A clamidiase é producida pola Chlamydia trachomatis, a bacteria máis contaxiada sexualmente tanto entre persoas adultas coma entre adolescentes. É un xerme exclusivamente humano.

A maioría das persoas afectadas son mulleres menores de 25 anos e é máis frecuente aínda se teñen menos de 20 (adolescentes).

Ten un período de incubación, tarda en manifestarse entre 10 e 16 días e, dependendo da variedade, causarán diferentes infeccións:

• Uretrite, cervicite, enfermidade inflamatoria pélvica, perihepatite, síndrome de Reiter (infección combinada da uretra, conxuntiva dos ollos, articulacións e pel).
• Linfogranuloma venéreo.

• Tamén producen a maioría dos casos de epididimite (inflamación dos canos do seme) en menores de 35 anos, con dor dos testículos, inchazón ou febre.
• Con menor frecuencia haberá prostatite (infección da próstata) ou a síndrome de Reiter.

Nas mulleres os síntomas son menos específicos, pero con consecuencias máis graves: cervicite; uretrite; bartholinite; perihepatite (inflamación da cápsula que envolve o fígado); transmisión do recén nacido ao parir, casos que van dunha conxuntivite atá a morte, nunha terceira parte das afectadas.

• A enfermidade inflamatoria pélvica comeza con síntomas leves, que se van agravando até ser intensos: dor abdominal; dor interna no coito vaxinal; inchazón do ventre que se confunde con "gases". Cómpre non esquecer que é causa de esterilidade e xestacións extra-uterinas (ectópicas) e que xera moitos ingresos hospitalarios.
• Infeccións comúns a ambos os dous sexos: na farixe e no corazón, aínda que isto último é máis raro.

Unha vez diagnosticada, hai que tratar con antibióticos, tanto a persoa infectada, coma as parellas sexuais dos 60 días anteriores, aínda que non teñan síntomas, o que ocorre no 50% dos casos.

A clamidiase é causa de esterilidade e de moitas xestacións extrauterinas.