Dirección Xeral de Xuventude, Participación e Voluntariado

logo consellería 2022

BANNERWEB

Oferta de campos de voluntariado en Galicia, 2023

A CORUÑA:

Código	Campo	Localidade	Provincia	Dende/Ata	Idade	Prazas	Ficha	Descrición
150001	Ali, Xaz	Ponteceso	A Coruña	28/08/2023 08/09/2023	18-30	15		Campo medioambiental e etnográfico que se desenvolverá na aldea do Couto (Ponteceso). Colaboraráse nas actividades do programa cultural Encrucilladas, da Fundación Eduardo Pondal e na organización das actividades da veciñanza da A.C. Monte Branco, do Couto. Ademais, investigaranse os elementos etnográficos da vila do Couto, colección de patrimonio oral, etc.
150002	Luces de Boimorto	Boimorto	A Coruña	17/08/2023 28/08/2023	18-30	15		Neste campo colaborarase na organización e posta en marcha do “festival da Luz" que se vén desenvolvendo en Boimorto dende o ano 2012 con fins solidarios, tanto nos días previos como durante o propio festival, permitindo que o voluntariado poida desfrutar da experiencia única de vivir un festival de música desde dentro.
150003	Lembrado a nosa pegada	Serra de Outes	A Coruña	15/07/2023 26/07/2023	18-30	15		Campo arqueolóxico e patrimonial que traballará na identificación, catalogación e estudo do pasado do conxunto de dolmens do Alto das Mámoas, contribuíndo á súa posta en valor. Realizaranse actuacións de sinalización, limpeza, estudo e investigación arqueolóxica, creación de revista dixital, etc.
150004	Arboretum	Mesía	A Coruña	15/07/2023 26/07/2023	18-30	15		Campo de natureza medioambiental centrado na posta en valor de Arboretum, un xardín botánico con máis de 300 especies catalogadas, desenvolvendo labores de conservación e posta a punto, deseño de carteis informativos, creación dun mural colectivo, deseño de actividades interxeracionais, etc.
150005	Vilarbó	As Pontes	A Coruña	15/07/2023 26/07/2023	18-30	15		O obxectivo principal deste campo de voluntariado ambiental é a custodia do territorio mediante a conservación e a recuperación das fragas e o bosque de ribeira no entorno do río Eume e a divulgación das Fragas Atlánticas de Vilarbó, para que xeracións presentes e futuras poidan gozar da súa paisaxe e biodiversidade. Desenvolveranse labores de plantación e reforestación, limpeza das beiras do río Eume, construcción dun hotel para abellas, colocación de caixas niño e comedeiros, inventario de especies, etc.
150006	Dunas de Corrubedo	Ribeira	A Coruña	06/08/2023 17/08/2023	18-30	15		Neste campo medioambiental, as actuacións teñen por obxecto asegurar a protección, recuperación, fomento e difusión dos valores ambientais e do patrimonio natural do Complexo dunar de Corrubedo e as lagoas de Carregal e Vixán e incidir en pautas de comportamento da vida cotiá para participar activamente na conservación e mellora do medio.
150007	O batán de Mezonzo	Vilasantar	A Coruña	17/08/2023 28/08/2023	18-30	15		Campo medioambiental e de restauración no cal se traballará na recuperación, limpeza e acondicionamento do sendeiro que leva ao Batán de Mezonzo, máis na restauracion de elementos de madeira propios deste vello artefacto. Levaranse a cabo distintas tarefas de acondicionamento, sinalización e visibilización de rutas, deseño e posta en marcha dun roteiro teatralizado aberto ao público, etc.
150008	Castro de Lupario	Rois	A Coruña	06/08/2023 17/08/2023	18-30	15		Campo de temática arqueolóxica para a posta en valor do castro de Lupario (tarefas de escavación, prácticas de limpeza, siglado e debuxo arqueolóxico, sempre baixo a presenza dun arqueólogo). Segundo vaian aparecendo restos arqueolóxicos daranse charlas nas que se lles explicará ás persoas voluntarias o proceso do seu tratamento. Ao final da escavación o rexistro implicará o levantamento topográfico da zona escavada.
150009	Castro de Montes Claros	A Laracha	A Coruña	26/07/2023 06/08/2023	18-30	15		Campo de voluntariado medioambiental e arqueolóxico no que as persoas participantes farán labores de mantemento e conservación de bens arqueolóxicos, tarefas que se complementan con accións formativas e divulgativas sobre a conservación do patrimonio cultural. Farase identificación de estruturas do poboado fortificado; aprender a mirar e identificar as paisaxes prehistóricas; labores de impeza de maleza e broza e recollida de lixo nas áreas escavadas; acondicionamento dos accesos, etc.
150010	Visualizando Camiños	Boqueixón	A Coruña	15/07/2023 26/07/2023	18-30	15		Neste campo de voluntariado medioambiental e de dinamización farase unha recollida de información arredor do Camiño de Santiago por boca das persoas maiores dos Concellos de Boqueixón e de Vedra. Tamén se fará unha campaña dinamizadora e promulgadora dos camiños de Santiago da Vía da Prata: o Miñoto Ribeiro e o Camiño de Inverno, mediante a creación de contidos audiovisuais.
150011	Amicos	Boiro	A Coruña	04/07/2023 15/07/2023	18-30	15		Campo de temática medioambiental e social para fomentar entre a mocidade os valores da solidariedade e o compromiso coa comunidade, especialmente, coas persoas que se atopan nunha situación de especial vulnerabilidade ou desprotección. Xerarase un grupo de traballo diverso no que a mocidade aprenda o valor da diversidade e comparta unha mesma misión: conservar o patrimonio natural e cultural galego dende unha perspectiva solidaria e inclusiva.
150012	Monte da Espenuca	Coirós	A Coruña	17/08/2023 28/08/2023	18-30	15		Un campo de voluntariado medioambiental co que se pretende recuperar un bosque autóctono e manter e mellorar os ecosistemas asociados, así como mellorar o entorno dun lugar de interese ambiental, cultural e patrimonial, traballando na eliminación especies exóticas invasoras. Desenvolveranse tarefas de limpeza de maleza, corta de especies alóctonas e protección das autóctonas, etc.
150013	A Braña da Serra	Santa Comba	A Coruña	28/08/2023 08/09/2023	18-30	15		A actividade deste campo medioambiental xirará en torno á posta en valor e acondicionamento da Ruta Patrimonial pola Braña da Serra, de recente creación.

LUGO:

Código	Campo	Localidade	Provincia	Dende/Ata	Idade	Prazas	Ficha	Descrición
270001	Friulio	Friol	Lugo	06/08/2023 17/08/2023	18-30	15		Campo etnográfico e medioambiental para a mellora do castro de Friulio, colaborando na restauración e consolidación de diversas estructuras (tellados vexetais das pallozas, fornos, etc) e na sinalización dos accesos a través do paseo fluvial. Ademais participarase na organización e execución da II Malla no Castro Friulio, no que se trata de recuperar a tradición da malla do trigo, que era moito máis que a criba dos cereais. Crearase unha peza audiovisual sobre a malla de Castronela.
270002	Da auga e da pedra	Guitiriz	Lugo	01/08/2023 12/08/2023	18-30	15		Campo de voluntariado cultural e festival no que se apoiará á organización e loxística da Feira e festival de Pardiñas, con labores como o acondicionamento dos lugares de celebración, montaxe de estruturas, participación activa nas actividades programadas, sensibilización ambiental dos participantes nos eventos, recollida de refugallos; traballos de mantemento do Lavadoiro de Forxá; mantemento da ruta de sendeirismo PRG-99 "A ruta da auga", etc.
270003	Xuventude e Camiño, Palas	Palas de Rei	Lugo	06/08/2023 17/08/2023	18-30	15		Campo de temática cultural e dinamizadora onde as persoas voluntarias do Camiño, no seu percorrido diario en bici, darán información sobre o Camiño, etapas, etc, apoio e ánimo ademais doutras actuacións de dinamización. Acometeranse tamén accións de acondicionamento de sendeiros no contorno do Camiño e na área do albergue de peregrinos dos Chacotes, faranse actuacións dinamizadoras.
270004	Castro da Torre	O Courel	Lugo	15/07/2023 26/07/2023	18-30	15		Campo de voluntariado patrimonial no que se actuará nun espazo arqueolóxico para poñer en valor o Xeoparque Mundial da Unesco Montañas do Courel e para promover iniciativas futuras no seu entorno. A liña principal do campo de voluntariado é a posta en valor do Castro da Torre. Os traballos irán dirixidos á limpeza da vexetación invasora do castro, sen tocar estruturas de ningún tipo; desbroce e limpeza, creación de catálogos e medidas e propostas para o concello a través de tres ODS e aprendizaxe sobre a Axenda 2030, etc.
270005	Pena Furada	Quiroga	Lugo	28/08/2023 08/09/2023	18-30	15		O obxectivo deste campo de voluntariado é a recuperación dun ben patrimonial, como é a Pena Furada, un túnel escavado polos romanos para conducir auga a varias minas de ouro, moi presentes na zona. Desbroce e limpeza por medio de ferramentas adecuadas para crear unha ruta de acceso a Pena Furada, limpeza e sinalización do entorno, etc.
270006	Castro e romeria de San Lourenzo	A Pobra do Brollón	Lugo	01/08/2023 12/08/2023	18-30	15		Neste campo de voluntariado as persoas participantes involúcranse cunha pequena comunidade rural para axudar na posta en valor do seu castro, así como na organización da Romaría de San Lourenzo que se realiza no propio xacemento.
270007	Castro da Guítara	Pantón	Lugo	26/07/2023 06/08/2023	18-30	15		Campo patrimonial bo que a principar intervencion será a dinamización as diferentes rutas e a creación de contidos en formato video sobre o Castro de Guítara.
270008	Castro de Viladonga	Castrro de Rei	Lugo	08/09/2023 19/09/2023	18-30	30		Este campo de voluntariado vai permitir a convivencia e o intercambio de experiencias entre participantes galegos e mozos e mozas da Galicia exterior, descendentes de emigrantes galegos, que participarán conxuntamente en actividades de voluntariado vinculadas co patrimonio cultural galego, ademais de gozar dun programa de actividades de tempo libre.

OURENSE:

Código	Campo	Localidade	Provincia	Dende/Ata	Idade	Prazas	Ficha	Descrición
320001	Parque natural do Xurés	Muiños	Ourense	17/08/2023 28/08/2023	18-30	15		Campo medioambiental no que tomando as árbores como lenzos e a paisaxe como elemento invitado, preténdese converter o parque Outeiro de Cela nun entorno referente e atractivo, cheo de cores e obras de arte para os visitantes que se acheguen. Se construirán hoteis para insectos con pallets vellos e materiais naturais, refuxios e comedeiros para aves, limpeza dunha ruta, etc.
320002	Destino Vilariño	Vilariño de Conso	Ourense	28/08/2023 08/09/2023	18-30	15		Este campo medioambiental e social vai encamiñado á conservación do medio e á difusión e posta en valor dos recursos etnográficos e patrimoniais. Ademais, as persoas participantes poderán coñecer as tradicións da man das veciñas que levan transmitíndoas de maneira oral durante xeracións.
320003	Saberes de onte e de sempre	Bande	Ourense	17/08/2023 28/08/2023	18-30	15		Campo etnográfico e cultural que ten como obxectivo principal que as persoas voluntarias, a través dun contacto directo coa poboación local, recuperen historias, tradicións, oficios, saberes, contos e lendas e o folclore propios da comarca da Baixa Limia.
320004	Esgos	Esgos	Ourense	17/08/2023 28/08/2023	18-30	15		É un campo de voluntariado etnográfico que ten como finalidade recuperar a memoria etnográfica e patrimonial dos lugares do Concello de Esgos, con recollida de fotografías sobre o pasado de Esgos; labores de catalogación de lavadoiros, fontes, petos de ánimas, cruceiros... creando un catálogo dixital, unha exposición virtual mediante a plataforma Mozilla Hubs e un mural etnográfico sobre a historia de Esgos.
320005	Castelo de Monterrei	Monterrei	Ourense	15/07/2023 26/07/2023	18-30	15		Campo de voluntariado arqueolóxico e medioambiental que intervirá na Fortaleza de Monterrei e nas areas fluviais. As persoas voluntarias formarán parte dun equipo de profesionais da arqueoloxía que levan tempo na procura dos restos máis antigos da fortaleza. Baixo as súas indicacións, e sempre co máximo respecto considerando a antigüidade dos restos a desterrar, as persoas participantes coñecerán de primeira man a atractiva metodoloxía arqueolóxica (escavación, debuxo, rexistro, 3D...) e tamén outras técnicas auxiliares empregadas para recuperar toda a información posible de tan importante monumento.
320006	Loñoá	O Pereiro de Aguiar	Ourense	28/07/2023 08/08/2023	18-30	15		Campo de temática cultural e festival na aldea de Loñoá, famosa pola súa olería. As labores centraranse na recuperación da festa etnográfica de Loñoá co fin de amosar os vellos oficios para poñelos en valor e impedir a súa perda. Tamén se tratará de amosar a forma tradicional de extracción do barro para a elaboración da olería.
320007	Do audiovisual galego	Celanova	Ourense	04/07/2023 15/07/2023	18-30	15		Campo de temática audiovisual e social para tódalas persoas que queiran vivir “un verán de cine,” formando parte dun equipo artístico e creativo que abordará aspectos da produción, rodaxe, postprodución, montaxe e proxección dunha película.
320008	Larouco	Larouco	Ourense	04/07/2023 15/07/2023	18-30	15		Campo medioambiental e arqueolóxico no que se traballará na contorna do xacemento do Castrillón, con sondaxes arqueolóxicas, fabricación e colocación de caixas-niño, limpeza manual da zona do xacemento, estudo de flora e fauna da contorna, etc.
320009	Recuperando o tempo esquecido	A Veiga	Ourense	28/08/2023 08/09/2023	18-30	15		Campo medioambiental, no que con base no enorme potencial cultural e ambiental co que conta o concello da Veiga desenvolverase o proxecto “Recuperando o tempo esquecido” que ten como obxectivo a recuperación do patrimonio etnográfico relacionado cos oficios antigos e a rexeneración de determinados espazos degradados pero de gran valor cultural e paisaxístico como sendeiros, zonas verdes, alvarizas etc. e a recuperación do castro da localidade de Castromao.
320010	Teatro do Bibei	Viana do Bolo	Ourense	04/07/2023 15/07/2023	18-30	15		Campo de voluntariado de temática teatral para poñer en valor a historia do concello e iniciar unha actividade que axude á dinamización do turismo a través da dramatización da súa historia. Creación dunha performance en vivo e de rúa polos lugares emblemáticos; elaboración de guións, escenografía, decorados, vestiario por parte do voluntariado, etc.
320011	Sapere Aude	Allariz - Vilar de Santos	Ourense	06/08/2023 17/08/2023	18-30	15		Campo de voluntariado arqueolóxico e medioambiental no que o traballo principal realizarase nos conxuntos do Castro de Saa e Castelo de San Salvador, conxugando actividades de tipo arqueolóxico con actividades de conservación ambiental en ambas zonas.

PONTEVEDRA:

Código	Campo	Localidade	Provincia	Dende/Ata	Idade	Prazas	Ficha	Descrición
360001	Illa de San Simón	Redondela	Pontevedra	01/08/2022 12/08/2022	18-30	15		Campo principalmente teatral mediante a realización por parte das persoas voluntarias de visitas interpretativas e teatralizadas polas illas de San Simón e Santo Antón, amosando dun xeito lúdico e educativo o seu pasado e presente, así como a súa biodiversidade e conxuntos artísticos. A intervención medioambiental consistirá na limpeza das marxes mariñas do arquipélago.
360002	Tradición en verde	Lalin	Pontevedra	01/08/2023 12/08/2023	18-30	15		Campo de temática arqueolóxica, etnográfica e medioambiental que persegue como obxectivos, por un lado, a participación na campaña de excavación da Mámoa A Pena do Santo e acondicionamento do Castro de Doade ; e, por outra, a divulgación da cultura e o patrimonio galego a través de varias actuacións no Museo Etnográfico "Casa do Patrón" e a súa contorna, coa elaboración de material informativo, acondicionamento da área recreativa e sinalización da Ruta dos Muíños.
360003	Aldea Alfacuca	Mos	Pontevedra	26/07/2023 06/08/2023	18-30	15		Campo medioambiental para traballar na mellora e posta en valor da aldea Alfacuca , participar nunha campaña para a retirada de especies exóxenas invasoras, fomentando a plantación de árbores autóctonas así como crear unha aula de natureza da propia aldea.
360004	O Camiño Portugues pola costa	Oia	Pontevedra	28/08/2023 08/09/2023	18-30	15		Campo de voluntariado social e etnográfico para dar a coñecer e promocionar o patrimonio etnográfico, arqueolóxico e cultural arredor do Camiño de Santiago Portugués pola Costa e que as persoas voluntarias colaboren na súa divulgación e posta en valor, implicándoas no seu coidado e mantemento.
360005	Shinrin Yoku	Soutomaior	Pontevedra	15/07/2023 26/07/2023	18-30	15		Campo de voluntariado medioambiental e social, para crear o primeiro espazo “Shirin_yoku” de Galicia. “Shinrin-Yoku” é un concepto xaponés que traducido literalmente significa “baño de bosque” Trátase de tomar o tempo para notar o que vemos, respirar profundamente, sentir o contacto co aire, as texturas das follas, escoitar o vento entre as árbores, oír os paxaros, desenvolvendo varias actividades nesta liña.
360006	Salvemos o mar	Vilanova de Arousa	Pontevedra	04/07/2023 15/07/2023	18-30	15		Campo de temática medioambiental e mariño que se centrará na recuperación ambiental da costa dende a praia das Sinas ata o porto de Vilanova de Arousa, pasando pola praia do Bao, a praia da Braña, a illa da Insuíña, a área de bateas de Vilanova.
360007	A terra que habita no mar	O Grove	Pontevedra	15/09/2023 26/09/2023	18-30	15		Campo de temática medioambiental que tratará de poñer en valor o concello do Grove a través de traballos de limpeza e extracción de especies invasoras, da recuperación de estruturas de observación ornitolóxica, deseño e colocación de carteis interpretativos nas zonas de actuación, etc
360008	Rural influencers	Cerdedo-Cotobade	Pontevedra	26/07/2023 06/08/2023	18-30	15		Este campo de voluntariado propón o reto de poñer en valor a riqueza cultural e patrimonial dos nosos maiores (Rural Influencers) reforzando as relacións e dinámicas que xorden coa mocidade participante. Realizaranse tarefas de dinamización cultural e artística desenvolvendo intervencións de animación (obradoiros, performances, ...) ademais dunha pintura mural de creación comunitaria.
360009	Ruta de Palacios	O Porriño	Pontevedra	26/07/2023 06/08/2023	18-30	15		Campo de voluntariado audiovisual e patrimonial para dar a coñecer a obra do arquitecto Antonio Palacios (O Porriño, 1874 – Madrid, 1945), un dos arquitectos máis recoñecidos do século XX mediante a elaboración de materiais audiovisuais que den sustento a esa finalidade.
360010	Illas Cíes I	Vigo	Pontevedra	01/07/2022 12/07/2022	18-30	20		Este icónico campo de voluntariado medioambiental que se desenvolve no paraíso das Illas Cíes permitirá colaborar en labores de mantemento da illa, vixiancia de incendios, labores de información e sensibilización do visitante e intervencións puntuais de mellora no parque en colaboración cos traballadores do servizo de medio ambiente. Está previsto colaborar na limpeza da illa sur (única illa non comunicada por barco de viaxeiros), aínda que esta actividade depende do Parque Natural e non se poderá realizar en todas as quendas.
360011	Illas Cíes II	Vigo	Pontevedra	15/07/2023 26/07/2023	18-30	20 (*)
360012	Illas Cíes III	Vigo	Pontevedra	01/08/2023 12/08/2023	18-30	20
360013	Illas Cíes IV	Vigo	Pontevedra	17/08/2023 28/08/2023	18-30	20
360014	Illas Cíes V	Vigo	Pontevedra	01/09/2023 12/09/2023	18-30	20

(*) 2 prazas reservadas para persoas con discapacidade