Estos encontros pretenden achegar a tódolos mozos emprendedores no mundo asociativo xuvenil o programa Iniciativa Xove.
 Iniciativa Xove é o programa da Dirección Xeral de Xuventude que permite os mozos e mozas da comarca realizar os seus proxectos tanto dentro dunha asociación xuvenil coma dun grupo informal.

Chantada, 25 de xaneiro. A Dirección Xeral de Xuventude e Voluntariado celebrou onte no Espazo Xove de Chantada un encontro destinado a fomentar e animar á mocidade a participar como líderes xuvenís a través da posta en marcha de proxectos de Iniciativa Xove..

Esta iniciativa nace co obxectivo de achegar a todos os mozos e mozas emprendedores no mundo asociativo xuvenil  o programa Iniciativa Xove da Dirección Xeral de Xuventude e Voluntariado.

No encontro participaron vintesete representantes de entidades do tecido asociativo xuvenil co fin de informarse das novidades deste ano 2012 dentro do programa e para por en común as inquedanzas e propostas á Dirección Xeral de Xuventude e Voluntariado.

Os asistentes foron tamén convidados a participar nos 5 talleres “ Lidera a túa idea” que  se levarán a cabo no vindeiro mes de febreiro co obxetivo de trasladarlles os puntos e as claves básicas de cara a formalización dun proxecto de calidade. Mañá venres 27 publicarase en www.xuventude.net a convocatoria dos mesmos.

Este encontro foi un dos 25 que Benestar está a celebrar en todas as comarcas de Galicia e hoxe, 26 de xaneiro, trasladarase ás Facultades de Turismo de Ourense, Ciencias Económicas de Vigo e ó Concello de Foz. O venres no Espazo Xove de Betanzos, o sábado 28 en Ribadumia e A Estrada,  o día 30 no Espazo Xove de Ourense e o 31 no multiusos da Cañiza.