía no que se traballará no acondicionamento e limpeza das estruturas arqueolóxicas do xacemento. Faremos tamén traballos de catalogación e dinamización de todo o descuberto.

LUGO:

Código	Campo	Localidade	Provincia	Dende/Ata	Idade	Prazas	Ficha	Descrición
270001	Alejandrina Álvarez	Ribas de Sil	Lugo	27/08/2020 07/09/2020	18-30	12		A actividade principal deste campo de voluntariado de caracter arqueolóxico, centrarase na limpeza dos restos da Capela de San Antonio. Paralelamente a esta actividade, catalogaranse os obxectos atopados durante os traballos. Esta capela foi descuberta en 2018 por un grupo de mozos e mozas interesadas no patrimonio local. Foi grazas a unha conversación con Alejandrina Álvarez, unha muller de 104 anos que desgraciadamente faleceu semanas despois.
270002	Castro e romeria de San Lourenzo	A Pobra do Brollón	Lugo	02/08/2020 13/08/2020	18-30	12		Campo arqueolóxico nun contexto comunitario. Os traballos deste 2020 centraranse na escavación dunha zona de tumbas medievais polo que os participantes terán acceso a unha arqueoloxía moi de detalle e a coñecer dende dentro todo o proceso arquelóxico. Fóra do xacemento os participantes atoparán actividades moi musicais e festivas buscando a creación de vínculos coa Comunidade.
270003	Os Campos do Camiño	Palas de Rei	Lugo	15/07/2020 26/07/2020	18-30	12		Campo de temática dinamizadora onde os e as voluntarias do Camiño no seu percorrido diario en bici darán información sobre o Camiño, etapas, etc., apoio e ánimo. Acometeranse tamén accións de acondicionamento de sendeiros no contorno do Camiño e na área do albergue de peregrinos dos Chacotes, faranse actuacións dinamizadoras.
270004	Castro de Viladonga	Castro de Rei	Lugo	13/08/2020 24/08/2020	18-30	12		Campo arqueolóxico no que se realizán traballos, en estreita colaboración co equipo arqueolóxico do castro, de limpeza e consolidación das súas estruturas arqueolóxicas.
270005	Castro de Pena Dominga	Quiroga	Lugo	16/07/2020 27/07/2020	18-30	12		Campo medioambiental onde se traballará na limpeza e acondicionamento do acceso ao castro, sinalización e dinamización da ruta, na creación dunha páxina web e unha ruta virtual onde se mostrará a cartografía, a planimetría e o perfil da ruta. Códigos QR xeolocalizados con información sobre a flora, a fauna e os puntos de interese, etc.
270006	Os Campos do Camiño	Triacastela	Lugo	29/07/2020 09/08/2020	18-30	12		Campo de temática dinamizadora no que o voluntariado participante no seu percorrido diario en bici, darán información sobre o Camiño, etapas, etc., apoio e ánimo. Na área do albergue de peregrinos de Triacastela, faranse tamén actuacións dinamizadoras mediante charlas, coloquios, obradoiros ...

OURENSE:

Código	Campo	Localidade	Provincia	Dende/Ata	Idade	Prazas	Ficha	Descrición
320001	O noso rural, a nosa istoria	Ribadavia	Ourense	20/08/2020 31/08/2020	18-30	12		Campo de temática cultura e festival que apoiará o proceso de organización da Festa da Istoria
320002	Parque natural do Xurés	Muiños	Ourense	17/08/2020 28/08/2020	18-30	12		Campo medioambiental onde, entre outros traballos, se construirán barreiras antierosivas empregando restos de madeira dos montes queimados para frear a erosión do solo, rexeneración destes montes queimados. Recuperaremos a superficie vexetal espallando sementes co método Nendo Dango. Construción de refuxios e comedeiros para aves...
320003	O Pereiro	O Pereiro de Aguiar	Ourense	27/07/2020 07/08/2020	18-30	12		Campo de temática medioambiental onde se realizarán un inventariado de biodiversidade, se catalogarán espazos naturais do Pereiro, farase unha sondaxe de fauna mediante a mostraxe de rastros e fototrampeo de mamíferos medianos para visibilizar os recursos turísticoambientais, deseño de roteiros, etc.
320004	Esgos	Esgos	Ourense	15/08/2020 26/08/2020	18-30	12		É un campo de voluntariado etnográfico que porá ás persoas voluntarias en contacto coa "Ribeira Sacra ourensá", baseada no coñecemento da historia de Esgos en particular e de Galicia en xeral. Un aspecto importante neste campo de voluntariado será a recompilación fotográfica do pasado de Esgos, contos e lendas aínda vivas contadas polas nosas avoas e avós.
320005	Manzaneda	Manzaneda	Ourense	19/08/2020 30/08/2020	18-30	12		Campo de temática medioambiental. O lugar sobre o que se vai traballar é o glaciar das Lamas, datado entre 13 e 16 mil anos de antigüidade. A súa cabeceira está formada por tres circos colgados situados a 1.490 m, 1.480 m e 1.330 m, enmarcados á súa vez nunha serie de amplos anfiteatros situados por riba dos 1.500 m. Entre o primeiro anfiteatro e os circos, a relación  estableceríase por medio de fracturas, obxecto estas de traballo de limpeza.
320006	Glaciar do Cenza	Vilariño de Conso	Ourense	28/07/2020 08/08/2020	18-30	12		A proposta de traballo deste campo medioambientalvai encamiñada á conservación do medio, difusión e posta en valor dos recursos etnográficos e patrimoniais dos que existe unha ampla representación no concello de Vilariño de Conso.

PONTEVEDRA:

Código	Campo	Localidade	Provincia	Dende/Ata	Idade	Prazas	Ficha	Descrición
360001	A fábrica da luz	Cerdedo-Cotobade	Pontevedra	18/08/2020 29/08/2020	18-30	12		Campo de temática audiovisual e patrimonial. Realizarase un documento audiovisual (fotografía na natureza e redes sociais) que poña en valor o patrimonio histórico e natural do concello de Cerdedo-Cotobade, aproveitando, entre outros espazos de interese, a actual rehabilitación do centenario balneario de San Xusto.
360002	Salvemos o mar: plásticos cero	Vilanova de Arousa	Pontevedra	28/07/2020 08/08/2020	18-30	12		Campo de temática medioambiental e mariño que se centrará na recuperación ambiental da costa dende a praia das Sinas ata o porto de Vilanova de Arousa, pasando pola praia do Bao, a praia da Braña, a illa da Insuíña, a área de bateas de Vilanova.
360003	A terra que habita no mar	O Grove	Pontevedra	01/09/2020 12/09/2020	18-30	12		Campo de temática medioambiental que tratará de poñer en valor o concello do Grove a través de traballos de limpeza e extracción de especies invasoras, da recuperación de estruturas de observación ornitolóxica, deseño e colocación de carteis interpretativos nas zonas de actuación, etc
360004	A idade do bronce	Campo Lameiro	Pontevedra	30/07/2020 10/08/2020	18-30	12		As tarefas deste campo arqueolóxico son a colaboración na limpeza dos petróglifos e o seu contorno máis próximo, no mantemento dun pequeno poboado réplica da idade de bronce e na divulgación do Parque Arqueolóxico de Arte Rupestre (www.paar.es).
360005	Tradición en verde	Lalin	Pontevedra	31/07/2020 11/08/2020	18-30	12		Campo de temática arqueolóxica e medioambiental que persegue como obxectivos, por un lado, a participación na VII Campaña de Consolidación de Castro de Doade; e, por outra, a divulgación da cultura e o patrimonio galego a través de varias actuacións no Museo Etnográfico "Casa do Patrón" e o seu contorno: elaboración de material informativo, acondicionamento da área recreativa e sinalización da Ruta dos Muíños e da Ruta do Castro de Doade.
360006	Monte Castelo	Salvaterra do Miño	Pontevedra	19/08/2020 30/08/2020	18-30	12		Campo de temática medioambiental que se centrará na ruta para chegar ao Monte Castelo, traballando na súa sinalización, na limpeza e acondicionamento do seu trazado, na súa dinamización e promoción e un componente social mediante actividades de sensibilización social, para o que se realizará a ruta con persoas con diversidade funcional, fomentando así a actividade adaptada a todas as persoas na natureza.
360007	Illas Cíes II	Vigo	Pontevedra	17/07/2020 28/07/2020	18-30	10 (*)
360008	Illas Cíes III	Vigo	Pontevedra	02/08/2020 13/08/2020	18-30	12		O traballo será medioambiental e consistirá en labores de mantemento da illa, vixilancia de incendios, labores de información e sensibilización do visitante e intervencións puntuais de mellora no parque en colaboración cos traballadores do servizo de medio ambiente. Limpeza da illa sur (única illa non comunicada por barco de viaxeiros). (Esta actividade depende do parque, non se poderá realizar en todas as quendas).
360009	Illas Cíes IV	Vigo	Pontevedra	17/08/2020 28/08/2020	18-30	12

(*) 2 prazas reservadas para persoas con discapacidade 

traballaremos no acondicionamento e limpeza das estruturas arqueolóxicas do xacemento. Faremos tamén traballos de catalogación e dinamización de todo o descuberto. Todo o traballo estará guiado e supervisado por técnicos da Consellería de Cultura da Xunta de Galicia.