O Xanela Aberta ao Sur é un programa de Educación para o desenvolvemento e Sensibilización de AMARANTE cuxo obxectivo principal é achegar á sociedade galega as realidades do Sur e os procesos organizativos que nelas se producen derribando estereotipos e preconceitos sobre as causas e consecuencias da pobreza. Neste ano farase un especial fincapé na perspectiva da feminización da pobreza e contarán cunha persoa da univesidade especializada neste tema.

Durante os meses de Marzo, Abril e Maio levaranse a cabo catro xornadas formativas que darán paso á posibilidade de viaxar nos meses de Xullo e Agosto e convivir durante catro semanas cunha das organizacións coas que colabora Amarante:
- Movemento dos Trabalhadores Rurais sem Terra en Brasil  http://www.mst.org.br
- MCCH en Ecuador  http://www.fundmcch.com.ec
- Asociación Attawassoul en Marrocos  http://amarantesetem.org

As datas das xornadas de formación son:
1ª xornada de formación: 24 de marzo en A Coruña.
2º xornada formativa: 14 e 15 de abril
3ª xornada específica: 12 de maio
4ª xornada específica: 26 de maio
Avaliación: 15 de setembro
Finalamente, en xuño e setembro viaxarase a Ecuador, Marrocos e Brasil para coñecer o traballo das parceiras nestes países.
Amarante non asume ningún custe senón que son as propias persoas que viaxan as que organizarán en grupo a súa viaxe. Corren pola súa conta os gastos do billete de avión, transporte e estancia no país de acollida e calquera outro gasto derivado da viaxe. Ademáis, AMARANTE Setem xestionará un seguro de viaxe que correrá pola conta de cada persoa que viaxe.
Os requisitos para participar son:
- Ser maior de idade.
- Para viaxar é necesario asistir a todas as xornadas formativas.
- Pago da matrícula (20 € os estudantes ou parados e 30 € traballadores.

O prazo de inscrición estará aberto ata o 22 de marzo de 2012

Máis información en http://amarantesetem.org/xanela e nos teléfonos 986 848 159 - 981 584 713.