A Dirección Xeral de Xuventude e Voluntariado dentro do Plan de Formación para a Rede Galega de Información Xuvenil 2012, convoca o Curso  : ANÁLISE DA INFORMACIÓN XUVENIL NO CONTEXTO DAS POLÍTICAS DA XUVENTUDE

Obxectivos: Analizar a realidade xuvenil en distintos ámbitos e organizar e xestionar servizos de información xuvenil.

Destinatarios/as: Persoal da Rede Galega de Información e Documentación Xuvenil, universitarios/as e estudantes das ramas xurídico-social e humanidades.

Criterios de selección: Para o persoal da Rede galega de información xuvenil seleccionarase en función da antigüidade como informador xuvenil.  Para o resto de solicitudes seleccionaranse por orde de inscrición.

Resérvase un 50% de prazas para o persoal da Rede galega de información xuvenil, e un 7% para persoas cunha discapacidade igual ou superior ao 33%. No caso de non cubrirse  as prazas reservadas nalgún dos grupos pasarán  aos outros.

Número de horas: …………………………… 40

Número de prazas: ………………………… 26

Contidos: Análise da realidade xuvenil en distintos ámbitos.  Aplicación de estratexias e contidos das políticas de xuventude. Organización de servizos de información xuvenil. Xestión de servizos de información xuvenil.

Modalidade: semipresencial. As  sesións presenciais e examen presencial final terán lugar no Centro Coordinador de Información e Documentación Xuvenil de Galicia.

Data de realización do curso: Do 22 de marzo ao 18 de maio de 2012. A primeira sesión presencial terá lugar o día 22 de 10.00  a 11.30 h.

Proba final: examen presencial o día 18 de maio de 2012 as 10.00 h.

Prazo e lugar de inscrición. O prazo de presentación de solicitudes rematará o 29 de febrero as 14.00 h., e realizarase a través da páxina www.xuventude.net, cumprimentando a ficha de inscrición.